ما تخفيه الحروب

part24

بقلم:جنة بغداد

#ما تخفيه الحروب
.
.
.
_شوكت نلگه النحبهُم اِلنه حُبهم .
.
.
.
مشت بينه السياره واحنا كلنا كاعدين واحد كبال ثاني اني كبالي صاير حمزه و العضيد كاعد يمي من جهه و ناز من جهه ثانيه هدوء المكان يخليك تسمع دكات قلب موجودين وياك وكفت سياره اربع مرات
_اباء:هاي سيطرات مهمه عديناهم بقت بس وحده على بعد ساعه
_ناز:شلون حافظ سيطرات وانت ما تشوفهن
_لان دائمآ جنت اجي منهن
_هاااا
رجع هدوء مله المكان سندت راسي على جتف ناز اباوع عليهم يعني اذا طلعنا من هنا بعد ما اكدر اشوفهم ما اتخيل يومي بدونهم خاصه العضيد و إباء تعلقت بيهم حيل احسهم صارو جزء من يومي برودهم و شقاهم و سوالفهم دمعت عيوني بسرعه مسحتها بدون محد يحس ما حسيت اله و هو يحجي على كيف وياي حتى محد يسمعنا
_العضيد :شبيج تبجين
بقيت على وضعي رديت عليه برود
_ما بيه شي
هو هم ما لح عليه و سكت شوي و خفت حركه سياره
_اباء بهمس:وصلنا سيطره اخيرا اقطعوا النفس لان هنا تفتيش مشدد
كلنا قطعنا النفس يمكن الرعب عشته بهذيج لحظه ما اكدر اعبر عليه بكل مشاعر العالم وكفت السياره و نسمع السايق يحجي وياهم و كل سؤال جواب محدد عبالك حافظ كل أسئلتهم لان اجوبته جانت كلش مختصره حد ما سمعنا واحد منهم يكول فتشوا السياره هنا قطره دم ما بقه بيه احس راح يكشفونه و يقتلونا بس فكره راح يصير بينا هيج دموعي نزلت بسرعه خليت ايدي على حلكي حتى ما اطلع صوت
ما حسينه اله الباب انفتح و صوت شخص صعد السياره و دفع صناديق أوله و بعدها اكو مجموعه واحنا كل خوفي راح يدفع هاي صناديق بس ما سوه هيج و رفع اول جادر جان يشوف حشيش واحنا اصلا مغطينه هذا الحشيش كل دقيقه تعدي و هو واكف احس ضاع عمرنا و دموعي تزيد حتى العضيد جان واضح على ملامحه القلق و بقه يريد جمله وحده
_العضيد:دخيلك يا مهدي احضرنا بحق جدك الشهيد
بقه يريد هاي كمله حد ما سمعنا صوت واحد نزل و هو يكول
_ماكو شي بضاعه امان
بسرعه رد الثاني عليه :يلا اطلع من هنا
ثواني و سمعنا صوت الباب انسد و السايق يتشكر منه و صعد بالسياره و بسرعه طلع بيها
_اباء:كل شي امان هسه راح نطلع من هنا
من سمعت كلامه ياله كدرت اخذ نفس مسحت دموعي وأخذت نفس ما حسيت اله ايد نخطت فوك ايدي باوعت عليه لكيته مبتسم بخفه
_العضيد:كافي اهدي راح تموتين من الخوف
_لا هسه احسن راح الخوف
ما رد عليه بس اخذ ايده و شبكها بين ايده باوعت على فارق الحجم بينه مثل ايد طفله و ايد ابوها ابتسمت على شبه و ما سحبت ايدي لان ادري هاي اخر لحظات بينه لان بس ارجع البغداد راح انسه كل شي صار هنا و انسه مشاعري جديده و ابدي صفحه جديدة ما بيها غير اهلي و شغلي
_صادق بهدوء:شنو راح تسون بس نطلع من هنا
_احمد:اخذ إجازه وانام مده شهر لا ابو جحيم لا ابوكم ولي يحجي وياي اله اجي بالنعال
_نرجس:هاي بسرعه تخليت عنهم
_اسكتي رحمه للكعبه صار لي تسعه أشهر ما نايم مثل البشر حتى لو حامل جان جبت
ضحكنا عليه لان احمد اكثر شخص واضح عليه التعب لان ملامح وجهه كلش تعبانه و هالات جوه عيون هواي صاير عبالك بانده
_صادق :اول شي اسوي اخطب خيزرانه
غمزلي و ضحك ضحكت على حركته ما حسيت اله و العضيد يضغط حيل على ايدي و رد عليه
_ليش هسه تردني اشمرك من هنا و ثاني شي محد يكول الها خيزرانه غيري مفهوم
_صادق:انت خالك كورك من كروي شعندك
_انجب حبيبي
_اباء:اول شي راح اسوي من هنا اخطب لي احبها
باوعت عليه بصدمه اخر شي جنت اتوقعه اباء يحب:هاي شنو تحب واني اخر من يعلم هيج تسوي بيه
_يلا هسه دريتي شنو راح تسوين يعني
_اخطبها لك ليش بس لا ما تردني اكون حاضره خطوبتك
ابتسم تك خد:لا وعيونج راح تكونين حاضره و تجهيزها هم
_خوش لعد عبالي
_صادق:انتي خيزرانه
خزره العضيد بسرعه :انتي طور شنو تسوين
فكرت شوي بعدين رديت برود:اروح دكتور نفسي
كلهم انصدموا من جوابي حتى العضيد بس بعدين ضحكت بوجهم :شبيكم نصدمتوا اشاقه وياكم اول شي اسوي بس اطلع من هنا اسافر فتره نقاهه خارج العراق
_حمزه:وين تسافرين
_مدري بس يمكن روسيا او المانيا
_احمد:بخت ناس تنونس و تطلع خارج العراق و ناس راح تبقه مقابله هاي خلك الزفره
ضربه إباء على راسه لان هو جان كاعد يمه:ولك منو خلق زفره ها
خله ايده على راسه بالم _يمعود شبيك مو صار بيه رتجاج بالمخ بسبك هسه هو منو كال خلق زفره كلت خلق جميله بس انت تسمع عكس و اخذتها على نفسك
_انت اسكت واحنا بخير
ضحكنا عليهم عبالك فاره و بزون شكد تناكرون انتبه صادق على ايدي و ايد العضيد و صغر عيونه رد يحجي جان العضيد حجه قبله
_تعليق واحد منك اشمرك من السياره و تعرف بيه اسويها
_صادق:بسم الله هسه اني شكلت حتى تشمرني من السياره
_ما كلت شي بس حذر واجب
_ادري بيك حوبي انت مخبل يعني عندك هذا شي عادي
_خوش من تدري لعد
حاولت اسحب ايدي من ايده بس ما خلاني
_العضيد بهمس:حاولي تسويها مره ثانيه اله اكسرها لج
باوعت عليه بتحدي و حاولت اسحبها مره ثانيه بس هاي مره ضغط عليها حيل درجه حسيت كف ايدي شوي و ينكسر تقرب من يم اذني وهمس مثل شيطان
_لا تعاندين و تحديني لان صدكيني راح تخسرين
ما حجيت ويه بقيت ساكته بس شوي و انفجر عليه بنص هذا الوضع يعني هسه ما فهمت تصرفاته لا هو يحبني و يكول ولا هو يتصرف عادي مثل اباء وياي يعني من بعيد بعيد ضايعه و هو ضيعني لان هو ما يعرف شنو يريد تايه بين شمس و حبها و بيني
الطريق صار كلش طويل و تعبت حيل واحنا ماكو لا مي ولا اكل يمكن صار ثلاث ساعات من طلعنا من بيت ام حامد كلها ساكته و هدوء و كسر هذا هدوء صوت إباء من يغني بهدوء بصوت دافي كسر بروده هذاك اليوم