دخلت من بعده الغرفه وسكرت الباب وراها وتجمدت من التفت عليها سطام بغضب وحده: لا عاد يطري عليك تحكين بشي مايخصك!
ناظرته بعدم فهم واندهاش لغضبه: وش قلت؟
سطام ابعد عنها وفصخ تيشيرته وهو يحذفه بقوه على الجدار وصارخ: ولا ككللمه ! مابي اسمع صوتك !!
ارتجف قلبها خوف وصدمه ، ثواني طويله انظارها علييه تحاول تستوعب غضبه اللا مُبرر ! أردفت بحيره واستغراب: سطام وش فيك ؟
أبعد بخطوات غاضبه لـ غرفة التبديل متجاهلها!
انتظرت لـ دقيقه وتسترجع كل كلمه قالتها ، كل المواقف بأدق التفاصيل تدور كلمه او زلة لسان غير مُناسبه!! وش هالغضب ؟ وش هالفوران ؟مشت بلا تحمل ودخلت لـ غرفة التبديل وتشوفه فاتح شنطة السفر ويحذف ملابسه بلا اهتمام!
تراقبه بحييره وحزن تقدمت له وانحنت ترتب ملابسه وتنظمها بـ شنطته بهدوء! وقف عن حذف الملابس ونزل راسه يضغط على جبينه ، عايش في صراع نفسي وذهني يحس بصدره تورم من الحرق ! شعور الغيره قاتلته ولا هو قادر يميزه بين كل هالكوارث اللي بداخله، انحنى وبحده: خليه عنك ، رتبي شنطتك ساعات ونمشي.
رفعت نظرها لوجهه وبتتكلم لكن قاطع وقوفه ومشيه لبرا الغرفه! غمضت عيونها بصبر تجاهد تعبها وأخذت شنطتها ترتب ملابسها وتاخذ مستلزماتها الاساسيه على السريع وكل مافيها مُرهق! انتهت وحذفت نفسها على السرير ونامت فوراً وكأنها تهرب.
-الـسـاعـه 4:14ص فجراً-
رجع سطام من مسجد الحاره بعد ما صلى الفجر ، مر على غرفة خوانه وشوق يقعدهم يصلون ويتجهزون لـ السفر .. ومشى لـ غرفته يفتح الباب بهدوء شديد!
خطف لها نظره وتوقعها نايمه وبالفعل صابت توقعاته! لم يهتم ومشى ياخذ له شور سريع ويبدل ملابسه لـ "ثوب سعودي" ومرر الغتره على شكل عصبه ورش من عطره ولبس ساعته ولف على النايمه بتزفيره! طول وقته متعمد الازعاج! يضرب العطر على الطاوله بتعمد ، يطيح الاغراض ويفلظ بعصبيه متعمد! يبيها تنزعج وتقوم من النوم لكن لا حياة لمن تنادي!
فقد الامل وتقدم لها ، وكل مايتقدم تنحبس انفاسه لاشعورياً بين تناقضه! هو مايبي يوقف بين البين! مايبي يستنزف في وجهه ماهي له .. مايبي يضيع مشاعره في المكان الخطأ! يبي حد يستحق حُبه .. حد يبادله الحُب بنفس القدر وحتى يتنافسون مين يحب الثاني أكثر؟ .. للحين ذابحه سؤال وقلق رنيم عن عبدالله!
اردف بنبره خافته: رنيم ؟
لارد .. مد يده وهزها بخفه: رنيم؟ اخلصي قومي.
غمضت عيونها بشده بأنزعاج: همم ؟
سطام: قومي.
رنيم شدت على لحافها وبنوم: وخر عني بناام.
سطام زفر بملل: اخلصي بتشبعين من النوم بالسياره قد قومي تأخرنا.
رنيم بأنزعاج: اذلف عني.
انتبه لـ كوب الماي اللي على الكومدينه وأخذه بلا تفكير وفضى اللي فيه وسكبه على رنيم مباشراً !
شهقت شهقه قوويه وفزت من نومها بهلع وجزع من الماء الباارد! صدرها يعلى ويهبط انظارها على سطام محاولة الاستيعاب لثواني معدوده !!
سطام ببرود: لا قلت قومي تقومين ، اجهزي خلصي.
أبعد بخطوات هاديه وطلع من الغرفه بكل برود وبلا مُبالاه وكأنه مو مسوي شي!! مسحت وجهه وشعرها اللي تغرق بالماي وخوفها يتحول لـ غضب وإمتعاض شديد من سطام!
وقفت وهي تتحلطم بكل عصبيه: الله ياخذك وياخذ الساعه اللي وافقت فيها عليك ياثور.
تأففت وهي تمسح على عينها وتستغفر فوراً خوف من دعوتها اللي قالتها بلحظة غضب! مشت تتجهز وتتوعد فيه بداخلها.
