Portugal,Lisbon
(ပေါ်တူဂီနိုင်ငံ,လစ်စဘွန်းမြို့)
ရဲတိုက်ပုံစံ အဆောက်အဦးရှိတဲ့ ဧကချီကျယ်တဲ့ ခြံဝန်းထဲမှာ မင်္ဂလာဆောင်တစ်ခုကျင်းပနေသည် အပြင်လူရယ်မပါ နှစ်ဖက်မိသားစုနဲ့ ဆွေမျိုးမိတ်သဟာ အနည်းအကျဉ်းရယ်သာ ဖြစ်ပေမယ့် အဲ့ဒီလူကိုက ရာချီနေလေ၏
နှစ်ဖက်စလုံးက မိသားစုဆွေမျိုး တောင့်ပုံများကတော့ ဒီနေ့မင်္ဂလာဆောင် ကြည့်ရုံနဲ့တင် သိရှိနိုင်သည်
အနောက်တိုင်း Suit ကိုခြေတံရှည် လက်တံရှည်တို့နဲ့ လိုက်ဖက်ညီစွာ ဝတ်ထားတဲ့ အမျိုးသားတစ်ဦး မိဘဆွေမျိုးများကို ပြုံးပြနှုတ်ဆက်ရင်း အဖိုးတန် အပြုံးလှလှ တစ်ခုကို ပုံဖော်နေကာ နိုင်ငံခြားသား အုပ်စုနဲ့ သောက်စားရင်း စကားတပြောပြောလုပ်နေတဲ့ လူထံသို့ မျက်လုံး ရောက်သွားလေသည်
ဝါထိန်နေတဲ့ ခေါင်းပိုင်ရှင်က Jeans ဘောင်းဘီနဲ့ အင်္ကျီဝမ်းဆက်ရယ်ကို မင်္ဂလာဆောင်အခမ်းအနားနဲ့ မအက်စပ်စွာ ဝတ်ဆင်ထားပြီး ကျနော့် မြင်ကွင်းထဲမှာ ကိုးလို့ကန့်လန် နေရာယူသည်
ဆံပင်အဝါက ဆေးဆိုးထားသည်မှာ ဆံပင်အရင်းက အမည်းရောင်ထွက်နေတဲ့ ဆံပင်တို့ကို မြင်ရင် သိနိုင်၏
အဲ့ဒီကောင်လေးက ကျနော်ရှိရာဘက်ကို လှမ်းကြည့်ပြီး မျက်လုံးတစ်ဖက် မှိတ်ပြသည် အနောက်ကို လှည့်ကြည့်လိုက်တော့ မည်သူမှ မရှိ
နောက်တစ်ခေါက် ကျနော့်မြင်ကွင်းထဲရောက်လာတော့ နှုတ်ခမ်းက အနမ်းပေးသလို စူပြသည်
"အဲ့ဒီဟာလေးကတော့.. ဘယ်ကိုလာပြီး မခန့်လေးစား.."
"Taehyung လာ မိတ်ဆက်ပေးမယ်"
သတို့သမီး အသစ်စက်စက် ကျနော့်အန်တီက လှမ်းခေါ်တော့ နေရာကနေ အသာထသွားပြီး စားသောက်ပွဲဆီကို သွားလိုက်သည်
"Jungkook သား လာ အန်တီ့တူနဲ့ မိတ်ဆက်ပေးမယ် နှစ်ဖက်ဆွေမျိုးတွေ ရင်းနှီးသွားတာပေါ့ ဒါအန်တီ့တူ Comida စားသောက်ကုန်ရဲ့ Chairman Kim Taehyung ၊ Taehyung ဒါက အန်တီ့အမျိုးသားရဲ့တူ Jeon Jungkook တဲ့ သားကဘာလုပ်တာ.."
