« الـسـاعه 8:04 مـسـاء »
فـي قـصـر الـجـد ، الكل متجمع من سمعو ان أمير وبنته جايين.
وقف سيارته قدام بيت ابوه بعد ماراح الفندق وحطو غراضهم وتجهزو.
ثـريـا تناظر تفاصيل البيت بضيق وتداهمها الذكريات وأخر مره جات لـ هالبيت ، اخذت نفس ونزلت من شافت ابوها نزل ودخلت معاه .
ناظرت أبوها : أنزل عبايتي ؟
أمير مسك يدها : لا .
مشت معاه و وصلو الصاله ومررت انظارها على الجد وعمها وحسناء والبنات والاطفال ابتسمت ودموعها بدت تتجمع ، بلعت ريقها بتوتر من شافت الكل يرحب فيهم تقدمت للجد وباست راسه وابعدت بدون لا تنطق بكلمه .
قربت لعمها علي وباست راسه : شلونك عمي ؟
علي ابتسم وباس راسها : مشاءالله كبرتي وأحلويتي .
ثـريـا ابتسمت بحيا وناظرت بـ حسناء ومشت لها بخطوات سريعه وحضنتها بقوه وبشوق لـ امها .
حسناء طاحت دموعها من شافتها تشد اكثر وتدفن وجها بحضنها تبكي بصمت .
صارت الانظار عليهم من لاحظو ثـريـا طولت بحضنها ، بعدت ثـريـا ومسحت دموعها وهي تبوس راسها : وحشتيني.
حسناء مدت ايدها تمسح دموع ثـريـا : يا بعد اهلي وروحي انتِ ، كيف حالك ؟
مسكت ايدها ومسحت عليها : يسلمك ياعيوني.
راحت لـ ملك وحضنتها بابتسامه ، بادلتها ملك وشدت عليها : فقدناك .
تركتها ومشت لـ دارين حضنتها .
وابتسمت لـ بدور بشوق لـ صاحبة طفولتها وحضنتها بقوه وبهمس: جلستنا طويله معك .
بدور ضحكت بخفه وبادلتها الحضن بشوق .
تركتها ومشت قعدت بجمب حسناء ومسكت ايدها تمسح عليهم بحُب .
تذكر كيف كانو امها وحسناء صديقات وقلوبهم على بعض ، تحس حنان امها وريحتها بقت بـ حسناء لذلك تحبها اكثر من عمتها بمليون مره ، همست لـ حسناء : عمتي مزنه ماجت ؟
حسناء ابتسمت بضيق : لا ، انشغلت اكيد لو تدري كان جت .
ثـريـا ضحكت بسخريه : اكيد .
ناظرت فـ ابوها اللي قاعد بجمب الجد وابتسمت له من ناظرها ، سمعت صوت رجال وتغطت بسرعه .
أما رائـد تنحنح ثم دخل وبحضنه نور بنت ملك الصغيره .
ابتسم من شاف عمه امير ترك نور عند ملك ومشى له وضمه وابتسامة الفرح بوجهه: ارحححب.
امير طبطب على ظهره بابتسامه : تبقى .
ابعد امير ومسك كتوفه وهو يشوفه من فوق لتحت بذهول : شذي العضلات ياولد!
ملك ضحكت : عمي بالغت كلها نفختين بأيده !
امير : وش بالغت ذا يعطس بوجهي اطير .
امتلت الصاله بضحكاتهم والسواليف حلوه .
تناظرهم ثريا تتأمل عيون ابوها اللي تضحك وكأن رجعت له الحياه بلمة الاهل ، وتناظر بـ بنات عمها وحسناء اللي يسولفون لها وياخذون علومها برحابة صدر وحُب وشوق .
-
« رنـيـم »
قـاعده بالصاله قبال الـ TV تناظره وبالها مشغول تفكير بـ حياتها اللي تنتظرها والزواج وسطام وبنفسها قاطع سرحانها اهلها داخلين جايين من بيت الجد .
واخذت نفس وهي تسمع صوت مياسين العالي .
فركت عيونها تصحصح وناظرت بـ امها اللي دخلت: ياهلا بالغاليه.
حسناء ابتسمت بخفه : اخوك امجد وين ؟
رنيم : فوق يلعب بلاستيشن.
هزت راسها وأرقت لـ فوق .
ناظرت فـ خواتها اللي قعدو وتربعت بملل: اايييه وش صار ؟
دارين تربعت قدامها بحماس : لا تشوفين ثـريـا تغيرت مممره .
رنيم باستغراب: من اي ناحيه ؟
دارين ميلت شفتها: شكلها ! مدري احس كل شي تغير فيها ماهي نفس قبل .
رنيم اخذت الشبس اللي قدامها تاكل : طيب ؟ ماسولفتو ماقعدتم مع بعض ؟
دارين : لا كانو تعبانين تعشو وطلعو .
قعدت بدور بجمبهم بعد ما لبست بجامتها ولا هي حولهم تناظر بعيد بتفكير .
جت حسناء قعدت وفتحت تلفونها تناظر السنابات.
بدور قربت لأمها وتنهدت بعمق : يما .
حسناء بدون لا تناظرها : هلا يعيوني.
بدور عضت شفتها وهي عارفه الرد وبتردد: بقص شعري لـ فوق كتفي .
كلن وسع عيونه ووجهه انظاره على بدور بصدمه !
محد يتجرأ يقص شعره لذا الحد ، مع انه جداً طبيعي ولا يقال عنه "بوي" ، وهذا احد القانون من جدهم اللي معقد حياتهم !
حسناء مررت ايدها على جبين بدور بخوف من انها تعبانه: صاحيه ؟
بدور غمضت عيونها لثواني بقهر : يما لأول مره اطلب منك شي .
حسناء بقلق : يما بدور وش جرا لك ؟ ليه تبين تقصين شعرك !!
بدور ببساطه رفعت كتوفها : احب التغيير ، ابي اغير من نفسي شوي .
حسناء صدت وبحده : انسي وروحي نامي واضح دايخه .
بدور برجاء : يما .
حسناء قاطعتها بحده : بدور ! خلصنا .
بدور قامت بقهر وراحت لغرفتها ولحقتها رنيم .
ناظرت فـ بنتها دارين بتفحص ، دارين ابتسمت وقعدت تتسحب: بروح لـ مياسين .
حسناء بحده : تعالي .
دارين قعدت قدامها وتناظرها تمثل البرائه : هلا ؟
حسناء ناظرت في عيونها : شمسويه ؟ صاير بينك وبين تركي شي ؟
دارين شتت نظرها بقهر وهي تتذكر هوشتها مع ام تركي وسكتت.
حسناء تقدمت وبحنيه : قولي يما شفيك ؟ وش اللي مضايقك ؟
دارين ناظرت امها لثواني بتردد ثم اخذت نفس وقالت لها كل شي صار معها ومع ام تركي .
وبكل مره تتوسع عيون حسناء اكثر وتحط ايدها على راسها .
وانتهت دارين من سردها وسندت ظهرها ببرود : وبس .
حسناء شوي وتنجلط قعدت ثواني تستوعب ثم ناظرت فـ بنتها : ياكبرها عند ربي ، مابقى الا تمدين يدك عليها !
دارين بقهر : ااخخ! والله لو مو ماسكني تركي كان ضربتها ضرب السنه بـ ساعه .
حسناء هزت راسها بتعب: لا حشى ناوين تموتوني ناقصه عمر .
دارين خافت ومسكت يد امها: بسمله عليك يما !
حسناء ابعدت يدها بقوه وبحده : وبعدين معك ؟ ليه ماتحترمينها ؟ ناقصين حن مشاكل ! كبري عقلك خلك اعقل منها .
دارين تضايقت وناظرت امها بجديه : يما انا حلفت اموتها لو تلمس شعره من مياسين .
قامت وطلعت لـ فوق بدون لا تعطي امها مجال تتكلم .
اما حسناء مسحت على وجها بتعب وتنهدت بعمق وهي تدعي لها من كل قلبها .
-
« رنـيـم »
بغرفتها وبدور بـ سريرها وماسكه لها كتاب تقراه ، واقفه قدام التسريحه وتمسح الكريم على ايدها بسرحان .
فزت من تذكرت رسالة سطام ومشت لـ تلفونها بسرعه وهي تفتحه.
لفت عليها بدور : شبلاك !
رنيم وهي تفتح الرساله : دز لي سطام الصبح ونسيته .
فتحت الرساله اللي كان محتواها " صباح الخير ، كيف حالك ؟ ناقصك شي ؟ "
ناظرت بدور بضياع: ارد عليه الحين ؟ احس الوقت تأخر اخليه بكرا الصبح ارد ؟
بدور ناظرتها بحنق: تستهبلين ؟ واذا شاف انك شفتي الرساله ولا وديتي !
رنيم تنهدت ورجعت تكتب له بعد تفكير " الحمدالله تمام ، لا "
تركت تلفونها مشت تتوضى بتصلي الوتر .
بعد ماخلصت لفت لجوالها اللي يرن واخذته وتوترت وهي تشوف اسمه بوسط التلفون ناظرت فـ بدور اللي ماهي حولها ومشت لـ الشباك واخذت نفس وهي ترد بهدوء .
سطام تنحنح من ردت : كيفك ؟ دقيت اتطمن عليك ، دزيت الرساله الصبح تو تردين ! متخربط نومك ؟
رنيم توترت وهي ماتدري على اي سؤال ترد : لا صاحيه بس تو انتبه لـ تلفوني .
عقدت حواجبها وهي تسمع اصوات وازعاج وابعدت تلفونها وهي تشوف الساعه ١٢:٣٠ بالليل ، رجعت تلفونها لأذنها: مشغول ؟ واضح انك مو بالبيت .
سطام تنهد وهو يناظر بالممرضات والدكاتره اللي يمشون حوالينه: لا انتظر بالمستشفى .
سكت بيشوف هي بتقلق وتسأل عليه ؟
رنيم بفضول : عسا ماشر ؟
سطام ابتسم بخفه : بنت عمتي تعبت شوي وجبتها مع عمتي.
رنيم : ماتشوف شر .
سطام وهو وده يطول الكلام بينهم لكن قاطعه الدكتور اللي طلع وتكلم بسرعه: اكلمك بعدين ، انتبهي لنفسك.
"سكر بدون لا يسمع ردها" ناظرت بـ الخط اللي تسكر واخذت نفس وهي تترك تلفونها وتمشي لـ برا الغرفه .
انتبهت لـ دارين قاعده بالبلكونه وتمسح على شعر مياسين اللي نايمه على رجلها .
مشت لها وقعدت قدامها ابتسمت دارين لها : ياهلا بالعروسه .
شتت نظرها وتنهدت بضيق ، من انخطبت وهم ينادونها "العروسه"
دارين ضحكت بخفه : يقالك تتغلين ؟ افرحي مابقى شي ويتحقق مرادك.
رنـيـم رفعت حاجبها: عفوا ! متى صار مُرادي ؟
دارين تناظرها وساكته ، رنيم زفرت : نسكر السالفه الحين "ناظرتها بجديه وتفحص" انتِ وشفيك ؟ صاير معك شي ؟
دارين : وشفيكم انتو ؟ كل من شافني يستجوبني! اشتقت لكم وجيتكم!!
رنيم صغرت عيونها بشك : عارفه قصدي لا تضيعين السالفه .
دارين ضحكت بخفه وتخفي ضيقتها: مافيني شي صدق ، خلك بنفسك انتِ علميني وش صار معك ؟ يتواصل معك سطام ؟
رنيم وقفت وبكذب واضح : تسمعين صوت امي تناديني صح ؟
ناظرتها من مشت وتركتها وضحكت : اي اهربي اهربي .
رجعت لفت لـ قدام واختفت ابتسامتها وهي تتذكر بعد رجعوهم من ام تركي .
-
" نرجع بالاحداث .. "
وصلو لـ الشقه وناظرت بـ مياسين اللي قعدت على الكنبه ورجعت ناظرت بـ تركي اللي اشر لها تلحقه للغرفه ، اخذت نفس ومدت جوالها لـ مياسين تلهى فيه ومشت ورا تركي للغرفه .
وصلت وشافته يمشي رايح جاي معصب ، لاحظها من دخلت وتقدم وعطاها كف قوي وبلا مقدمات !!
شهقت بخفه وايدها بخدها ودمعت عيونها بس تخفيها رجعت ناظرت تركي ببرود وساكته.
تركي انقهر من شاف برودها ومسك شعرها بغضب : وبعدين معك ؟
دارين غمضت عيونها بألم وتبعد ايده: اترك .
تركي وهو همه تنزل دمعتها وتعلن ضعفها مسك فكها: وبعدين معك تكلمي !
دارين ابتسمت تنرفزه اكثر وتبعد ايده : ابعد علشان اتكلم!
تركي ترك فكها وناظرها بغضب ينتظرها تتكلم وتبرر.
دارين بلا وعي وبنرفزه : أمك ## شسوي ؟
تركي انصدم من شتمتها ومسك شعرها بقوه وبصوت عالي : انتِ الـ ## ! والله لا أحرقك وانتِ حيه لو تطرين امي بالسوء فاهمه ؟
دارين تبعده : انقلع انت وامك ، ادفنكم لو غلطتو على بنتي سامع ؟
تركي بعد وبيجن جنونه منها : تراها بنتي ماهي لك لوحدك !! لمي حالك واحترمي نفسك .
دارين تعدل شعرها بألم : مع الاسف انك ابوها .
تركي صد وهو يغمض عيونه بصبر وفتحها وهو يشوف مياسين قدام بابهم ودموعها بخدها ، تنهد بضيق ومشى لها وقف وهو يشوفها تبعد عنه بخوف ومسح على وجهه وطلع من البيت .
ركضت لأمها وضمتها وهي تبكي ، دارين شالتها وقعدت وناظرتها ومبكابره تخفي دموعها : شفيك !
مياسين تمسح على خذ امها : يعورك ؟
دارين بلعت غصتها وبابتسامه : لا اصلا ابوك يلعب معي .
-
« سـطـام »
واقف وعيونه فيها النوم لكنه يقاوم ويناظر بـ عمته اللي رايحه جايه بخوف على بنتها ، واخيراً طلع الدكتور وتجهو له بسرعه ، عمة سطام " وسام " ناظرته بخوف : بنتي فيها شي ؟
الدكتور بهدوء يطمنها: الحمدالله مافي شي خطير ، رضه خفيفه بإيدها وكدمات خفيفه بوجها بتروح مع الوقت لا تحاتين.
سطام بنعاس فظيع : نقدر ناخذها ؟
الدكتور مد له ورقه : ايه ، هذي الادويه.
سطام ابتسم بخفه : يعطيك العافيه .
ناظر فـ عمته : انا بروح اصرف الادويه واجي .
دخلت وسام على بنتها وتقدمت والخوف ماكل قلبها: سمله عليك يا يما .
قاطعتهم بنت وسام الصغيره " منال " دخلت وبيدها القهوه قعدت وحطت رجل فوق رجل وتناظر خلود بحنق.
خلود خزتها وناظرت بـ امها وببحه: يما وين سطام ؟
وسام: يصرف ادويتك ، انتبهي ثاني مره وانتِ تنزلين من الدرج كم مره بعلم فيك ؟
خلود تنهدت بتعب: ان شاءالله .
منال وقفت وتقدمت لها وناظرت بـ امها : يما اقعدي ارتاحي.
مشت وقعدت وسام ، و منال تناظر خلود وبهمس : اعقلي يا خلود واتركي سوالف المبزره.
خلود همست بغضب: اسكتي لا احط حرة العالمين فيك .
وسام بشك : وشفيكم تتساسرون!
منال ناظرت امها بقهر : يما بنتك هي اللي حذفت نفسها من الدرج .
وقف سطام قبل لا يدخل بصدمه وهو يسمع كلام منال .
وسام شهقت بصدمه وحطت ايدها على راسها : ياكبرها عند ربي ! ليه ؟ مجنونه انتِ ؟
خلود خافت من امها وناظرت بـ منال بغضب : والله مااخليك .
منال طنشتها وناظرت بـ امها : انا اقولك ليه ! لان العاشقه الولهانه تبي تسوي اي شي يمنع زواج سطام .
وسام بحسره : تضرين نفسك ؟
خلود ودموعها بعيونها : كله منكم وين كلامكم ؟ وش صار مو كان سطام بيتزوجني انا ؟ ليه يروح يتزوج ذيك ؟ انا انتظرت طول هالسنين علشانه ! كل من خطبني رفضته علشانه !
سطام اللي كان يسمع كلامها ابعد عن الباب وقعد ومسح على عيونه بتعب وفتح تلفونه ناظر بـ تاريخ زفافه باقي ٥ أيام !
-
١١:٣٠ص .
دخلت الغرفه وهي تشوف بدور ومياسين نايمين ودارين بـ دورة المياه ، قعدت على الكرسي وبيدها الكرز تاكل منه وبملل صارت تكرر اسم " مياسين " لجل تقوم : ميسو .. مياسين !
فتحت عيونها بأنزعاج وصدت : اسكتي .
رنيم تأففت: ماتشبعين نوم ؟ قومي العبي معي .
طلعت دارين وناظرت بـ رنيم : يالله صباح خير !
رنيم : اي صباح ؟ شايفه الساعه كم ؟
بدور سندت ظهرها مسحت على وجها بنوم قامت ومشت لـ التسريحه تاخد الربطه وناظرت بنفسها لـ ثواني بعدم استيعاب.
وشهقت بقوه وهي تلمس شعرها بأدين ترجف بصدمه .
رفعت راسها دارين و وسعت عيونها وهي تتقدم بصدمه : بدور !!
بدور بخوف : والله مو انا قاصته .
رنيم قعدت تشتت انظارها وتاكل بتوتر ، قامت مياسين على خبقتهم وناظرت بـ شعر بدور القصير وبأنعجاب : ماما ابي مثلها !
ناظرو مياسين ، ورجعو ناظرو فـ بعض بصدمه .
دارين لفت على رنيم قربت بحده: انتِ مسويتها صح ؟
رنيم بلعت ريقها وناظرت بدور ورجعت نظرها لـ دارين : وش سويت ؟
دارين تهز راسها بأسى وبصدمه : تعرفين وش عواقب فعلتك ؟ والله لو يدري جدي سهله يذبحك .
بدور تناظر بشعرها اللي فوق كتوفها بأنعجاب تقدمت لـ رنيم وضمتها بقوه ، ابتسمت رنيم وتناظر دارين : اهم شي عجبها ماعلي من جدك وقوانينه .
ابتعدت بدور وبأمتنان: مره شكراً مدري وش اقولك .
ابتسمت وضربت راسها بخفه: جب .
لفت للمرايه وتلمس شعرها بفرح وللأن مو مستوعبه.
اندق الباب ..
اندق الباب وبنفس الوقت تكلمت مياسين بتكرار لأمها : ماما ابي مثلها .
دارين مسكت بدور بسرعه : ادخلي الحمام بسرعه .
مشت وسكرت على نفسها بخوف ، لفت على بنتها وتقدمت بهدوء : ميسو انتِ شاطره ماتعلمين احد صح ؟
دخلت حسناء بعد مافتحت رنيم الباب : شفيكم ؟
رنيم بلعت ريقها بتوتر : شفينا ؟
حسناء : قاعده ادق الباب مااسمع حسكم !
دارين : ماسمعناك.
حسناء ناظرتهم بشك : يلا اجهزو بنروح لـ جدكم .
رنيم بعذر فاشل: بطني يعورني ماابي اروح .
حسناء بحده : انتِ اول وحده ، امس سمحت لك وداريه انك كذوب .
رنيم برجاء : ييمه مابي.
حسناء بعصبيه : نص ساعه ان مانزلتو ياويلكم مني .
-
« بـ الفندق »
عند ثـريـا وأمير ، طلعت من غرفتها وانتبهت لـ ابوها فالمطبخ اللي يطل على الصاله ، تقدمت وابتسمت وهي تبوس راسه : صباح الخير .
امير بأبتسامه وهو يشغل مكينة القهوه: صباحك نور ، اسوي لك معي قهوه ؟
ثـريـا : ما أقول لا .
مشت الصاله وشافت دفتر ابوها اللي يكتب كل اشعاره فيه وابتسمت بحماس ومشت له بسرعه وهي تاخذه وتقرا الصفحه اللي فيها القلم .
" لا تستفزّك ذكريات الراحلين
مافيه أحد يبقى معك إلى الأبد
