ما تخفيه الحروب

part الاخير الجزء الاول

بقلم:جنه بغداد

#ما تخفيه الحروب
.
.
.
_وانتَ ياقصتي وغصتي وفرحتي
.
.
.
صلت نهايه الممر جان اشوف شي صدمني و آخر شي جنت اتوقع اشوفه
شفت سبأ وهيه واكفه ويه إباء وضربته راشدي و صاحت عليه ويه صاكه على سنونها

_شكد شايفه ساق... بس مثلك ما شايفه

ما انطه اي ردة فعل على ضربه بالعكس حجه وياها بكل هدوء مثل جاي يحاول يمتص غضبها

_اباء:بس انتظري خلي افهمج

صاحت بصوت ناصي بعصبيه و هيه تضغط على سنونها حتى محد يسمعها

_شنوووو تفهمني هاااا شنو كل شي شفت بهاي عيوني بعد شنو تحجي

_اباء:سبأ وداعتج ما اعرف...

_سبأ بغضب:كافي مليت من هذا كلامك ما تعبت وانت تعيد هذا كلام كل مره هاااا ترى تعبت اني و وصلت حدي وياك

خلت و دارت وجهها حتى تروح مشت خطوتين و هو لزم ايدها حتى يمنعها تروح نفضت ايده بقوه وتقدمت حتى ما بقت مسافه صغيره تفصلها عنه رفعت اصبعها بوجهه تأشر بتحذير

_لا تلزمني ابد اني مو من كح...تعرفهن مفهوووم

تقدمت عليهم بسرعه لان بعد شوي واحد يلزم شعر ثاني لو واحد يضرب طلقه على ثاني

_طور:شبيكم يمعودين فضحتونا كافي تعالوا المكتب و نتفاهم على كل شي

محد سمع كلامي بس اباء رد على سبأ بغضب

_اباء بغضب مكتوم:كافي عاد بزعتيني خليني افهمج شنو صار

_ما اريد تفهمني احنا اصلا وصلنا اخر طريق و ما اشوف اي مستقبل لنا

_اباء بغضب:هذا اخر قرار عندج متأكده

_سبأ:اب متأكده ونص

_خوش لعد كلمن يروح بطريق

_طور:اباء سبأ شبيكم تخبلتوا شنو هذا حجي

_اباء:طور لا دخلين هيه تريد هذا شي و راح يتنفذ لها

_سبأ:اكيد لام ما شالله مو قلب عندك كوستر

ابتسمت بأستهزاء و راحت هو بقه يباوع عليها و قابض على ايده بقوه

_طور:اباء اهدء هسه هيه عصبيه مو قصدها تحجي هذا كلام

_اباء:لا طور عوفيها براحتها هذا اختيارها خلي تتحمله

_لا اباء سبأ والله تموت عليك ما شايفها شنو يصير بيها اذا ما ترد عليها وانت عندك واجب والله تفرفح روحها حد ما ترد

_طور اني ما غلطان حاولت اشرح لها الموضوع بس هيه اخذتني بصياحها و عصبيتها لا فوك هذا تضربني

_طور:كلتلك هيه مو قصدها تسوي هيج بس اكيد شافته ضوجهه و ما كدرت تحكم بأعصابها خليها فتره تهدء و بعدين تفاهموا من جديد