... انا تِلكَ التي مُزِقت الى قِطعٍ صغيرة انا تِلكَ التي لم تستسلِم يوماً انا تِلكَ التي حققت ما تتمنى انا تِلك َ التي ارتهُم ان مع الإصرارِ النجاح انا تِلكَ التي وقَفت بكل ثِقةٍ انا تِلكَ التي صَمَدت و تَحدت الِصعاب دائماً ...
الحلقة 71 عند شيماء بعد ما خرج رئبال مع رماندا من عندهم راحت عاونت جداتها تطلع لشومبرتها ودارتلها دواها كي جات خارجة من عندها حبسها صوتها ...
الجدة: شيماء بنتي لواكتاه راح تبقاي هك زعفانة مني علبالك بلي قراري باه تزوجي بصفوان درتلو ألف حساب باه هدرتلكم عليه ... شيماء ( وعينيها مغرغرين بدموع) : مانيش زعفانة منك بصح راني مانحبوش خلاه نعتابرو خويا لا غير الجدة: لا هو موش خوك أنت عندك أخ واحد برك رئبال و صفوان ولد عمك وفي القريب راجلك ... شيماء: بعني أنت مصرة على قرارك؟! حتى لو على حساب قلبي و فرحتي؟! الجدة: هذا أحسن قرار أتاخذتو ليك ... باه ماتخميش ترجعي لهذاك الهامل تاع أسامة ... شيماء: واش دخل أسامة في حديثنا الجدة: حطيتيني ما فيباليش بلي مزالك تحبو وتموت على الأرض لي يمشي علاها؟! متأكدة كون يجي يحكي معاك زوج كلمات حلوين تروحي فاها وترجعيلو شيماء: لا مشي لدرجة هاذي صحيح نحبو أما زادة نكرهو وكرهي ليه أعضم من حبي ...
الجدة: لا باينة عليك تكرهيه أمنتك؛ الرجال طبعهم غدارين خاينين صدقيني لي خلاك مرة راح يخليك ألف مرة؛ لي ينجم يعيش بلا بيك نهار ينجم يعيش حياتو كاملة من غيرك؛ لي يحبك مايمشيش و يخليك هو دارلك عذر بالفقر أما الفقر عمرو لكان عيب الرزق بيد ربي سبحانو ... بنتي مانيش حاباتك تعاني في حياتك حاباتك تكوني هانية و صفوان الوحيد اللي ينجم يهنيني عليك شيماء: صحيحة هدرتك الكل أما مجاتش في بالك أنو ممكن صفوان تكون كاينة وحدة في قلبو وتكون هي زادة تحبو؛ ماخممتيش فاها كي نزوزو وأنا نحب غيرو وهو يحب غيري كيفاه راح نعيشو؟! راح نعيشو كي الخاوة؟! الجدة: لا صفوان متأكدة ما عندو حتى وحدة في حياتو لأنو بكل بساطة عانى يااااسر من الحب لدرجة أنو مزادش خمم يدخل في علاقة بعد ما خلاتو ماسيليا شيماء: ماكنتش علبالي بلي كان في علاقة معاها بصح متأكدة بلي خلاتو؟! ولا صرات حاجة أخرى؟! الجدة: علمي علمك بصح الشيء لي متأكدة منو أنو حتى هي كانت تحبو وكانت مستعدة تضحي بحياتها على جالو... بصح الدنيا عاكستهم صفوان تاني مجروح كيفك متأكدة راح تعالجو جراح بعضاكم ... شيماء: معرف أنا لازم نروح نتلاقاه ونفهم منو قصتو مع ماسيليا بعدها نقرر إذا نقبل نزوز بيه ولا لا الجدة: باهي عزيزتي روحي ربي يهنيكم انشالله نشوف ولادكم مع بعض شيماء: هههههههه هذا مجرد لقاء ديجا دعيتي للولاد حوجي الجدة: روحي روحي وألبسي مليح باه تعجبيه وماتنسايش ترطبي في صوتك معاه ماشي كي عادتك تحكي معاه كي صحيبو شيماء: ههههه ربي يسامحك هاني ماشية؛ أتهلاي في روحك عزيزتي
بعد ما خرجت من عند جدتها طاحت دمعة من عينها وتبعوها دموع ... بقات مدة تبكي بالشهقة على حياتها ومعيشتها وعلى حب حياتها لي راح مسحت دموعها وراحت لصالدوبان غسلت وجها ... و دارت ماكياج خفيف تخفي بيه ملامحها الحزينة و راحت لبستها حوايجها مبعد هزت تيليفونها عيطت لصفوان وحتى هو تقول كان يستنى فاها منين عيطت هز ...
جام + رأيكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
