ما تخفيه الحروب

part25

بقلم:جنة بغداد

#ما تخفيه الحروب
.
.
.
_حَتى صمتي أمامَك كان مُختلف
" چنِت أباوعلك وأعيّش ".
.
.
.
كل شي صار بسرعه ما اعرف شيء بس الفكره هو حاوطني بين ايده بكل قوته هو جسمه أضخم من جسمي درجه ما كدرت اشوف شي لان ضعت بين ايده صاح بألم سبأ هم صرخت بخوف و اركان اختفه مدري شنو صار بس حسيت على شي حار نزل على ايدي رفعت ايدي واني ارجف واتمنى تفكيري مو صحيح بس خاب أملي من شفته الدم على ايدي بلعت ريكي بخوف من انتجه بجسمه عليه وحجه بضعف
_خيزانتي انتي بخير
شنو ارد عليه يعني هو رغم الألم و الوضع لي هو بي بس يسأل على حالي اجه إباء يركض بعد العضيد مني و حاوط خصره و ايد العضيد صارت على كتف اباء وحجي بعصبيه و خوف
_سبأ بسرعه صيحي على دكتور خلي يشوف جرحه
ركضت سبأ بدون ما ردت عليه و هو اخذ العضيد و دخل جوه واني واكفه مكاني ما اعرف شنو اسوي من الصدمه منو هذا ليش راد يقتلني يعني لو مو العضيد اني ميته ليش هو ضحه بنفسه كل هاي افكار اجتي بالي بنفس الوقت كعدت بالكاع واني اضرب على كلبي لان اختنكت احس ماكو هواء حتى يدخل ريتي رفعت ايدي واني اشوف دمه ملطخها بهذيج الساعه دمعه وحده ما نزلت من عيني من الصدمه بقيت كاعده باب المستشفى مدري شكد لان ما اريد ادخل و اسمع خبر يأذيني و يسلب روحي من عندي مر الوقت بطئ عبالك ميل الساعه ما يتحرك حد ما اجه اركان و صادق من شافوني هيج كاعده بسرعه ركض اركان و كعد كبالي
_طور شبيج العضيد بي شيء هااا احجي
ما احجي ويه بقيت مدنكه راسي رفع راسي بين ايده و باوع على كل ملامح وجهي مخطوف لونه و عيوني حمره لان مسجونه كل دموعي بيها و رافضه تنزل دمعه وحده منها
_شبيج مووو احجي وياج العضيد بي شيء احجي
_طور برود:مااا ادري
كام و ضرب الحايط و صاح:لا تخبليني شنو ما تدرين
ركض عليه صادق و لزمه حتى يهدء
_يمعود شبيك ما تشوف حالتها
_وانت ما تسمع شنو تكول
تقدم صادق عليه و كعد كبالي وحجه بهدوء
_انتي بخير
باوعت عليه واني حاول استوعب اني بخير لو لا بس كل شي ما احس غير الفراغ و ظلام بداخلي مستحيل اتخطى بقيت ساكته ما رديت عليه بس بداخلي ردت اصرخ اكوله اني مو بخير طلعني من الظلام اني بي هسه
_صادق:انتي من شوكت كاعده هنا
_طور برود:من اول ما ركض اركان وره ضرب ابو جحيم
صاح اركان عليه بعصبيه و عيونه تنكط شرار:انتي غبيه صار لج ثلاث ساعات وانتي كاعده هنا بهذا البرد ما تحسين ما عندج عقل
ما اهتميت كلامه لان صدك ما احس بشي غير ألم كلبي اشؤ صادق اله حتى يسكت
_صادق:يلا كومي وياي حتى نشوف العضيد شلونه
كام و لزم ايدي حتى اكوم ويه بس سحبت ايدي منه بخوف واني ابلل شفتي بطرف لساني :لا لا ما اشوفه اخاف صاير بي شيء
_لا تخافين ما بي شي هو تحمل رصاصه إيام ما يتحمل شخط بسيط
رفعت نظري اله و ردت عليه فراغ:بس شفته هواي نازف حتى شوف
رفعت ايدي خليتها كدامه حتى يشوف الدم عليها هو سحب ايدي و كومني لزمني من جتفي و ابتسم حتى يطمني:لا تخفين والله ما بي شي و هسه تشوفين بس تعالي وياي
سحبني من ايدي و اني امشي ويه جسد بلا روح بقه يدور عليهم حد ما لكينهم اباء و سبأ واكفين منتظرين و إباء عيونه حمر دم مثل الشخص جان يبجي و سبأ بس دموعها تنزل بهدوء
_اركان بخوف:هاا شنو صار
_سبأ:خيطو جرحه و دخلوا الطورئ كالو حد الظهر ياله يتأكدون اذا هو بخير لو لا
_صادق:يعني الجرح خطر
_اباء:جرح قريب من قلبه ربك ستر و ما انضرب بكلبه انتم شنو صار وياكم
_اركان:ركضنا وره الشخص ولزمنا و أخذنا المقر ما قبل يحجي بس حمزه و احمد ستلموا و انت تعرفهم بعد
_اباء:حجه لو لا
_اي طلع واحد من داعش جاي ينتقم من طور
باوعت عليه بعيون متوسعه يعني كل صار العضيد بسببي جان لازم اكون اني جوه مو هو
_شنو يريد من طور وليش هي مو غيرها
_لان ابو ميثاق دازه
_طور بصدمه:انت شنوووو تحجي اركان شلون عرف بينه وصلنا هنا
_اكووو جواسيس عنده هنا وهذا نذل واحد منهم من سألنا ليش إبو ميثاق طلب منه هيج كال لان هو يحبها لو سوه هيج بس حتى ينتقم منج
ما رديت عليه لان صدمه وره صدمه و وحده أكبر من ثانيه ما اتحمل بعد ابد
_اباء بعصبيه:استغفرالله احنا ما نخلص من هاي سالفه يعني مو كافي صار هناك
_صادق:طور لازم ترجع بغداد بأسرع وقت ممكن لان اذا بقت هنا راح يقتلها و هاي مره حاول بس اجت بالعضيد مره جايه يمكن تروح بيها
_اباء:صحيح كلامك سبأ و طور راح ترجعن حظرن غراضجن بسرعه
التفت عليه بغضب واني شياطين العالم كلها فوك راسي تفتر
_انت شنوووو تقرار بدل عني ما اروح من هنا حد ما يصير زين
صاح بكل علو صوته احس المستشفى كلها سمعته:طووور لا تعاندين تعرفين شنو معنى هذا شي صار اليوم هذا عباره عن جره اذن بنسبه اله سوه لج حتى يكولج شوفي اني اعرف اوصل لج لو وين ما ترحين
_لاااا اشو اله اعاند يعني هسه اني اذا رجعت بغداد ما يندل مكاني لو شنووو
عليت نبرت صوتي و صارت مثل نبره صوته
تقدم عليه بسرعه ولزم ايدي حيل:ترجعين يعني ترجعين و غصبا ما على راسج مفهوووم هسه تحضرين غراضج حتى صادق ياخذكم
دفعت من صدره و رفعت اصبعي كدامه محذرته:لاااااا تلزمني مفهووووم ااااني مو عبده عندك شوكت ما تريد تاخذني وياك اروح و شوكت ما تريدني ارجع ارجع لاااا غلطان لا عبالك ساكته لان احترررمك بس لا تخليني حتى اشيل احترررام و اشوفك طور ثانيه
حك فوك حاجبه و ابتسم تك خد و تقدم عليه ونزل مستوى وجهي:وانتي لا تخليني اشوفج ابو كتمان حقيقي لان راح تندمين على كل كلمه طلعت منج
بقيت اباوع عليه بنظرات تحدي و هو هم
أشر اركان سبأ بحركه بعديها عنه و هو اجه تقدم سحب اباء عنها و سبأ اخذت طور على صفحه
_اركان بهدوء:كااافي يمعود شبيك عقلك وعقلها
_اركان تسكت لا اطلع ضيم كلبي بيك
_انجب ترى هيه مو صاحيه هسه
_كل هذا مو صاحيه لو صاحيه شلون
_والله شبيك يعني واحد يكعد ثلاث ساعات كبال باب المستشفى بهذا البرد صاحي
من سمع هيج هدء و حجه ويه:هاي من كل عقلها كاعده هناك
_والله اذا ما صدك اسئل صادق حتى بلكوووه خلينها تكون ما تقبل على كيفك وياها و هسه سبأ راح تحجي وياها واذا ما قبلت اني احجي وياها حتى لو أخذها غصبا بس سد حلكك و انجب
_اكل خرااا
_ما اكلك حوبي
سحبتني سبأ من ايدي و خلتني اكعد على الكرسي و هي لزمت ايدي و كرفصت كدامي و تحجي وياي بكل هدوء
_كافي شبيج عيب جاي تسوينه
_سبأ والله مالي خلك روحي وهو يتآمر عليه و تشرط
_هو خايف عليج انتي تعرفين اباء من يخاف على احد هيج يعصب
_ما ادري سبأ ما ادري احس ضايعه و فراغ ملى روحي
سحبت ايدي من بين ايدها و غطيت بيها وجهي
_اسم الله عليج يا بعد روحي بس سيطري على نفسج لان انتي تفضحين نفسج هيج
_سمسم محد جاي يحسب بكلبي والله احس نار بيه محد يكدر يطفيها بس عيونه
ابتسمت على كلامي بعدها كامت و كعدت بصفي:طور خلي نرجع فدوه
_سبأ سدي الموضوع لي عندي كلتله لكم
_لا فدوه اخاف يصير بيج ما فكرتي باهلج امج ابوج مسلم سلام هذوال كلهم ما فكرتي بيهم وانتي روحهم من الدنيا والله لو يصير بيج شي يموتون من دونج اني ما فكرتي بيه والله يوم ما اكدر اعيش والله
_طور بغضب:لااا دكدرون عشتوا هاي اربع أشهر من دوني ما صار بيكم شي
كامت سبأ و نفجرت بوجهه :اسكتي كافي شنوووو هاي انانيه ليش تفكرين بنفسج بس لو ما رسائل ارسلها امج يوميه جان مااااتت من زمان تخيلي تتصل بيه تكول صوري طور بهدوء لو تسجلين صوتها لان مشتاقه الها لووو ابوج يوميه يتصل بيه بالليل و يتأكد إذا صاير بيج شي واني احلف و اكوله ما بيها شي واني النار بكلبي مثل بلاع الموس لا اكدر احجي ولا اكدر اسكت لو مسلم من دره تدرين شنوووو صار بيه لج وصل الموت و ضربته جلطه بس ربج ستر و ما صار بيه شي وهسه بعد كل هذا تردين تبقين حتى يجي هذا النذل يخلص على حياتج بدون ما يرف اله جفن
كلها تباوع عليها لان محد متوقع هذا شي منها واني ابد ما نطقت كلمه لان اصلا كلامها صحيح اني جاي ادمر نفسي و بقيه وياي على مود حب فاشل ما راح يصير بحلامي
جان رجعت حجت بس هاي مره نبره اكثر صرامه و امر:راح نروح من هنا بدون ما اسمع اي كلمه اعتراض لان تعبت من كل شي تعبت من الجذب و من الخوف و القلق هسه راح اروح احظر الغراض و ارجع حتى نروح
حركت راسي موافقه و هيه راحت تحجي ويه إباء
_يلا اخذني اروح المخيم احظر غراضي
_يلا امشي
_اروح و ارجع ما تأخر من ارجع اريد اشوف نفس طور قديمه
وجهت كلامها لي و بعدها راحت اني بقيت كاعده ابد ما تحركت ولا حجيت شي اركان و صادق هم محد حجه وياي كل واحد كعد مكان بقينه على هذا الوضع ساعتين حد ما اجه إباء و سبأ
_اباء بهدوء:يلا طور كومي السياره راح تجي تاخذكم
أصعب كلمه سمعتها البعض راح يشوفها شي عادي بس اني حسيتها مثل بقيه بحياتج باوعت عليه و الحسره بعيوني بلكوه طلعت مني كلمات بس الغصه واضحه بصوتي
_اريد اشوفه قبل لا اروح
_اركان برود:دكتور كال محد يدخل اله