Korea မှာပတ်ရှောင်လာတဲ့ အမျိုးအဆွေတို့က ဒီမှာတော့ပက်ပင်းတိုးတော့တာ။ အဖေ့ဘက်က အမျိုးဖြစ်တဲ့ဒေါ်လေး Jo နဲ့ ညီမဝမ်းကွဲတစ်တွေ ကျနော့်ကိုဝိုင်းထားကြတော့သည်။
"အော.. ငါတို့ ဥက္ကဌကြီးပါလား.. မတွေ့ရတာကြာပြီ ဒါနဲ့ Rehko ဘက်က စေ့စပ်ပွဲဖျက်သိမ်းလိုက်တာက ဘာလို့များလဲ မင်းသူ့ကို ဖောက်ပြန်တာမိသွားလို့လား မဟုတ်မှ.."
ထင်ထားတဲ့အတိုင်းပဲ သူများအတွင်းရေးကို အားမနာလျှာမကျိုး မေးမြန်းဝေဖန်၏။ ကျနော်ဘာမှ မဖြေပဲ နေလိုက်လဲ ကိစ္စကရပ်မသွား။
"ငါတို့အမျိုးထဲမှာ စေ့စပ်ပွဲဖျက်သိမ်းဖူးတာ မင်းပထမဆုံးပဲ.. လွန်ခဲ့တဲ့ ၃နှစ်လောက်ကပေမယ့် ခုထိ အဲ့ကိစ္စကို မေးမြန်းနေကြတုန်းပဲ မင်းကသေချာ ဖြေရှင်းချက်လည်းမထုတ်ခဲ့တော့ ကုမ္ပဏီအတွက်လည်း image မကောင်းဘူး ဖြစ်သွားတာ အို့ ငါက-"
"ကောင်းစေချင်လို့ ပြောတာမဟုတ်လား"
ကျနော်ဖြတ်ပြောလိုက်တော့ ဒေါ်လေး Jo မျက်နှာပျက်သွားသည်။
"ဒါပေါ့.. ကောင်းစေချင်လို့ပါ.. မင်းကြောင့်မို့ Lula ကနောက်ကျမှ အိမ်ထောင်ပြုရတာ မဟုတ်လား မင်းကသေချာ လုပ်သင့်တာ အမှန်ဆို မိဘတွေမရှိတော့တဲ့ မင်းက Rehko လိုဆွေကြီးမျိုးကြီး မိန်းမကောင်းလေး ထပ်ရဖို့ မလွယ်ဘူးလေ.."
Taehyung ခပ်ဟဟ ပြုံးလိုက်ကာ
"ဒေါ်လေး jo ရဲ့ ကောင်းစေချင်တဲ့ စေတနာကို ကျနော်က ကောင်းကောင်းကြီး နားလည်တာပေါ့... အို့.. ဒေါ်လေး မျက်ကွင်းတွေညိုပြီး မျက်လုံးနားက အရေပြားက တွန့်နေပြီပဲ ဒေါ်လေး ကျနော့်ကို အရမ်းစိတ်ပူနေတာပါလား အဲ့လိုမလုပ်ပါနဲ့ ကိုယ့်ကိုယ်ကိုယ် ဂရုစိုက်မှပေါ့ ကျနော်က ကောင်းကောင်း အဆင်ပြေနေတဲ့ဟာ.."
"အမလေး အမလေး ဘယ်နားက တွန့်နေလို့လဲ ဟိုနေ့ကမှ treatment ယူထားတာကို ကြည့်ပေးကြစမ်းပါအုံး"
ဒေါ်လေး Jo သူ့ညီမတွေရှေ့ မျက်နှာကြီးထိုးကာ ရင်ထုအော်ညီး၍ ကျန်နေရစ်ခဲ့သည်။
Taehyung မဲ့ပြုံးပြုံးပြီး ထွက်လာခဲ့လိုက်သည်။ အပေါ်ကုတ်အင်္ကျီကို ချွတ်ပြီး လက်ကကိုင်ထားရင်း ဆေးလိပ်တစ်လိပ်မီးညှိလိုက်ကာ တစ်ဖွာရှိုက်လိုက်သည်။
