ما تخفيه الحروب

part11

بقلم :جنة بغداد

#ما تخفيه الحروب

_ما أخفته القلوب أظهرته المواقف
.
.
.
.
.
من التفت على الباب جان اشوف ابو هاجر هنا احس كمت ما اعرف اتنفس من الخوف لان خلاص نكشفنه و ما اعتقد راح نطلع من هنا قطعه وحده لا اني ولا ابو كتمان ولا ابو جحيم
هو من شافنا انتبهنا عليه ركض بسرعه كام إباء يريد يركض وره
لزمت ايده وهيزت راسي بمعنى لا
_طور بخوف:اني راح اروح وره حتى اجيبه هنا وانت حاول تمنعه ما يحجي
هز راسه بمعنى اي
طلعت اركض وره لكيته واكف يأخذ نفس لان هو جبير بالعمر يمكن يطلع ب خمسين سنه من شافني ركض واني ركضت وره حد ما وصلت اله ولزمت ايده جان يلتفت و يضربني راشدي خلاني اوكع بالكاع شكد ما قوي
_ابو هاجر:من اول ما شفتج انتي و هذاك سق.... ما ارتيحت لكم و عرفت انتم وراكم شي
كمت من الكاع دايخه بسبب راشدي لزمت ايده واحجيت بتوسل
_لا تحجي اي شخص فدوه شنو تريد اسوي لك بس لا تحجي
_انجبي لج احنا دوله اسلاميه جايه وحده مثلج ما تسوه تفله تضحك علينه
_طور:ابو هاجر والله شنو تريد اسوي لك بس لا تحجي اصلا اني جنت مجبوره اجي هنا لا تسوي شي لي فدوه
باوع عليه من فوك حد جوه بنظره عرفت معناها وابتسم بتقزز و مسح على لحيته
_شنو اريد تسوي لي
هزيت راسي معنى اي
_خوش لعد راح تصرين سبيه عندي وشرط ما راح اجيب اسمج بكل هذا لي صار بس هذاك ساق... مواقفه لو لا
_اي موافقه بس تعال نتفاهم جوه بالغرفه
ضحك بصوت عالي كلش مثل شخص لي حصل على شي يريده من زمان
يمشي بصفي و كل شوي يباوع عليه ويضحك احس قطره دم ما بقت بجسمي مدري شنو راح يصير لنا
وصلنا الغرفه لي بيها ابو كتمان دخلت اول شي ما شفت ابو كتمان بلعت ريكي من الخوف جان يدخل ابو هاجر ورايه
_جنت منتظر هاي لحظه من زمان
سد الباب ويه اول خطوه تقدم بيها جان يهجم عليه إباء و يطوق ايده ثنين على ركبته و يخنكه
رجعت الزاويه من الخوف و دموعي تنزل ما اعرف شنو اسوي بهاي لحظه
اباوع عليهم ابو هاجر يصارع ويه إباء حتى بس يبعد ايده من ركبته و إباء يخنكه بكل قوته
إباء صياح:طور ضربيه بالمسدس بسرعه
_طور بخوف:شنووووو تحجي انت ما اسوي هيج
_لا تخلين .... هسه بسرعه جاي اكولج يموت هو ولا احنا نموت
دورت على مسدس مالت إباء لكيت على الميز قريب مني اخذت مسدس وايدي ترجف وجهت على ابو هاجر لي من شاف بيدي مسدس بقه يتحرك بسرعه حد ما ضربه إباء على رجله و خله ينحني
_إباء بعصبيه:يلا اضربي بسرعه
ضغطت على زناد مسدس ما كدرت أميز بين صوت ضربه و صوت صرخه ابو هاجر و الدم لي طفر على وجهي
إباء بس شافه مات دفره و تفل عليه
_اباء:تف عليك يا كو.... اليوم تتغدا ويه ابو لهب و ابو سفيان جماعتك
اخذ جهازه الاسلكي و حجه
_اباء:أبا ميثاق أبا ميثاق
_ماذا هناك أبا حفصه
_فل تأتي انت و الامير إلى غرفه أسير بسرعه هناك امر هام
_حسنا
شمر الاسلكي على جربايه و راح ابو هاجر يفتش بيه اني باوعت عليه لكيت رصاصه بنص صدره شمرت المسدس وايدي ترجف بقيت ارجع الى يوره حد ما نضرب بحايط كعدت واني ارجف واحجي بصوت ناصي و بيه رجفه و كلام متقطع
_طور:كتلته اني قاتله هسه
باوعت على ايدي و اردد بس كلمه قتلته
باوع إباء عليها شاف حالتها مو طبيعيه راح الها و كعد كبالها
_طور باوعي عليه شبيج
رفعت راسي اباوع عليه يحجي وياي بس ما اسمع صوته
حد ما حسيت اله ضربني راشدي و يصيح عليه
_اباء:شبيج اصحي اصحي لا تخبليني خلي اخلص من هاي مشكله لي وكعنا بيها
_بس اني قتلته
_انجبي مفهوم لو ما قتلتي جان احنا هسه كلنا نتغدا بالجنه ويه الحمزه هسه اسمعيني و نفذي كل حرف اكوله لج
كوه هزيت راسي معنى اي
_ابو هاجر مندس من القوات العراقيه اجه حتى يكتل ابو جحيم حتى ما يحجي معلومات الداعش و هو يأخذ معلومات و يوصلها الهم هو و ام جهاد تمام حد هسه لو لا
_اي
_انتي راحتي الحمام من اجيتي لكيت ابو هاجر واكف فوك رأس ابو جحيم و جاي يخنكه وانتي صيحتي هو ضربج و اجه يريد يعتدي عليج بس قاومتي و رآها اجيت لج اني حتى نروح البيت بس شفته اجيت و تعاركت ويه و هو ضربني وانتي من خوفج عليه ضربته رصاص مفهوم لو اعيد
يحجي وياي واني دموعي تنزل من الخوف خلص كلامه وهزيت راسي معنى اي فهمت باوع عليه اخذ شال مني و خربط شعري هو يسوي هيج واني مثل اطرش بزفه
رفع ايده حتى يضربني بس نزلها
_إباء بضحك:ما يحتاج اضربج خوش محصله كفخه من هذا كو..... نوب اني هم ضربتج حتى ترجعين الوعيج
_طور بهدوء:الله ينطيني هدوء الاعصاب الي عندك حتى تضحك هيج بس شلون على كامرات المراقبة الموجودة بالممر
ما رد عليه بس ابتسم لي و كام راح على جثه ابو هاجر اخذ سجين مالته و جرح ايده و شمرها يم جثه من شفته هيج صرخت
_جاي تسوي انت مخبل شلون تسوي هيج
_وكرص شبيج تصرخين مثل وحده تطلك ما دخلج
اباوع عليه ايده بدت تنزف وهو ولا عبالك ايده جاي تنزف
ردت انطق بس ما حسيت اله ابو ميثاق و ابو محجن لي هو امير هاي منطقه دخلوا الغرفه
_ابو محجن:سلام عليكم
_اباء:وعليكم سلام ايها الامير
باوع ابو محجن على ابو هاجر و شافه مقتول و بعدين باوع عليه اني من شفته باوع عليه انتجيت على حايط و كمت دورت على شال لكيته قريب مني مشيت أخذته و لفيته شلون ما كان و بقيت واكفه على صفحه
هو من شافني هيج حجه ويه أباء بعصبيه
_ابو محجن بعصبيه:ابو حفصه شنو جاي يصير هنا
_اباء:راح احجي لك كل شي
حجه اله إباء كل شي مثل ما كال لي و زيد عليه هم هو يسمع و يمسح على لحيته بكل هدوء
اما ابو ميثاق بس يباوع عليه ابد ما شال عيونه مني
من خلص إباء كلامه حجه ابو ميثاق
_عندك ادله على هذا كلام انو ابو هاجر ام جهاد خاينين
_إباء:اي طبعا مستحيل اكول هذا كلام بدون ادله
طلع إباء من جيبه فلاش لابتوب
_اذا ما تصدك شوف داخل هاي فلاشه اني بدايه ما ردت انطيها لكم اله اتأكد بس بعد لي صار تأكدت
صاح ابو محجن على جنود لي بره الغرفه اجه واحد اله جان مو من العراق لان لهجته كلش مكسره
_نعم مولاي
_ روح جيب لابتوب وتعال
عشر دقائق و اجه جايب لابتوب و طلع من الغرفه
اخذ ابو ميثاق فلاشه و شكلها على لابتوب بقه نص ساعه و هو يبحث بيها حد ما حجه ابو محجن
_ها شنو صار لكيت شي
رفع راسه و باوع على إباء و بعدها التفت على ابو محجن
_كل لي كاله ابو حفصه صحيح شنو راح نسوي هسه
_الو محجن:ابو هاجر نذل مات و راح إلى درك اسفل من النار بقت ام جهاد اقيموا القصاص عليها امام كل الناس حتى تكون عبره الهم
_ابو ميثاق:حاضر مولاي
رفع نظره عليه باوع عليه بنظره غريبه و التفت و طلع
كام ابو محجن حتى يطلع بس توقف من سمع صوتي
_شنو نسوي إلى هذا أسير اخاف اذا بقه هنا هم يرجعون يردون يقتلونه لان حتى اكثر أشخاص لي كنا واثقين بيهم غدرونه
جنت احجي ويه بهدوء و رجفه صوتي ابد ما راحت
التفت عليه و مسح على لحيته
_راح نغير غرفته غير غرفه حد ما يكعد
_طور:لا أفضل ينتقل البيت مالتنه هناك امان وحد يكدر يتهجم علينه افضل من غرفه جديده واني اسفه يا أمير بس مكان هنا صار يخوف هسه كان صرت زانيه بسبب جلب ابو هاجر
_ابو محجن بتفكير: كلامج صحيح ابو حفصه اخذ هذا رافضي وياك البيت حد ما يكعد و نتصرف ويه
رجع التفت عليه و كمل كلامه
_اما انتي راح تكونين مساعده المسؤوله بيت ضيافه ام حجاج بدل عن ام جهاد بس يصحى أسير اعتبري هذا تعويض على لي صار وياج اليوم هسه يجون يشلون جثه الكلب من هنا
خله وطلع هذا شنو يحجي هيج الامر عنده بسيط لا أهتم ولا عبالك شي صار
التفت عليه إباء و تقرب مني وحجه بصوت ناصي ويه ابتسامه شاكه حلكه
_اريد ابوس عقلج على هاي فكره لج شنو هذا ذكاء لي عندج
راح إخذ كرسي متحرك لي جان بالزاويه لي راح يصير اله شهر هنا
تقرب من ابو جحيم و بعد عنه الاجهزه الطيبه من جسمه و اجه راد يعدله حتى ينقله الكرسي بس ما كدر بسبب الألم جرح لي بيده تقربت منه
_طور:وخر اني اخلي على كرسي ايدك جاي تنزف هسه اذا تحركها راح تاذه بزايد
_إباء بأستهزاء :ليش كدرين تشلين بغل مثله
باوعت عليه صفحه و تقربت من ابو جحيم ورفعته صح هو ثكيل حيل وضخم كلش واني ما اكدر وحدي بس ابو كتمان ايده مجروحه وهسه اذا يشيله ايده تتأذه اكثر
خليت ابو جحيم على كرسي ، رحت اخذت شاش ورحت لزمت ايد ابو كتمان و شديتها
_بس اوصل البيت اشوفها لك هسه خليت لك هذا شاس حتى يتوقف نزيف شوي