My Childish Gay Boyfriend

𝖤 𝖯 𝖨 𝖫 𝖮 𝖦 𝖴 𝖤

{from the third person’s point of view}

Nakangiting hinahaplos ni Letisha ang singsing sa ring finger nya nang may biglang tumusok sa pisngi nya gamit ang daliri. Napatingin naman sya kay Zyron na umupo sa tabi nya.

“Why are you smiling?” natatawang tanong sa kanya ng fiancé na si Zyron.

“Masaya lang ako. Kasi..” pabitin ni Letisha, na siyang nagpataas sa kilay ni Zyron.

“Kasi?” tanong ni Zyron.

“Kasi I finally have a ring on this finger. Matagal ko ding sinuotan lang ‘to ng singsing na binili ko lang sa tindahan.” matatawang sabi ni Letisha, natawa din naman si Zyron.

“How about the one who gave it to you? Aren’t you happy that it’s me?” dagdag na tanong ni Zyron.

“Hindi naman ako choosy sa kung sinong magbibigay sa’kin ng singsing, kaya okay lang kahit sin—hala uy! Zyron? Hala saan ka pupunta?! Hoy!” napatayo na lamang si Letisha nang tuluyan ngang mag-walk out si Zyron. Napailing naman sya.

‘Nagtatampo pa din pala yung lalaking Zyron? Jk.’ sabi nya sa isip nya.

Ngunit lalo siyang nagulat nang bigla itong bumalik at ninakawan sya nang halik bago muling nag-walk out. Napatulala na lamang sya.

‘A-Anak ng!’ nasabi ulit ni Letisha sa kanyang isip.

---

{from Letisha’s point of view}

“Close your eyes, Ms. Letisha.” napasorry naman ako nang tapikin ako nung nagmamakeup sa’kin sa braso.

Ehh. Nacucurious lang kasi ako, kasi dati ako yung nagmamakeup, ngayon ako naman yung minemakeup-an. Baka mamaya—

Natigilan naman ako sa naisip bago wala sa sariling napangiti.

Ang sarap pala sa pakiramdam na ikasal.

Kaya naman pinikit ko nalang ang mga mata ko at walang ginawa kundi ang ngumiti.

Mukha mang baliw, pero masaya lang talaga ako. Sobrang saya.

Napadilat ako nang may kumalabit sa’kin pero agad akong pinagalitan nung nagmamakeup sakin kaya agad kong pinikit ulit ang aking mga mata.

”Manzie, ‘wag mo munang guluhin si Letisha d’yan.” Dinig kong saway ni Allisa kay Manz.

Panigurado, nakanguso na naman ‘yan.

Dinig ko pa ang bulungan nila pero hindi ko nalang sila pinansin dahil para talagang lumulutang ang isip ko. Para din akong inaantok.

Ano ba ‘yan! Sa lahat ng oras, bakit ngayon pa akong aantukin?
 
“Ms. Letisha, ‘wag matulog. Special day nyo ngayon.” paalala sa’kin nung makeup artist nang makita nyang medyo napapapikit na ako. Tumango nalang ako kahit na medyo inaantok na ako.

Kaya siguro pinag-bebeauty rest yung mga bride bago ikasal. Pero pa’no naman yung groom? May handsome rest din kaya sila? Jk. Ang corny mo, Letisha.

Muntik ulit matuloy yung tulog ko nang maramdaman ko ang pagdampi ng brush sa pisngi ko.

Nakakakiliti!

Dagdag pa sa antok ko yung classical piano piece na pinapatugtog nila.

Gusto ata nilang makatulog ako para sila ikasal kay Zyron eh! Jk.