THE illusion SERIES (completed)

KTH : 20

"මො- කක්ද ඒ-කෙන් අදහස්- කරන්නේ ? යථාර්- ථය? මිථ්‍යා- ව ? දෝලනය වී- ම"

"ටේහ්යුන් මම ඔයාට හැම දෙයක්ම පැහැදිලි කරන්නම්. ඊට කලින් මම දෙයක් ආපහු කියන්න ඕනි. ඔයා ඉන්නේ මානසික රෝහලක. ඒත් මේක නිකන්ම නිකන් මානසික රෝහලක් නෙමේ- මෙතන මනස ගැන විවිධ පර්යේෂණ කරනවා.
ඉතින් මෙතනට එන රෝගීන් හැමෝගෙන්ම අපි කරන්නේ පර්යේෂණ. ඔයත් ඒ එක පර්යේෂණයක් ටේහ්යුන්"
වෛද්‍යවරයා මොහොතක් කතාව නතර කර ටේහ්යුන් දෙස බැලුවා.
ටේහ්යුන් සාවධානව ඔහුගේ කතාවට ඇහුම්කන් දී ගෙන සිටිනු දැකගන්නට ලැබුණු ඔහු නැවත තම කතාව පටන් ගත්තා.

"ඔයා මෙහෙට එන්නේ මීට අවුරුදු පහකට කලින්- ඒ කියන්නේ ඔයාට අවුරුදු දාසයයි. ඒ වගේම ඒ කාලෙදිම ඔයාව භාරවුණු වෛද්‍යවරයා මම. ඔයා මෙහෙට එද්දිත් ඔයා ජීවත් වුණේ යථාර්තයේ නෙමේ වෙනම, ෆැන්ටසි ලෝකයක. ඒ වගේම ඒ වෙද්දිත් ඔයාට ඔයාගේ නොපෙනෙන මිතුරෝ දෙන්නෙක් හිටියා. එක් කෙනෙක්ගේ නම පාර්ක් ජිමින් අනිත් කෙනා ජෙයොන් ජන්ග්කුක්"
ටේහ්යුන් ඇද රෙද්ද තමන්ගේ අත් වලින් පොඩි කර ගත්තේ ජන්කුක් ජිමින් කියන්නේ ඇත්ත අය නෙමේ, එයා මවාගත්ත අය කියලා ටේහ්යුන්ට තාමත් විශ්වාස කරන්න බැරිවුනු නිසයි.

"ඔයාගේ අතීතය අවුස්සා බලද්දියි මම දැක්කේ ඔයා ඉස්කෝලේ ඉගෙන ගන්න ටිකක් දුර්වල ළමයෙක්. ඒ නිසාම ඔයා ගොඩක් ළමයින්ගෙන් හිංසාවටත් ලක්වෙලා තියෙනවා. ඒ වගේම ඔයාගේ ඔම්මයි අප්පටයි එයාලගේ කාර්යබහුලත්වය නිසා ඔයා ගැන බලන්න හරියට බැරිවෙලත් තියෙනවා. ඒ කාලෙම තමා ඔයාගේ මනස විසින් ඔයාගේ තනියට මේ ජිමින්වයි ජන්ග්කුක්වයි නිර්මාණය කරන්නේ

ඉස්කෝලේ ළමයින් එක්ක ඔයා මොකක්හරි රණ්ඩුවක් දා ගත්තම ඔයා පාපොච්චාරණ වල ජිමිනුත් ජන්ග්කුක්ගේ නමත් නිතරම කියවුණා
හරියට ඉස්කෝලේ රණ්ඩුවකදී ඔයා නෙමේ ළමයෙක්ට පහර දුන්නේ ජිමිනුයි ජන්ග්කුක් එක්ක ඔයත් ඒ ළමයට ගැහුව වගේ කට උත්තර තිබ්බා"
ටේහ්යුන් ඒ හැම දෙයක්ම අහන් හිටියා. ටේහ්යුන්ට යථාර්ථයේ වුණු කිසි දෙයක් මතක් කරන්න හැදුවත් එයාට මොකක්වත් මතකයට ආවේ නෑ. ඒ තරම් එයා ෆැන්ටසි ලෝකේට ඇබ්බැහි වෙලා ඉදලා තියෙන්නේ.