Taehyung သူ့ရဲ့ reaction မှာအူယားသွားသည့်နှယ် အောက်နှုတ်ခမ်းကို ဖိကိုက်လိုက်ပြီး
"ကောင်းကောင်း ကြိုးစားလုပ်နေရဲ့လားပဲ မေးပါတယ်"
သူမယုံသေး မျက်လုံးလေးများဝိုင်းစက်ကာ ထပ်မေးပြန်သည်။
"သေချာရဲ့လား အဲ့လောက်နဲ့ ပြီးမယ့်လူမျိုးမှ မဟုတ်တာ"
သားအဖချင်းအဆင်ပြေကြတဲ့ပုံတော့ မပေါ်ပေမယ့် တစ်ယောက်အကြောင်းတစ်ယောက်တော့ ကောင်းကောင်းသိကြတဲ့ပုံပါပဲ။
"အကူအညီတောင်းပါတယ်တဲ့လေ သူမကောင်းခဲ့လို့ ခပ်ဆိုးဆိုး ဖြစ်နေတဲ့သားလေးကို သင်ပြပေးလို့ ကျေးဇူးတင်ပါတယ်တဲ့"
"သူ့ဟာသူ မကောင်းမှန်းတော့ သိသေးသားပဲ.."
သူ့ကိုကြည့်လိုက်တော့ မျက်နှာအမူအရာက ခပ်မှိုင်းမှိုင်းရယ်။
"ပြောပြချင်လား အဖေ့အကြောင်းကိုပေါ့"
"ကျနော့်အတွက် အရမ်းအရေးမကြီးပါဘူး"
"ဒါပေမဲ့လဲ နားထောင်ချင်တယ်"
သူကကျနော်နဲ့ မျက်လုံးချင်းမဆုံပဲ ကြမ်းပြင်ကိုငုံကြည့်ပြီး ဘောပင်ကိုတတောက်တောက် နှိပ်နေရင်းက ပြောသည်။
"အမေဆုံးပါးသွားပြီးနောက် အဖေကနောက်မိန်းမယူလိုက်တယ် ငယ်ချစ်ဦးလို့တော့ပြောတာပဲ... အဲ့မိန်းမမှာ အိမ်ထောင်ကွဲထားတဲ့ သားတစ်ယောက်ပါတယ်"
သူ့ရဲ့သက်ပြင်းချသံ ခပ်ပြင်းပြင်းကို ကြားလိုက်ရပြီး
"ကျနော်က အဲ့တုန်းက အလယ်တန်းကျောင်းသားပဲရှိသေးတာ အမေဆုံးပြီး သိပ်မကြာလိုက်ပဲ တခြားမိန်းမ တစ်ယောက်နဲ့ အစ်ကိုဆိုတဲ့ လူက ရုတ်တရက်ကြီး အိမ်ပေါ်ရောက်လာခဲ့တော့ ကျနော့်ဦးနှောက်ထဲမှာ ရှုပ်ထွေးလာပြီး အဖေ့ကိုအပြစ်တင် မုန်းတီးလာတာ ကျနော် အထက်တန်းတက်တော့ မယားပါသားနဲ့ ရန်ဖြစ် ပြီး ထွက်လာရော သူတို့အိမ်မှာရှိနေသရွေ့ ကျနော်အိမ်မပြန်ဘူး အဲ့တာနဲ့ Ash ကခေါ်ထားပေးတာ ပြီးတော့ Chul Ki တို့နဲ့ ညီအစ်ကိုအရင်းတွေလိုပဲ ဖြစ်သွားတာပဲ"
"အလယ်တန်းကျောင်းသားပဲရှိသေးတာကို အများကြီး ပင်ပန်းခဲ့မှာပဲ.."
