ما تخفيه الحروب

part 16

بقلم:جنه بغداد

#ما تخفيه الحروب
.
.
.
_ يكولون الحُزن بلكَلب ...
جم كَلب يراد يكفي حُزني.
.
.
.
عفت كل شي بيدي وركضت اشوف شنو بيها ميان وصلت لباب الغرفه وكفت من الصدمه شفت منظر عمري ما راح أنساه لان نحفر ببالي مثل وشم للابد ما يروح جانت ميان نايمه و الدم يحيط بيها و العضيد و إباء يمها يكعدون بيها وهي ماكو فاقده من شفت هذا المنظر جمدت بمكاني ما اعرف شنو اسوي بقيت اباوع عليهم حد ما صاح عليه العضيد
_العضيد بغضب:تعالي يا غضب الله تعالي شوفي شنو بيها راح تموت
من حجه وياي صحيت رحت اركض عليها دفعت العضيد و كعدت بمكانه جان اشوف معصم ايدها السيرى بيها جرح
_طور بخوف:ميان حاولت تنتحر
_اباء:شهل معلومه الخطيره نعرف حاولت انتحار بس ساعديها راح تموت
ما اهتميت كلامه وبديت افحص جرحها: شراين مقطوعه لازم نسوي الها عمليه هسه
_العضيد:اي سوي شعندج قابل
_ما اكدر وحدي اسويها
_العضيد:احنا نساعدج بس سويها
هزيت راسي معنى اي:اباء خلي ميان على جربايه بين ما اجيب غراضي و اضغط على جرح حيل
بدون ما يحجي شالها و خلاها على جربايه و بده يضغط على جرح واني ركضت جبت غراضي و عقمت ايدي لبست كفوف
_طور:ابو جحيم ممكن تضوي لي بالايت حتى اكدر اشوف
راح جاب لايت و بده يضوي لي خدرت ميان و بديت ابلش بالعمليه صح بعض يشوفها عمليه سهله بس بعكس هيه عمليه كلش معقده لان شريان يتصل بالقلب مباشره و اذا شخص حاول يقطعه راح يخسر دم هواي و ميان خسرت دم هواي ساعه ونص واحنا نخبط ايدها حد ما خلصت نزعت كفوف وحجيت وياهم
_خلصنا ما بقى شي بس تكعد
_إباء:شوكت راح تكعد
_حد ما يروح مفعول تخدير و تكعد وهسه ممكن طلعون حتى اغير ملابسها
ما حجوا و طلعوا طلعت الها ملابس جديده و غيرت ملابسها و ذبيت ملابسها لي بيها دم هيه من انتحرت جانت متغطيه بالحاف من اجيت شلت لحاف وكع ورقه منه ذبيت لي بيدي و دنكت اخذ ورقه فتحتها جان بديت اقره مكتوب بيها
الرساله
((اذا قريتوا هاي رساله يعني اني رحت يم اهلي و اختي لي بقيت انتظرها طول هاي فتره شكد صعب من تفقد اخر امل لك بهاي الدنيا حتى لو جنت تدري مو اكيد راح يرجع لك بس احتمال واحد من ميه كلش كافي حتى تستمر حياتك من أجل هذا شخص بس من تفقد هذا الأمل كل شي ينطفي من عينك و تريد تخلص من حياتك واني هذا لي سويته راح اخلص من حياتي لي ما شفت سي حلو بيها طور اباء العضيد اسفه كلش هواي بسبب لي راح اسوي بس ما اكدر اباء انت صرت لي اكثر من اخو و صديق و تذكرني كل ما تاكل تمن بيه ملح هواي و بتيته كول ميان جانت دائما تسوي لي هيج و العضيد صح فتره لي انت كعدت بيها جانت قصير بس صرت اخو و اكثر شخص يرسم ابتسامه على وجهي واني بوسط هذا الجحيم خاصه من تكول طور عوده مطيرجي اما طور لي صارت لي صديقه واخت لي ما جابتها امي لي من أول يوم شفتها وهيه تدخل علينا السجن وعيونها دور على شخص صح بدايه رفضت اساعدها بس بعدين من شفت الخوف بعيونها على شخص هيه ما تعرفه عرفت شكد هيه حنينه و تخاف على كل و الايام اثبت لي هذا شي طور لا تبجين وانتي تقرين هاي راسله لان اني هسه فرحانه هواي لان راح اشوف اشخاص احبهم هواي و راح اعاتبهم هواي هم هسه انتي تكولين ليش سويت هيج اني سويت هيج بسبب الألم لي بكلبي لي بعد ما اكدر اتحمله وحتى اخلص من جحيم لي بيه احبج يا اختي ما جابتها امي و ابقي ذكريني دائما مو تنسيني مع سلامه يا احلا شي صار وياي بوسط هاي حرب))
اقره رساله و دموعي تجري رغم ميان شخصيه قويه بس ما كدرت تحمل لي صار وياها و اخذت قرار الانتحار حتى تخلص من كل شي
اخذت رساله و طلعت لكيت اباء و العضيد كاعدين و ثنينهم يدخنون و صاله صايره عباره عن دخان
احجي وياهم و امسح دموعي
_ميان لازم تطلع من هنا بأسرع وقت
رفع العضيد راسه لي و وحجه وياي برود مثل برود هذاك اليوم
_العضيد برود:شلون تطلع خليها ويانه لان ما بقى شي واحنا هم نطلع من هنا
شفته يحجي برود عكس النار لي بكلبي جان انتر بيه :لا لازم تطلع اذا بقت هنا راح تموت ما شفت اليوم شنو سوت بنفسها يعني هيه هسه خاله فكره براسها و راح تسويها مره ثانيه لازم تروح دكتور نفسي بأسرع وقت
_مطلوب هسه شنو تردين
احجي واحس عروك كصتي طلعت من عصبيه بسبب بروده وكفت و كتفت ايدي صدري و اهز برجلي:مطلب نخليها تطلع من هنا و تروح تعالج
بقه يباوع عليه و كلامي ما عاجبه بس بعدين إباء هم حجه ويه
_اباء:العضيد كلام طور صحيح اذا ميان بقت هنا كل شي نريده يخرب لان اكيد ما راح تسكت
ما رد عليه و سند ايده على رجله و يبقه يباوع على الكاع يفكر شنو يسوي باوعت على إباء معنى شنو راح يسوي غمض عينه لي معنى عوفيه شوي سمعت حجيه و عفته رحت غسلت ملابس ميان و فراش من الدم من خلصت رجعت لكيته هو و إباء يحجون