ما تخفيه الحروب

part29

بقلم:جنة بغداد

#ما تخفيه الحروب
.
.
.
_لا توصينيّ على روحيّ، وروحيّ عندك♥️.
.
.
.

_العضيد:اريد منك خدمه
_شنوو تريد
_العضيد:اريد تجيب كل معلومات عن زوج شمس عبدالله جده سابع عشر أريده هم موجود مفهوم
_الليل كل شي يكون يمك
طبعا هذا صديقي يشتغل بالمخابرات مره سويت اله خدمه و كال شنو تحتاج اني موجود و هسه اجه وقته بقيت بغرفتي الليل ما طلعت احس كاره نفسي حيل بسبب سوايه شمس بنفس الوقت فرحان لان كدرت اخبص منها هنا بعد مالي اي عذر حتى اتزوجها لان كان بيني و بين ابوها وعد قبل لا يموت اتزوجها لان هيه ما عدها احد ثاني واني ما رفضت لان هو يعتبر مثل ابوي و رباني
خليت و نزلت جوه و لكيت امي كاعده و ايدها على خدها و دموعها تنزل من شافتني بسرعه مسحت دموعها
_هاي يمه رايد شي
رحت و نمت على رجلها و هي خلت ايدها على شعري
_العضيد:لا ما رايد شي
سكتت شوي و حسيت دموع تنزل على خدي باوعت عليها لكيتها تبجي و خلت شيلتها على عيونها لزمت ايدها و بستها
_شبيج يمه ترى ما بيه شي و عيونج
_كوكب:سوده عليه يا وليدي ما تهنيت بحياتك حتى ردتها راحت من ايدك
عدلت كعدتي و ابتسمت لها رغم النار بالكلبي بس ما اريد أبين لها:شبيج يمه والله ما مهتم ما اريدها راحت الله وياها بس و تراب ابوي اله اندمها لان عافت ابو جحيم و راحت الغيره
_لا يمه دخيلك لا تسوي شي صح اني بدايه ما اريدها لك بس رغم هذا تبقه بنت خالتك
_لا تخافين يمه ما اسوي لها شي
_كوكب بشك:متأكد لو تجذب عليج
_ما عاشت يجذب عليج كوكبي
اجت زهراء و عيونها حمر بس شافتني اجت تركض و حضنتني و بقت تبجي
_العضيد بضحك:هاي شبيج يمعوده صايره سمنج
ضربتني على ظهري و حجت بعصبيه
_ترى وزني خمسين وين سمينه
_لا اصلا ابد مو سمينه
ابتعد عني و صاحت بعصبيه:العضيددد كااافي تخبلت
_كوكب: يا شمالج تسودنتي
_يمه ما تسمعينه شوي و يطلعني فيل براري
_لا تخافين فيل براري أضعف منج
ضربتني اني على زندي لان كلنا نعرف تخبل زهراء اذا احد كال لها وزنج زايد
_كوكب:كافي شقه ثكيل
_العضيد:حاضر
_اكوم اصلي احسن لي
_العضيد:ادعيلي
_كوكب:شبيك ما تكوم و تهز طولك و تصلي لو ناقصك ايد رجل
_العضيد:هااا يمه هيج صارت
_اي تدري بيه كل شي ولا صلاة عندي
خلت و راحت و التفت على زهراء لكيتها بعدهي واكفه و تباوع عليه و هيه مبرطمه شفتها
_شبيج انتي ثانيه
_العضيدي صدك اني سمنانه
_لا يا روحي اشاقه وياج
_عليك الله
_اي والله و عيونج
فرحة و ضحكه شكت حلكها من طول الطول
_زهرتي سوي لي جاي راسي يوجعني
_حاضر من عيوني
أشرت على عيونها وراح ضحكت عليها و ذكرت خيزرانتي من جنت اكول لها انتي ضعيفه تمووت شوي و تجي تذبحني ضحكت و لزمت جهاز و اتصلت على اركان
_اركان:شبيك خاطر العباس يعني ماكو يوم ما يمر بدون ما تسمع صوتي حتى لو رجلي جان مليت مني
_انجب يعني ما مشتاقلي
_هو اني لحكت انساك حتى اشتاقلك انت وهذاك العار صايرين حتى بالحمام طلعون لي
_اكل خرااا و اسمع
_ما اكلك و شنو تريد
_من جاي يراقب خيزرانه
_اهوووو انت ما تخلص يااا اخي انسه و عوفها هيه لزكه مو راح تزوج كافي
_اي اتزوج امك حلوه بنت حلوه
_عوف امي شنو تريد من خيزرانه
_ما دخلك هسه تكول لو لا
_لا ما اكول
_ماشي اني راح اعرف بطريقتي
ردت أسد الخط جان صاح و هو يافف
_اركان:اوووف جلده يحميها
_من الاول و كول ليش تبقى تمسلت زايد
رد يحجي و سديت الخط بوجهه خليت و اتصلت على جلده
_العضيد:هاااا ضلعي شلونك
_لك هلا بروح الروح شنو هاي الشمس منين طالعه و ابو جحيم بذات نفسه يتصل عليه
_ العضيد:انجب هو اني وين جنت هو البارحه رجعت
_ادري بس والله خوش صايدين صيده
_العضيد:اي والله تخبل مهم اكولك
_ كول صاير شي
_العضيد:لا بس دكتوره جاي تراقبها اريد كل أخبارها من اول يوم بديت مراقبه حد هذا اليوم
واني احجي ويه دخلت زهراء و بيدها جاي أشرت الها تخوطه و تنطي لي و هيه سوت مثل ما كلتلها و اني اسمع رد جلده
_باوع خويه هيه هاي دكتوره أمرها غريب عجيب
_ العضيد بقلق:ليش شنو بيها
_شوف بالبدايه ما طلب مني اراقبها او نكدر نكول احميها ما عرفت السبب اله وره شهرين و هيه بهاي شهرين ابد ما طلعت من البيت و بعدها كامت تروح المستشفى تبقه بيها يومين هناك بعدين تروح البيتهم بس يوم عن يوم حالتها تسوء و التعب واضح على شكلها وحتى ضعفت حيل
_العضيد بقلق:احجي هيه بيها شي
_اي قبل شهر او اقل اخذوها المستشفى بالليل و طلعت ثاني يوم العصر
_العضيد:ما عرفت السبب
_لا ما كدرت لان هذا مو شغلي
_العضيد:اريد تعرف كل معلومات و شنو سبب دخولها المستشفى
_باجر اعرف لك كل شي رايد شي بعد
_العضيد:اي اكيد انت مصور لها صور صحيح لو لا
_اي مصور لها كم صوره
_العضيد:ارسلهن لي كلهن اريدهن
_تمام هسه ارسلهن بس انت ليش مهتم هيج الها
_العضيد :بعدين مووو هسه يلا عطلتك هواي
_لا خويه تدلل شنوا سالفه
_مع السلامه
_الله وياك
سدت الخط منه و بالي كله يمها اكيد صار بيها هيج بعد كل شافته هناك و هي اخر فتره تعبت حيل واني جاي افكر بيها قاطع تفكيري زهراء
_زهراء:اكووول ضلعي هاي منو تريد صورها
_هذا مو شغلج
و خزرتها من فوك حد جوه هيه اجت و كعدت يمي و لزمت شبثت بأيدي
_هااااي شبيك اريد إشباع فضولي
_العضيد:وكلي فضولج و هو يشبع
_اهووووو العضيد شبيك صاير كلش هو اني ردت اعرف بس مره اخوي منوووو تكون
_اني كم مره كلتلج لا تصرين فضوليه فضل مو بكل شي حلوووو
احجي وياها واني لازمها من اذانها و هيه خاله ايدها فوك ايدي و عاقجه وجهه
_زهراء:توبه والله بعد ما اصير فضوليه بس عوف اذني
_متأكده
_زهراء:اي والله
عفت اذنها صارت حمره و هيه بقت تفرك بيها بألم بس نظرها تركز على أسوار لابسه
باوعت بنظره حذرتها حتى ما تسأل عنه بس ابو طبع ما يجوز من طبعه
_الله حلو هذا الاسوار منين جبته
_العضيد:اني كايل ابو طبع ما يجوز عن طبعه
_شكله من الحب موووو احجي اعترف
_العضيد:ليش تردين اكوم افلش وجهج
_يلا اسفه
حجتها بنبره عدم إعجاب ردت ارد بس صوت دكه جهاز وكفني باوعت لكيت حسنين باوعت الها و كمت بس قبل لا اوصل التفت اله و ابتسامه الشر مرسومه على وجهي
_كولي امي باجر تعزم خالتي ثنينهن
فتحت حلكها بصدمه و وسعت عيونها بعدم استيعاب
_شنووو
حجت كلماتها بتردد
_مثل ما سمعتي خالتي يعني ام شمس هم مفهوم
مشيت خطوتين و رجعت كملت:هااا صحيح خلي شمس تجي وياها و لا تكول لها العضيد رجع و تحذر خالتج امال ما تحجي اني اجيت مفهوم
عفتها بالحاتها الصدمه و طلعت الحديقه و رجعت اتصلت على حسنين
_هاي وين جنت يمعود
_ إلعضيد:شبيك طلعت بالحديقه حتى محد يسمع
_احسن لان عندي هواي حجي اريد اكولك عليه
_العضيد:هاااا شنو صاير شلكيت
_كول شنوا ما لكيت شلون عائله تشرف درجه شرف واصل الكعبه
_العضيد:غرد بعد روحي
_شوف........
ويه كل كلمه يكولها اكور على ايدي بغضب حد ما خلص
_هذا كل شي
_العضيد:خوش حلاوه راح نحلي
_شنوا ناوي تسوي
_العضيد:دز الملف واني راح اتصرف
_دير بالك ترى شغله مو سهله
_العضيد:ابو جحيم يمووت على مو سهل
_مخبل ما عليك عتب
_يلا ولي و مشكور بعد روحي
_ضلعي أنت
كعدت ادخن واني بالي الف فكره و فكره ويه كل فكره ابتسم بشر حد حد ما سمعت صورت رسال فتحتهن جان صورها تحولت ابتسامتي من شر حزن و اشتياق اباوع على تفاصيل وجهه متغيره حيل عن آخر مره شفتها واضح الحزن عليها عيونها صاير جواها هالات من كميه السهر و التعب ضغطت على ايدي بقوه واني اوعد نفسي
_وعد مني على كل شي صار وياج و على كل ألم حسيتي بيه راح يرجع لها أضعاف انتظري و شوفي
خليت و طلعت من البيت
............
ركضت على امي لكيتها مثل العاده تقرأ قرآن وكفت فوك رأسها و ذبيت القنبله المؤقته
_ زهراء:يمه العضيد يكول باجر خلي تعزم خالتي و خلي خاله قمر تجي هيه و شمس تغدا عدنا
وكفت عن قراءة القرآن و التفت عليه بصدمه حقها ما مستوعبه جاي تسمعها لا فوك كل هذا طلب العضيد
_ كوكب:لج انتي شنو تمسلتين هو كال لج هيج
_اي وروح ابوي هو كال هيج
_كوكب :وينه هو هسه صحي خلي احجي ويه
_يمه والعباس ابنج لو مخبل لو مخبل ما بيه حل ثاني
_كوكب:انجبي لا تحجين عليه هيج ما اقبل لج
_جااا انتي ما شفتي قبل شوي جان يخابر واحد مدري منوا و يسأل على وحده و من خلص مكالمه سألته ما قبل يجاوب و نوب اكو سوار بيده كلتله منين لك كال لا تدخلين وراح الحديقه رحت اباوع عليه من شباك الحديقه جان اشوفه ساعه يبتسم بشر و ساعه بحزن و بعدين طبك حواجبه بغضب و اخذ غراضه و راح
_كوكب:سوده عليه يا يمه شنو كول على كان سبب بكل هذا
_عسه الله لا يهنيها و يرجع لها ألم العضيد أضعاف
ما حسيت له السبحه نشمرت عليه بدون اي مقدمات
_كوكب:انجبي لج لا تدعين عليها مهما يكون تبقى بنت خالتج
_ياله عاد شلون بنت خاله والله حتى مطي ما يتشرف يعرفها هاي كوبرا شكره لي يكول واكعه بجدر زرده
ضحكت امي بخفه بس بعدين حجت بجديه
_كوكب:كومي كومي جيبي جهاز خلي اتصل على خالتج و اكول لها العضيد عازمكم
_زهراء بصياح:لااااااا يمه كال لا تكولين لهم اني هنا
_كوكب:وسم شبيج تصيحن جنج صخله ترى كدرين تحجين بهدوء
_والله لو كل صخله هيج حلوه مثلي جان كلها ردت تصير صخله مثلي
رجعت كصيبتي وره و كمت جبت جهاز و انطيته لها اتصلت اول شي على خاله امال
_امال:هااا كوكب صاير بيكم شي
_لا ما صاير شي ليش
_امال:والله وكعتي كلبي عبالي بيكم شي لان متصله هيج وقت
_لا تخافين ما بينه شي
_امال:حمدالله
_اكولج باجر انتم معزومين على الغدا
_امال:هااا خير ان شاء الله شنوا مناسبه
_العضيد كال باجر عزمي خالتي مشتاقه لهن
_امال:اي انا هم مشتاقه اله ان شاءلله نجي بس اكولج شنوا يقصد خالتي هم راح تعزمين قمر
_اي هو كال عزميها هيه وشمس
_امال:اصخام بعين رجلها شنو يسوي بشمس هو دره غير
_اي دره و عسه لا دره لو شايفه شنو سوا لعب لعب حتى راد يروح الهم بس ما خليته
_امال:حقه والله يعني هو يردها صار اله كل هاي سنوات و هي دك بيه دكه الناقصه
_شنوا بيدي هذا كاتبه الله أن شاءلله يعوضه بالحسن
_امال:ان شاءلله
_يلا اني اروح هااا تذكرت لا تكولين كدام قمر هو موجود
_امال:لا من عيني الله يستر من جاي
_ان شاءلله
سدت الخط من خالتي امال لي هي ام اباء و اتصلت على قمر لي هي ام شمس رغم لي صار كله بس امي بعدهي تحجي وياها صح بدايه زعلت عليها بس بعدين كالت لها هذا اختيارها و اكيد ابني راح يلكه احسن منها
_قمر:يا هلا شنوا اليوم ذاكرتنا
_ليش هو اني يا يوم ما ذاكرتج
_قمر:لا صار لج هواي ما حاجيه وياي
_هاي هسه جاي احجي وياج
_قمر:شلونج زهوره شلونها
_كلنا بخير انتي شلونج بنتج
_قمر:حمدالله هم كلنا بخير شمس يمي صار لها يومين لان زوجهه مسافر
_خير ان شاءلله اكولج باجر معزمه انتي وياها على الغدا
_قمر:ان شاءلله نجي ولا يهمج
_يلا مع سلام
_الله وياج
سدت الخط منها و بدت فقره اسأله
_زهراء:شنوا كالت لج
_كالت راح تجي
_زهراء:لعد ليش كلتي الها خير ان شاءلله
_كالت شمس يمهم لان زوجهه مسافر
_زهراء:اي بخت هو حظ الكح... شلونه
_انتبهي كلامج لا اطيح حظج
_زهراء:اهوووووو اروح انام احسن
خليت و نمت ثاني يوم كعدت على صوت خالتي امال و هيه تحجي ويه تسلم على امي باوعت على الساعه جانت بالتسعه كومت و غسلت و نزلت اشوفهم سلمت عليهم و رحت المطبخ
_امال:لج ابنج مسودن شنو ناوي يسوي ليش عزم قمر و بتها
_والله ما ادري هو اني بارحه الليل كله منتظرته يرجع ماكو اريد اعرف شنو يفكر ما رجع و هاي كدامج حد هسه ماكو اتصل كال لا تعبين نفسج راح اجيب اكل من بره
_امال:اني ما مرتاحه تصرفاته مستحيل يسكت
_قابل اني مرتاحه تصرفاته
_امال:انتظري ما بقه شي و نعرف شنو يفكر
من دخلت زهراء بسرعه سكتن كعدت على تخم وهي بيدها لفه و جاي و صغره عيونها
_زهراء:شبيجن سكتن من اجيت
_كوكب:سوالف كبار ما دخلج بيهن
_زهراء:قصدج سالفه شمس و امها مووو
_كوكب:ليش تردين اكوم اطيح حظج هسه كم مره كلتلج لا تحجين على خالتج هيج
_زهراء:شلووون خاله تخبل جنها عبسي بعدنان و لينا
ردت تكوم تضربني بس امال لزمتها وهي تضحك
_هاي شبيج على البنيه
_كوكب:ما تشوفين لسانها شلون تحجي على خالتها
_امال:والله انتي راح تخبلين البنيه كل شوي مسكتها
_زهراء:اي والله خاله راح تصير بيه حاله نفسيه و بعد محد يتزوجني
_امال:لا تخافين اني اخذج رامي
_زهراء:حمدالله خاله رامي ولا اباء حتى لا انتحر
_اسكتي شبيه اباء يخبل
_زهراء:باعي خاله هو حجي حق هو صدك يخبل يشك المطي بس طكه ونص واني كافي عندي العضيد
التفت امي على امال و حجت بحركه
_كوكب:هااا شفتي لسانها شطوله و تحجي على اخوها
_امال:والله ترى صدك حجيها هو اباء منوا يحمله غيري و غير هاي مسكينه سمسم
عدلت كعدتي و مسحت حلكي برداني و حجيت بحماس:خااااله منووو سمسم
_امال:والله مدري بس هو متعرف على وحده من جان هناك و كال هو يحبها و يريد يتقدم لها وهي هم تحبه
_كوكب:يااا صدك حمدالله نفكت عقده واحد منهم
_اي والله بارحه شكد فرحت من حجيت وياها بنيه حبابه و طريقه كلامها حلوه و مبينه مثقفه
_كوكب:زين هو شلون تعرف عليها هناك اخاف وحده من نازحين
_امال:لا هيه من بغداد بس تطوعت هناك حتى تساعد مصابين باقيه اكثر من سنه بعدين رجعت البغداد و هسه صار اله سنه ونص من يعرفها
_زين ان شاءلله يتزوجه و تفرحين بيه
_امال:امين والله نفت كلبي واني اكوله اتزوج و هو ولا عبالك
_انتي ما تعرفين قاسمه الله
_زهراء:زين خاله هيه حلوه
_امال:حسب ما وصفها مبين حلوه كال شعرها كيري هو خله يحبها
_كوكب بضحك:هوووو شلون ما يحب شعر كيري
_امال:بس حجي بينه كال اركان تزوج من هناك
بس سمعت اركان تزوج طفرت من مكاني و صيحتتت
_ زهراء:شنووووووو ركن تزوووج شوكت شوو احنا ما ندري
_كوكب:وكرص شبيج طفرتي خلي نفتهم
دارت على خالتي وحجت بجديه:شلون اركان يتزوج و أمه و ابوه ما يدرون و احنا هم ما ندري
_امال:حسب عرفته هو متزوج وحده بس على مود يساعدها و هذا طلب من العضيد
_كوكب:العضيد شدخله بالموضوع
_ما ادري بس كال هو العضيد طلب منه هيج حتى يطلعها من المكان جانت هيه بيه
_امال:ليش العضيد ما كال لكم وين جان
_كوكب :لا والله كل شي ما كال
_امال:لعد هو يحجي لكم احسن
_كوكب:لا انتي احجي الله عليج لان اعرفه ما راح يحجي
_امال:وعيونج اباء حلفني ما احجي بس وعد اذا العضيد ما حجه لج اني احجي
_خوش لعد
_زهراء:اكولج خاله يعني هسه زوجه اركان وين كاعده
_امال:كال كاعده بيت دكتور بغداد لان جاي تعالج من صار وياها هناك
_ زهراء:يااا ليش هي شبيها
_ما ادري لان إباء ما قبل يحجي
_زهراء:هاااا
_امال:زهوره بروح ابوج لا جفصين كدام احد لان محد يدري بهذا حجي بس لان انتن أقرب من روحي حجيت لجن
_زهراء:لا خاله وداعت ابوي ما احجي
سويت حركه بحلكي عود خيطته
_كوكب:يلا لعد خلي نروح المطبخ نسوي تمن ونحظر
_زهراء :خوش لعد اني استودعكم بالله
خليت وكمت منهم بعدني ما ماشيه خطوتين جان امي تحجي
_كوكب:هااا وين رايحه
_اروح اكمل نومتي غير
_كوكب:سالمين مو هسه كعدتي شعندج نايمه
_زهراء:هو اني غير كعدت من وره صوت اموله جايه من الصبح غباشه حتى لو عماله مو هيج
_امال:ياااا جا غير امج كالت تعالي الصبح
_اي الصبح قصدها الظهر بس انتي تموتين على دياحه
كلمت كلامي ما احس اله نعال امي يطير بالهوى و نيشانها اجه بطني
_كوكب:تربيه سززززز مو عيب تحجين وياها هيج
_زهراء:يا رب اتزوج و اخلص منكم
ركضت قبل لا احصل نعال ثاني صعدت حاولت انام بس ما كدرت بقيت اباوع باليوتيوب حد ما اذن صليت و نزلت ورحت الطبخ جان اشوف شمس و امها كاعدات على الميز و شمس ماخذه راحتها خاله رجل على رجل و فاتحه شعرها و طك بعلجها سلامت برود حتى بدون ما ابوسهم
_سلام عليكم
رحت وكفت باب الثلاجه اطلع مي و شربت
_قمر :شلونج خاله زهوره
_زهراء برود:زينه
_شمس :شلونج زوز مشتاقه لج
_زهراء بنتره:شبيج طرشه ما تسمعين مو كلنه زينه ليش ترجعين تسألين مره ثانيه نفس سؤال
طبعا بعد ما تزوجت شمس علاقتي تغيرت بيها جانت مقربه حيل مني بس هيه اذت اخوي مستحيل اسامحها
_شمس:اووي هاي شبيج هسه احنا شنو حجينه هو بس سألنا
_لا سالين مره ثانيه لعد
_قمر:هاي شبيج تحجي وياها هيج عبالج ما طايقتنه
ردت ارد بس امي بسرعه ردت عليها و هيه تخزرني
_كوكب بأرتباك:عذريها تعرفين بيها من تكعد من النوم مطنكره حتى روحها ما طايقتها
_قمر بضوجه:اي كلهم على هذا شي
_شمس بغرور:اي اخوها من هم من يكعد من النوم ما طايق روحها
كلها سكت و نباوع على شمس و هيه تشرب العصر بغرور شلون الها جرائه تحجي على العضيد بعد سوته بس ابتسمت من سمعت صوت العضيد و هو يحجي بنرفزه
_العضيد:اي شبيه اخوها شمسي
بس سمعت صوت العضيد ذبت العصير بصدمه و بقت تكح كلها نخبصت بيها لان وجهه صاير احمر بس اني والعضيد واكفين نباوع عليها باستمتاع شربت مي وأخذت نفسي ثواني بس و التفت تباوع على العضيد بصدمه اخر شي يمكن جانت توقعه تشوف العضيد نظرات الخوف واضحه عليها و على امها وكفت و هيه تفرك بيدها وحجت بخوف و تلعثم
_شمس: العضيد شنوو تسوين هنا
_العضيد :شنو يسوي واحد بيته برأيج
ابتسمت الها تك خد وهي من الخوف بقت تبلع بريكها
_قمر :شلونك يمه شوكت رجعت
نظر الها بنظره لو مكانها يمكن جان اغمى عليها و حجه و هو صاك على سنونه:بخير
_امال:ها بذات حمدالله على سلامتك
ابتسم الها بكل حنان وراح باسها من راسها
_بخير انتي شلونج
_امال:من شفت طولك حلو صرت بخير
ابتسم الها و خله الغراض على كاونتر وجهه كلامه لي اول شي بعدين امي
_زهرتي روحي لبسي حجاب لان اركان جاي على الغدا هم استعجلوا ترى جوعان
خله وطلع اني حجابي على الباب مطبخ لبسته اباوع على شمس كاعده ولونها مخطوف شوي و تشوف عزرائيل كدامها من هبطه
_شمس بهمس:يمه خلي نروح فدوه
_انجبي وين تولين فشله
_شمس :هذا مخبل ما تعرفين شنو راح يسوي والله راح اموت من الخوف
_طبخه طبختيها اكليها
بقينه بالمطبخ نحظر الغدا و سمعنا صوتهم ذبيت كل شي بيدي و ركضت اشوفهم صار كووومه ما شايفتهم جان اشوف إباء يتصارع هو و اركان
_زهراء بحماس:السبع يطلع دم السبع يطلع دممم ههااااا اركان اركان راح يطلع دم
اشجع بيه و هو مصدك من الحماس لزم اباء و نومه بالكاعه و نطه بوكس جان اباء بسرعه دفعه و لزم مكان البوكس
_اباء:انعلللل ابوك ابن الحلو تشوه وجهي شبيك صدك تحجي
كام اركان بسرعه و لزم وجهه اباء و بأس المكان بكل قوته و طلع صوت وخره اباء من يمه و هو يمسح بوسته بظهر كف ايده
_اعععع لو باقي على البوكس اشرف من هاي بوسه ترى اني اباء مو لي بالك
_اركان:ادري بيك نعال بس شنوا اسوي صاير عندي جفاف
_زهراء:اذا عندك جفاف اخذ علاج حتى تصير صل ما بيك شي