"ဥက္ကဌကြီးနဲ့ တွေ့ချင်လို့ပါ"
Ki နဲ့ Chul ဥက္ကဌကြီး ရုံးခန်းရှေ့မှာ ရောက်နေလေပြီး တွေ့ခွင့်တောင်းနေတာ ဖြစ်သည်။ အတွင်းရေးမှူးက သူတို့ကိုမမြင်ဖူးတာမို့ အထဲအဝင်မခံချေ။
"ကြိုတင်ချိန်းဆိုထားတာ မရှိရင် တွေ့လို့မရပါဘူးရှင့်"
Chul ကတော့ ခပ်ချေချေ မင်းသားမို့ တမင်ရွဲ့စောင်းရင်း အတွင်းရေးမှူးဟန်ကို ရစ်နေသည်။ Ki ကလည်း အတတ်သင်တာ မြန်တဲ့ကလေးမို့ ခပ်မိုက်မိုက်နဲ့ကောင်တာကို မှီထားကာ အပီအပြင် အတွင်းရေးမှူးဟန်ကို အနှောင့်အသွား မလွတ်ကင်းတာတွေကို ခပ်ချွဲချွဲပြော၏။
"မမကလည်း ကျနော်တို့က ခဏပဲတွေ့ပြီး ပြန်မှာပါ"
အတွင်းရေးမှူးဟန် စိတ်ရှုပ်လာပြီး ပြောဆိုပစ်ချင်စိတ်ကို မနည်းထိန်းနေရသည်။
"မရပါဘူးရှင့်"
Chul "ဘာလို့မရတာလဲရှင့်"
"ကျွန်မခုနက ပြောပြီးပြီလေ ကြိုတင်ချိန်းဆိုထားမှသာ ရပါမယ်လို့လေ"
Ki "ခဏဆိုမှ ခဏလေးပါပဲ မမချောချောရယ်"
"မရပါဘူးနော်"
"Jeon အုပ်စု"
သူတို့အသံလာရာကို လှည့်ကြည့်လိုက်တော့ ဝတ်ဆုံပြည့်ဝတ်ဆင်ထားသော သူတို့ထက် ခေါင်းနှစ်လုံးလောက် ပိုမြင့်သော ဥက္ကဌကြီး ဖြစ်လို့နေ၏။
တည်တည်ကြည်ကြည် မျက်နှာထားနဲ့ အနောက်ကိုသိမ်းဖြီးထားသော ဆံပင်အမည်းရောင်တို့က ပိုးသားလို ပြောင်လက်နေကာ လယ်သာအိတ်အညိုကို လက်တစ်ဖက်ကကိုင်ထားသည်။
သူတို့ ဥက္ကဌကြီးကို မြင်တော့ နိုင်ငံတော်အလံကို အလေးပြုမယ့် အနေအထားနဲ့ စီစီရီရီ လပ်သီးဆုပ်လေးများ ဘေးကပ်ပြီး တောင့်တောင့်တင်းတင်း ရပ်ပြီးသား ဖြစ်သွား၏။
"ဟုတ်ကဲ့ ဥက္ကဌကြီး"
"ဘာကိစ္စလဲ"
"Jeon လွှတ်လိုက်လို့ လာတာပါ အရေးကြီးကိစ္စလို့ အမှာစကားပါးလိုက်ပါတယ်"
Taehyung ထိုကောင်လေးများရဲ့ မျက်လုံးထဲကို စိုက်ကြည့်လိုက်တော့ သူတို့ပြန်မကြည့်ရဲ။ Taehyung အနောက်ကနံရံကို ကျော်ကြည့်နေသည်။
