Ep 16
အမိန့် မောင့်အတွက် ဆန်ပြုတ်ပြုတ်ပေးနေတာ ဖြစ်သည်။ မောင်ကတော့ အခုထိမနိုးသေးပါ။ ဆန်ပြုတ်ပြုတ်ပြီးမှ အမိန့် မောင့်ကိုသွားနှိုးတော့မည်။ အမိန့် ထမင်းကိုလည်းပေါင်းအိုးဖြင့် ချက်ထားလိုက်သည်။ ဟင်းကိုတော့ ရေခဲသေတ္တာထဲမှာရှိတဲ့ အသားတစ်ခုခု ချက်ပြုတ်ရန် စီစဉ်ထားလိုက်သည်။
ရေခဲသေတ္တာဖွင့်လိုက်တော့ ပုစွန် ၊ အမဲသား နဲ့ ကြက်သား နဲ့ ကန်စွန်းရွက်တစ်ချို့ တွေ့လိုက်ရသည်။ အဲ့ဒါနဲ့အမိန့်လည်း အမဲသားကိုယူ၍ ရေပြောင်အောင်ဆေးလိုက်ပြီး ဟင်းတုံးလေးတွေကို အနေတော်တုံးပြီးတာနဲ့ အမဲသားဆီပြန်ချက်ရန် လိုအပ်တာတွေအကုန် ပြင်ဆင်ထားလိုက်သည်။
ကန်စွန်းရွက်ကိုလည်း သေချာသင်ပြီးတာနဲ့ USမှာဟင်းချက်သင်တုန်းကလို ကြော်လိုက်ရန်တွေးလိုက်မိသည်။ အမိန့်အတွက် ဟင်းချက်ရတာ ဘာမှမခက်ခဲပါ။ ဟင်းတွေချက်ဖို့ အဆင်သင့်ပြင်ဆင်ပြီးတာနဲ့ ရေဆေးစရာရှိတဲ့ပန်းကန်တွေကို ရေဆေးလိုက်သည်။ ဆန်ပြုတ်အိုးကိုလည်း ကြည့်ရသေးသည်။
အမိန့် ကန်စွန်းရွက်အရင် ကြော်လိုက်လေသည်။ ကန်စွန်းရွက်ကြော်ပြီးတာနဲ့ တိုက်ပန်းကန်ပြား အကြည်ရောင်လေးထဲသို့ စားချင်စဖွယ်ထည့်လိုက်လေသည်။ ကန်စွန်းရွက်ပြီးတော့ အမဲသားဆီပြန်ဟင်းချက်ရန် ပြင်ဆင်ရပြန်သည်။ အမဲသားကို ဒယ်အိုးထဲသို့ထည့်၍ ချက်နေချိန်တွင် ဆန်ပြုတ်အိုးကလည်း ကျက်နေပြီဖြစ်သည်။ အမိန့် အမဲသားအိုးကို ရေထည့်၍မီးအနည်းငယ် လျှော့လိုက်ပြီး မောင့်ကိုနှိုးရန် အိမ်ပေါ်သို့ တက်ခဲ့တော့သည်။
အမိန့် ကုတင်ပေါ်တွင် အပေါ်ပိုင်းဗလာဖြင့် အိပ်ပျော်နေသော မောင့်ကိုကြည့်၍ ပြုံးလိုက်မိသည်။ မောင့်ရဲ့ရင်ဘက်က ကြွက်သားတွေကို မြင်ရတိုင်းလည်း အမိန့်ရင်ခုန်မိသည်။ အမိန့် မောင့်ရင်ဘက်က ကြွက်သားတွေကို အသည်းယားတာနဲ့ ပါးစပ်ဖြင့်ကိုက်လိုက်လေသည်။ အမိန့်ကိုက်တာ 5စက္ကန့်လောက်ကြာတော့ မောင်ကနိုးလာလေသည်။
အာဏာ အိပ်ပျော်နေတုန်း ရင်ဘက်ကိုကိုက်ခံလိုက်ရတာကြောင့် မျက်လုံးဖွင့်ကြည့်လိုက်တော့ သူချစ်ရတဲ့ အမိန့်ဖြစ်နေသည်။
YOU ARE READING
𝑴𝒂𝒖𝒏𝒈'𝒔 𝑾𝒊𝒇𝒆 , (𝑵𝒐𝒓𝒎𝒂𝒍) {𝑪𝒐𝒎𝒑𝒍𝒆𝒕𝒆𝒅...}
Fantasyကျောင်းရဲ့အချေကိုယ်တော် Kingကြီး ရတုအာဏာ နဲ့ တက္ကသိုလ်ဆရာမလေး အမိန့်အာဏာ တို့ရဲ့ အချစ်ဇာတ်လမ်းလေးပါ။ Title : Maung's Wife Main Role : YaTu ArNar ၊ AMaint ArNar တကၠသိုလ္ဆရာမေလး အမိန႔္အာဏာ နဲ႔ ေက်ာင္းရဲ့အေခ်ကိုယ္ေတာ္ Kingႀကီး ရတုအာဏာ တို႔ရဲ့ အခ်စ္ဇာတ...
