Taehyung သူ့ခါးကိုဖက်ပြီး နှုတ်ခမ်းသားတို့ကို တစ်စတစ်စနဲ့ ထွေးငုံလာတဲ့ ခံစားချက်ရလာတဲ့ အချိန်မှာတော့ တွန်းဖယ်လိုက်တော့သည်။
အရှေ့က ကောင်လေးရဲ့ လက်တွေက လေထဲမှာကျန်နေခဲ့ရင်း ကြောင်အမ်းအမ်း ဖြစ်နေလေကာ မျက်လုံးဝိုင်းတို့ဖြင့် ဖြေရှင်းချက်တစ်စုံတစ်ရာကို စောင့်နေသလိုပင်။
လက်ညိုးနဲ့လက်မကိုသာ အသုံးပြု၍ Rum ခွက်ကိုကိုင်ထားသော လက်လေးကိုမြောက်ပြီး မျက်ခုံးကို တစ်ချက်ဆွဲပွတ်လိုက်၏။ မျက်မှောင်ကြုတ်ထားရင်းက
"Sorry... မဆင်မခြင်အပြုအမှုအတွက် တောင်းပန်ပါတယ် မူးသွားလို့ ဖြစ်မယ်.."
Taehyung Dance Floor ကချက်ချင်း ထွက်ခွါသွားတော့ Jungkook သူ့အနောက်ကနေ ပြေးလိုက်သွားသည်။ မွှေးညှင်းနုလေးများ ရှိနေတဲ့ လက်ဖျံကို သူလှမ်းဆွဲလိုက်ကာ
"မဆင်မခြင်အပြုအမူဆိုတာ သေချာလား Hyung ဒီအနမ်းကနေ ဘာမှမခံစားခဲ့ရဘူးလား"
Taehyung သူ့လက်ကို ခါထုတ်လိုက်သည်။
"အမှားတစ်ခုအတွက် ဘာကိုခံစားရမှာလဲ"
Jungkook မျက်လုံးများ မှေးဆင်းလိုက်ပြီး သူ့အနားကို တဖြည်းဖြည်း တိုးကပ်သွားလိုက်၏။
"တကယ်ဘာမှမခံစားရဘူးပေါ့"
"အမှားအတွက် တောင်းပန်ပါတယ်"
Taehyung လူကြီးလူကောင်းလိုသာ တောင်းပန်ကြောင်း ပြောနေတာက jungkook ကိုပိုဒေါသ ထွက်လာစေတော့တာ။
"ကျနော်ကတော့ Hyung အမှားကြောင့် ရင်ဘတ်ထဲကနေ လိပ်ပြာအကောင်တစ်သောင်းလောက် ပျံနေပြီး လေပေါ်မြှောက်သွားသလို ခံစားလိုက်ရတာ... ကျနော့်ဘက်က အမှားမဟုတ်ဘူး တမင်ရည်ရွယ်ပြီး နမ်းလိုက်တာ Hyung ကိုသဘောကျလို့လေ"
Jungkook သူ့ကိုထပ်နမ်းဖို့ ကြိုးစားတော့ Taehyung မျက်နှာကိုတစ်ဖက်သို့ လှည့်ချလိုက်၏။ Jungkook လှည့်ထားတဲ့ မျက်နှာကို ပြုံးပြီး ကြည့်လိုက်ကာ
"Hyung ကျနော့်ကို သဘောကျလာမှာပါ ကျနော် အဲ့လိုဖြစ်လာအောင်လုပ်မှာ နောက်မှတွေ့ကြတာပေါ့.."
Club ထဲကနေ ထွက်လာခဲ့ပြီး ကားပေါ်ရောက်တဲ့အထိ မျက်နှာပိုးမသတ်နိုင်သေးပဲ ရှိနေကာ Ki နဲ့ Chul ကလက်ခုပ်တီး အသိအမှတ်ပြု ဂုဏ်ပြုသည်။
