THE illusion SERIES (completed)

KTH:10

කිම් මහතා පැමිණි පසු නැවත තම සුපුරුදු ජීවන රටාවට හුරු වෙන්න ටේහ්යුන්ට සිදුවුණා. හෙට තමයි ටේහ්යුන් දස්කම් පෙන්විය යුතු දවස! ඔව් හෙටයි !

"මට අහන්න ලැබුණා, ප්‍රතිඵල ඊළග දවසෙ උදෙන්ම නිවේදනය කරනවා කියලා. අනික අමාත්‍යාංශය මේ විභාගෙන් නේද පළමු වසරේ දක්ෂතම ශිෂ්‍යයා වගේම එයාව පළමු වසරේ ප්‍රධාන ශිෂ්‍ය නායකයා කරන්නේ ?"
තමන්ගේ මේසෙට තරමක් දුරින් පිරිමි ළමුන් පිරිසක් කරන කතාබහට ටේහ්යුන් කන් දී ගෙන සිටියේ තමා පොතක් බලන බවට අගවමින්.

"උඹ කියන්නේ පළවෙනියා වෙන එකා ශිෂ්‍ය නායක වෙනවා කියලද ?"
එකෙක් ඇසීය.

"ඔව් බන්"

"අඩේහ්- එතකොට අර ජිමිනාට අපි ඔලුව නමන් ඉන්න ඕනද ? ඕකාව මට පේන්න බෑ.."
ඒ සමගම විශාල ශබ්දයක් ඇසුණු බැවින් පිරිමි ළමුන් ඒ දෙස බැලුවා. ටේහ්යුන් පුටුවද පෙරලා නැගිට සිටියේ ඔවුන් දෙස මාරක බැල්මකින් හෙලමින්. එම බැල්මෙන් ඕපදූප කියවූ පිරිමි ළමුන්ගේ ඇග සීතල වී ගියා.

"අපි මෙතනින් යමු"
ඔවුන් සෙමින් කොදුරා එතනින් වහා පිටවුණා. ටේහ්යුන් නැවත තම බිම වැටුණු පුටුව සකසා ඉදගෙන තමා කියවමින් සිටි පොතට යලි අවධානය දුන්නා. ජිමින්ද තමා හුන් තැනේ සිට සිද්ධිය දෙස බලා නැවත තමා කියවමින් සිටි පොතට අවධානය යොමුකලා.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

අමාත්‍යාංශය විසින් පවත්වනු ලැබූ විභාගය අවසන් වූ වහාම ජන්ග්කුක් ටේහ්යුන් ළගට පැමිණියා.

"ටේ කොල්ලෝ, කොහොමද ඉතින් විභාගේ ?"
තමාගේ හා දත් පෙන්වමින් ජන්ග්කුක් ටේහ්යුන් සමග සිනහ වී විමසුවා. ඒ සමගම ජිමින්ද තම කලිසම් සාක්කුවලට අත් දමාගෙනම ඔවුන් සිටි තැනට පැමිණියා.

"වරදක් නෑ කුක්. ඔය දෙන්නට කොහොමද ?"
ටේහ්යුන් ජන්ග්කුක් හා ජිමින් දෙස බලා විමසුවා.

"ඔයා දන්නවනේ මට නම් ඕවා ඇපල් පුඩිමක් කනවා වගේ කියලා"
ජන්ග්කුක් ආඩම්බරෙන් එසේ කියමින් තම කොලරය උඩට උස්සා තමා හපනෙක් බව පෙන්වමින් රග දක්වද්දී ටේහ්යුන් එයට හිනාවී ජිමින් වෙතට හැරුණේ ඔහුගෙන්ද පිලිතුරක් අපේක්ෂාවෙන්.