ما تخفيه الحروب

part9

بقلم:جنه بغداد

#ما تخفيه الحروب
.
.
يَلتمن عَليه مَشتتات البَال
وانَفضهن نفَض وأنهَض ولا چني

_عريان السيد خلف
.
.

طريق كله اني بس افكر شنو راح يصير وياي و شنو راح اشوف لحد ما خليت راسي على الجامه و غمضت عيوني ما حسيت اله واني اهرب من الواقع إلى عالم الاحلام ما حسيت اله و واحد يكعدني
_إباء برود:يلا اكعدي ترى ما بقه شي و نوصل
رفعت راسي باوعت عليه مستغربه بعدين تذكرت كل شي وين اني هسه غمضت عيوني و فتحتها
_إباء:راح نوصل بس قبلها خلي اكولج على كل شي

هزيت راسي اله بمعنى اي لان مالي خلك احجي
_إباء برود :اول شي انتي متزوجه من واحد بتكريت و دخلتي دوله اسلاميه من اول ما صارت و عرفتي اني صرت بيها و جاي تقنعين زوجج حتى تجين انتي ويه هنا تمام حد هسه
_اي
_ثاني راح تصرين بكتيبه خنساء هناك اكو مكان خاص للنساء و تجنيدهن و تعلميهن على سلاح اريد منج كل شي تشوفينه او تسمعينه تجين تحجينه اليه خاصه ام حجاج اريد تصرين قريبه منها لان هيه كل شي يخص كتيبه هيه مسؤوله عليه وهم مسؤوله على بنات ازيديات و باقي البنات و تخلين كامرات كلش صغار بالبيت ضيافه
_شنو بيت ضيافه
_هذا البيت مخصص كل وحده تموت زوجهه ياخذها هناك على مود تزوج غيره يعني مثل ما نكول زواج نكاح وهم بيه قسم جبير من اسلحه
_ طور:تمام اكو شي ثاني
هز راسه ب اي و حرك سياره بقه مركز بطريق بس يحجي
_لو شنو يصير وياج ما اريد تنطقين بكلمه كل شي راح تشوفينه ما تفكرين بي و اي شخص من داعش يطلبون منج تعالجينه تسممين كل اشياء لي تستعملها وانتي تعالجيهه
من كال كل هذا باوعت عليه بصدمه ما كنت متوقعه راح يكول هذا
_طور بصمه:انت شنو تحجي شلون اقتل روح ترى انت غلطان اني اساعد
_إباء بعصبيه: تتوقعين هذوال هم روح
جان يكمل بصياح :هذوال عارات تعرفين شنو عارات لج يكتلون الناس بدم بارد و يغتصبون نسوان تالي تكولين لي ما اكدر اقتل روح
_طور بدموع:بس اني اعالج الناس شلون اقتل وهم قسم لي أخذته يوم تخرج حلفت لازم ما اسوي شي يسيء سمعتي و سمعت شغلي
من شاف دموعها دار وجهه على جامه سياره بقه يهدء بنفسه حتى يعرف شلون يحجي ويتفاهم وياها
_إباء بهدوء:ابوي أنتي اسمعي مني داعش لازم نقتلهم اذا بقه حال هيج نرجع زمن قريش حتى على جمال نصعد و نتقل من مكان المكان هاي من غير مرأه عدهم لا شي مجرد ونسه و يخلص حاجته و يعوفها اذا ما تعجبه يكدر ينطيها غيره و ياخذ جديده و يعتبر هذا زنا بس يكولون لا هذا اسلام دائما من ألف سنوات مو من اليوم من قبل من زمن صفوين تعرفيهم مو
هزيت راسي ب اي
_حمدالله تعرفيهم من رادو يوسعون دولتهم شنو سوو مو اخذو دين غطه حتى يوسعون دولتهم داعش هم هيج يغسلون عقول الناس لي ما تعرف شي عن الدين و يكولن لهم كلام عن دين ما موجود بكل كتب لي انزلها الله ثاني شي انتي مو مؤمنه بعيد عن طائفه مالتج لان احنا كلنا اخوان رسول مو حرم زنا حرم شرب مسكرات حرم كل ما ياذي النفس و ياذي اخرين مو حرم قتل النفس و عدم احترام مرأه و كال رفقن بقواري داعش كل شي يسوي عكس لي وصه بي الرسول وهذا كفر شنو توقعين من شخص يزني و يشرب و كبسل و اغتصب و يعلم الناس الدين غطا انتي تكولين حرام اكتل النفس لعد هما ما كالوا حرام ما نقتل الف و سبعميه شخص وهسه انتي تكولين اقتل نفس حرام
يحجي و هوه قابض على ايده و شارينه بارزه من كثر عصبيه ويه كل كلمه يحجيها دموعي تنزل اكثر و اكثر من قبلها و اتذكر فيديوهات لي شفتها على مجزره سبايكر و شلون يقتلونهم
مسحت دموعي بعصبيه وغضب
_طور بغضب مكتوم: وين السم
باوع لي و ابتسم بوجهي ابتسامه خفيفه
_إباء:انطي لج من يصير والوقت مناسب
و من هاي لحظه اخذت عهد على نفسي
طور تحجي بقلبها_وحق حركه قلب كل ام و اخت و زوجه و بنت و حبيبه لو يبقه اخر يوم بعمري هم اقتل منكم واحد و اخذ بثأر ولدنا لي راحوا
بعدها غمضت عيني كملت_يا رب ياما على كل شي قدير انطيني قوه ولا تخليني أضعف و خلينا نطلع من هاي مهمه بخير
كملنه طريق لا اني حجيت ولا هو شوي شوي بدت اعلام داعش تبين و البيوت اكثرهن صايرات ويه الكاع و داعش منتشرين بكل مكان و سيطرات هواي طبعا ما وكفونه او سألونه وين راحين لان يعرفون ابو كتمان
هنا دخلنه منطقه كانت سيارت بيها داعش واكفه بشارع و النساء لبسه خمار حتى طفله جانت لبسه بقيت ابوع عليهم يمكن لي نسمعه بالتلفزيون او بالنت مو مثل ما نشوفه
جنت صافنه ابوع على الناس شلون عايشه حياتها بوسط هذا الرعب بس قاطع صوت
_اباء:لا تنصدمين هنا الناس متعايشه ويه الرعب غصبن عنها بس اكثرهن ما قابل عن لي جاي يصير و بعض منهم موافق على كل هذا
_شلون ناس موافقه و ناس ما موافقه
_اباء:مو هسه احجي لج عوفيها بعدين وهسه اريدج تسمعيني بتركيز
درت وجهي عليه و ركزت بحجيه
_اباء بهدوء:راح نروح المقر خاص بداعش هسه وراح ندخل على ابو محجن هذا أمير هاي منطقه نحجي ويه شوي بعدها انتي ترحين انتي إلى أبو جحيم
_تمام
_راح تكولين اله اني من طرف ابو كتمان لان اني بارحه كلتله راح اجيب سبأ تعالجك بس بما انتي اجيتي بدل عن سبأ فأما راح يقبل تعالجينه لان عباله انتي واحده من داعش
_صار اله شكد من تصوب
_اليوم يصير اله خمس ايام بدايه نزف هواي بس شديت جرحه بشاش خف نزيف بس جلاب ولد جلاب عذبوا و هم نزف كل يوم بالليل اروح اله عالج جروحه لو جنت اعرف اعالج أصابه جان عالجته
_طور:انت كتلي هوه نزف فأحنه نحتاج دم اله و ثاني شي احتاج مساعد يساعدني ما اكدر اسوي عمليه وحدي
_إباء:اني محظر كل شي اما على شخص يساعدج فأ لازم ترحين سجن لي بيه سبايه
_تمام
وكفت سياره يم عماره جبيره
_إباء:يلا نزلي و نزلي نقاب على وجهج ولا تنسين لي وصيتج عليه
نزلت خمار على وجهي نزلت وره جان يمشي واني امشي وره وكل يسلم عليه و يصيحون اله ابو حفصه و يحجون فصحى أكو منهم يحجي مكسر ونص لا
_طور بصوت ناصي:احس نفسي بفلم رساله بسبب حجي فصحى
باوع عليه صفح وضحك بخفه بدون ما يحجي شي
بقينه نمشي حد ما وصلنا مكان قاطع ما بين ممر لي كنه نمشي بيه و ما بين باب كان واكفين عليه ثنين من داعش
داعش اول:من هذا التي معك يا أبا حفصه
جان إباء يباوع عليه من فوك حد جوه وحجه ملامح وجه جامده
_إباء:ماذا هناك يا هذا لماذا لا تلقي تحيه اسلام اما تريد أن تجلد
خلص كلامه بأبتسامه وهذا من داعش احس شوي يهجم على ابو كتمان
_انا اسف سلام عليكم يا اخي بلأسلام
_اباء:وعليك سلام فل تفتح باب اريد ان التقي بأمير
_من التي معك يا أبا حفصه ولماذا هيه هنا
جان يباوع عليه عبالك شخص و ما لبس ملابس شكد ما طريقه نظره مشئزه
_اباء:ويحك يا هذا انها اختي ونحن هنا بطلب من أمير
_ولكن لم يأتي اي شخص اخباري بهذا معلومات
_إباء بعصبيه_حسنا اذا حين يسألني أمير لماذا لم تأتي لي سوف أخبره انا أبا هاجر لم يسمح لي بدخول
خله ابو كتمان و دار وجهه و مشه خطوتين جان يصيح عليه ابأ هاجر
_انتظر يا أبا حفصه لماذا انت هكذا لا تتحمل مزاح تفضل بدخول
دخلنا اني و ابو كتمان الممر مشنه خطوتين وحجيت
_طور:استغفرالله شنو هاي ريحتهم ريحتهم تكتل يالحمزه ما يعرفون شي اسمه نظافه شخصيه
_ابتسم بهدوء:هما حمام ما يندلون طريقه وانتي تردين يعرفون شي اسمه نظافه
بعدين كمل بجديه:الحمزه شالج لا تحلفين اني شنو كلتلج قبل شوي
_طور فهاوه:ها اني اسفه نسيت ما اعيدها مره ثانيه
_اباء:اي لان ماكو مره ثانيه اذا سمعوج لان انتي و الحمزه راح تغدون سويه بالجنه
_طور:يااا استغفرالله صدك تحجي انتهد
_اباء:امشي امشي ام تحجي صدك يابه لا انعل ابو داعش لا ساعه لي طلعوا بيها
بقه يفشر بس بصوت ناصي
_ك....ن ولد ن.....ه بس هذوال ناقصينه ولد زنا
بقيت ساكته هسه هذا شنو احجي ويه يفشر عليهم بس بصوت ناصي شوي وكف دار وجه عليه وحجه
_باعي حفظي طريق زين تمام كل شي يصير بالمستقبل و ثاني شي ممنوع دخلين اي غرفه من هاي غرف
أشر على غرف موجوده بالممر وكمل
_لان هاي الغرف محظوره على كل بس كم شخص يكدر يدخل الهن و لي دخل الهن بدون إذن هذا راسه طار حافظي على راسج يا بعد راسي
هيزت راسي اله بمعنى اي
_مثل ما كلتلج اذا عاند كولي اله اني من طرف ابو كتمان حتى ما يعاند زايد مفهوم
_اي مفهوم
بقينه نمشي شوي وكفنه كدام باب دك باب شوي و سمعنا صوت شخص يأمر بدخول
دخلنا اول ما شافنا هذا شخص كام وراح حضن ابو كتمان
_أبا حفصه كيف حالك يا صديقي
_إباء:انا بخير ايها أمير
_اوو أبا حفصه لماذا تتكلم هكذا كم مره اخبرتك ان تقول لي أبا محجن حين نكون وحدنا
_حسنا أبا محجن
جان يباوع عليه جان شكله شخص سمين و قصير و لحيته طويله حد بطنه و من يضحك لو يحجي تكدر تشوف سواد لي بيهن لعد صار اله شكد ما مفرش أسنانك لو سلام هنا جان انتحر
حجي ويه ابو كتمان بس مو فصحى لا بالعراقي
_من هاي لي وياك يا ابو حفصه
جان إباء كبل لزمني من كتفي وحجه بأبتسامه
_هاي اختي لي كلتلك عليها راح تساعدنا حتى نجيب اخبار من رافضي مرتد
_ابو محجن:اي صحيح تذكرت اعذرني بالي مشغول بهواي امور تعرف منصب أمير صعب
_اباء:صحيح الله يقدرك حتى تنشر اسلام بصوره صحيحه
ابوع على إباء بعده لزم جتفي حولت ابتعد منه بس قربني اله أكثر وحجه وياي بصوت بكوه سمعته
_اثبتي خاطر الكعبه
حجيت نفس طريقه كلامه بهمس
_ترى لازمني ما يصير هيج حرام
جان يباوع عليه بنظره ما عرفت افسرها
قاطع نظراته حجي ابو محجن
_مبين تحب اختك هواي
_اي هاي روحي من دنيا اكيد احبها، وهسه شوكت تروح تشوف رافض
_هسه خلي تروح تشوفه احنا جهزنه الها غراض لي تحتاجها بغرفه قريبه من هنا
جان احجي هنا بصوت هادي بيه شوي من الخوف
_طور:بس احتاج شخص يساعدني
هوه جان يباوع بأوراق على ميز مالته من حجيت رفع راسه لي وحجه
_شنو كلتي
ردت احجي جان إباء رد عليها
_كالت تحتاج شخص يساعدها
_واكيد وحده من سبايه جانت تدرس طب او تمريض
باوع على إباء بعيد عليه وحجه
_بعد ما تشوفين رافضي روحي شوفي وحده تساعدج من كافرات
_اباء:يلا امشي نروح ادليج على طريق
_ابو محجن:انتظر انت خليها تروح ويه ابو هاجر لان اني محتاجك بأمر مهم
هز راسه إباء ب اي
شوي و اجه ابو هاجر و رحت ويه كل شوي يلتفت يباوع عليه و يمسح على لحيته لي جانت توصل نص صدره بقى على هاي حال حد ما وصلنا السجن لي بي ابو جحيم
فتح باب لي دخلت و راد يدخل ورايه وحجيت ويه
_طور بهدوء:ممكن ما تدخل لان اريد افحص جرحه مريض
_مو هوه بكيفج حتى ما ادخل
_طور:حتى لو كلتلك أمير ابو محجن هوه كال لي هيج
_يلا اخلي شوفي شغلج اني انتظر هنا
دخلت السجن جان تحت أرض و ريحه رطوبه كلش قويه يعني شخص اذا ما مات من وره تعذيب يموت من ريحه رطوبه موجوده
تقدمت كم خطوه جان اشوف شخص خالينه بقفص سجن بس صغير و معلكين ايده و من تعذيب ما ينشاف شي منه لان جسمه كلها جروح و هاي من غير جرح لي بخاصرته و مشدود بشاش و شاش صاير كله دم
وصلت يمه و خليت ايدي على ركبته حتى اشوف دكات كلبه جانت كلش ضعيفه واني جاي اشيل ايدي جان ما احس اله واحد لزم ايدي وحجه بصوت ضعيف بس بحه قويه
_شعندج لازمتني لج كح......
من كال هيج فتحت عيوني على وسعهن هذا حالته ما مستقره و هيج حجه وياي لعد حالته لو مستقره شنو سوه
_بس عوف ايدي حتى اكدر احجي وياك
_اني ما احجي ويه وحده ساق... مثلج تشتغل ويه هذوال نغ....
خلص كلامه بس بقه لازم ايدي بكل قوته رغم هو حالته اصلا ما تسمح اله يسوي شي بس والله جانت لزمته قويه ما استحملت كميه ألم لان هاي اول مره شخص هيج يلزم ايدي
_طور بالم:ابو كتمان بس عوف ايدي لان جاي توجعني
من كلت اسم ابو كتمان عاف ايدي و رفع راسه بضعف و باوع عليه
_العضيد:منين تعرفين هذا اسم احجي
كان كل ما يحجي تضعف قوته اكثر واكثر
جان بوقتها لابسه خمار رفعته من وجهي وحجيت ويه
_اني من طرف ابو كتمان طور اجيت هنا حتى اساعدك
من رفعت خمار من وجهي باوع عليه بصدمه وحجه بضعف
_انتي شنو تسوين هنا
ردت احجي ما حسيت اله رأسه وكع و انتجه على راسي لان جنت قريبه منه كلش حتى احجي ويه بصوت ناصي بدون محد يسمع عرفت اغمى عليه
التفت على الباب وصحت بصوت عالي على ابو هاجر
اجه يركض من شاف العضيد واكع بطى خطواته
_طور بأستعجال و خوف:تعالي ساعدني حتى انقله على
المستشفى
_ابو هاجر : هاي شبيج هو كله رافضي كلب خلي يموت جهنم فاتحه بابها اله
التفت عليه بصدمه اول صدمه هو عراقي ثاني صدمه شلون يحجي هيج
صكيت على سنوني و حجيت بعصبيه
_أمير كال لازم اساعده حتى نكدر نأخذ معلومات تفيد دوله اسلاميه منو انت حتى تكول خلي يموت
باوع عليه بغضب بعدين بعدني و راح فتح ايد ابو جحيم معلكه
من فتح ايده ثنين رد يوكع حاولت اسنده بس كان ثكيل هذا رجعت إلى يوره خطوتين بس بعديني لازمته ايدي صارت على ظهره وجهه صار قريب من ركبتي و انفاسه حاره تضرب عليها من لزمته من ظهره بقه يون
جان يجي ابو هاجر و يلزمه من شعره و يبعده عني
_ابو هاجر:زنديق يستغل فرصه كافر
باوعت عليها هذا شنو يحجي اي فرصه يحجي بيها
باوعت عليه وحجيت
_انقله المستشفى بسرعه حتى نروح و اختار سبيه تساعدني بالعمليه
جان يصيح على ثنين اجوي لزموا ابو جحيم من ايدي و اخذو سحل
اني يسون هيج احس كلبي اشتعل عليه لو بيدي اله اموتهم جان يحجي ابو هاجر
_يلا امشي حتى اتختارين كافره تساعدج
يمشي و امشي وره نفس ممر لي بي سجن هم جوه كاع بس هاي مره مشينه اكثر حد ما وكفنا يم سجن يمه ثنين من نسوان بس لبسات اسود باسود لازمات سلاح و طبعا ما انسه حزام ناسف لي لابساته
جان يأخذ وحده و يحجي وياها بعيد شوي ورجعوا باوعت عليه بعدين جان تقدمت على باب سجن و فتحته بدونه ما تحجي حرف
ردت ادخل جان كالت
_وحده بس تختارين ماكو اكثر
هزيت راسي الها ب اي
دخلت جان اشوف شي ما متوقعته هواي بنات من كل اعمار من عمر خمس سنوات حد اربعين سنه موجودات بس آثار تعذيب و تعب و الخوف واضحه عليهن من دخلت كلهن باوعن عليه بخوف ورعب اله وحده جانت كاعده بالزاويه ما انطت اي رده فعل
ما عرفت شلون اتصرف و شنو احجي بس كلمات بسيطه طلعت مني
_طور:منو درس طب او تمريض
من حجيت هيج وحده بقت تباوع على وجه ثاني لان سؤالي ما كان متوقعاته بقن هدوء يعم مكان ورجعت سألت مره ثانيه
_من يعرف طب أمر حيل مستعجله و حاله طارئه واحتاج وحده تساعدني
هم محد حجت بقيت اباوع على وجوه حتى اعرف تعابير وجه مالتهن بما اني اعرف شوي عن علم النفس و تأثير تعابير وجه
حد ما وكعت عيني على لي كانت كاعده بالزاويه جانت تباوع عليه بوجه جامد بس عيونها خضر بيها هواي حجي
تخطيت كل ورحت الها كعدت كبالها وحجيت
_كدرين تساعديني
_..:لا ما اساعد انذال مثلكم
جان حجيها مكسر شوي عرفت هي مو عربيه
_انتي كرديه
_...:مو شغلج
كل اجوبتها مختصره و دفاعيه باوعت عليه بهدووء
_طور بهدوء:شنو تردين بمقابل حتى تساعديني
من حجيت هيج هيه فتحت عيونها على وسعها متفاجئه لحظات و رجعت ملامح وجهه بارده
_...:انتي ما تفهمين كلتلج ما اعرف على شنو تحجين
تقربت منها وهمست يم اذنها
_حتى لو كلتلج راح نسوي اله عمليه واحد من الجيش العراقي
ابتعدت عنها ملامح صدمه جانت واضحه و ما تغيرت من على وجهه
_طور:تساعديني هسه لو لا
_...:اي بس بشرط
_كل شروط موافقه عليها
_...:وافقتي قبل لا تعرفين شنو شرط
_شنو شرط
_..:طلعيني من هنا و تساعدين اختي موجوده عند واحد من مخانيث
_موافقه بس مو اني راح اطلعج شخص ثاني راح يطلعج بس راح تبقين وياي
هزت رأسها معنا اي
_طور:شنو درسين انتي
ضحكت بأستهزاء:قصدج شنو جنت ادري
_اي
_درست سنتين جراحه
ابتسمت الها بخفه
_راح تفيديني هواي لعد و راح تستفادين هواي هم
كمت وكفت و مديت ايدي الها لزمت ايدي وكفت
طلعنا اني وياها جان ابو هاجر و وحده وياه بس ثانيه مدري وين راحت جان هاي لي واكفه يم ابو هاجر حجت
_...:ماذا أيتها عابد طاووس كافره لقد خرجتي
ابتسمت لها ابتسامه مستفزه وحجت مكسر:اي طلعت غصبن عنكم يا ام جهاد
تقدمت عليها ردت تضربها بس وكفت اني بوجهه وحجين
_اعتقد هاي سبيه صارت خاصه بيه
_ام جهاد:منذ متى واصبحت ملك لكِ
_طور بهدوء :من هاي لحظه اني وحيده لي راح اكدر احاسبها
لزمت ايدها و مشيت وعفت ام جهاد و ابو هاجر وحدهم لان حفظت طريق
وكفت بنص طريق من حجت وياي
_اسمي ميان اني يزيديه من جبل سنجار
التفت عليها ابتسمت
_اسمي طور راح نتعرف على بعض هواي بمستقبل و يمكن تصرين صديقتي من هذا مكان
ابتسمت لي و كملت طريق اني وياها من طلعنا من السجن بقيت واكفه ما اعرف طريق الغرفه الي بيها ابو جحيم
بقيت واكفه جان اشوف من بعيد ابو كتمان جاي لنا بعصبيه وكفت كبالنه وحجه
_وين جنتي سنه ياله تجين حظرنا كل شي بقه بس تخدير و تبدين عمليها
_طور بهدوء:من راح يخدره اكو شخص يعرف هنا
_ابتسم بأستهزاء :ليش اكو واحد انتي موجودة ما شاءلله تعرفين تخدرين الناس