🔱🔥#عنقاء_المهووس🔥🔱 🔱🔥#إنبثاق_من_الرماد🔥🔱 🔱🔥#الجزء_الثاني🔥🔱 🔱🔥#بقلمي✍🏼: #إنصاف🔥🔱 ... ثُم اعلم أنّ الحياة لن تقِف مكتوفة عند وجعك ، ولن يكترِث النّاس بمعمعَة الحُزن في صوتك ، إذا لم تمنح نفسك القُوة لن تجدها أمامك ...
الحلقة 116
بعد مرور أسبوع
دخلت الجدة عند شيماء تنوضها لقاتها قاعدة ودموع يسلو من عينيها قربت ليها قعدت قدامها جبدتها لحضنها ويدها تفوت فيها على شعرها بحنان ...
الجدة: علاش راكي تبكي تعذبي في عينيك الحلوين و قلبك
شيماء: عييت ماني حياتي كامل و أنا وحدي حتى اليوم وراني وحدي عرسي والديا ماشي معايا خويا يجري ورا همو وناسيني بقيت وحدي هىء هىء
الجدة: علاش تهدري هك أكبدي راني هنا معاك ولا ماتعتابرنيش عايلتك ...
شيماء: ماني راكي علبالك منيش نهدر عليك أصلا راني صابرة ومتحملة كلش غير على جالك عندي غير أنت فدنيا هاذي بعد ربي
الجدة: ياعمري على الغالية بنت الغالي اليوم كبرت وصارت عروس راح تزوج وتخليني وحدي أميرتي الوحيدة علبالك بلي نحبك كثر من رئبال و صفوان لأني نعتابرك بنتي ماشي حفيدتي من يوم ولدتي وأنا معاك أنا لي غسلتلك أنا لي لبستلك أنا لي دوشتك أنا لي وطلتك أنا لي قريتك أنا لي سهرت عليك كي مرضتي عوضتيني على خسارة ولادي … صح أنا لي قررت نزوجك بصفوان بصح صدقيني هذا أفضل قرار أتاخذتو في حياتي لأنو علبالي أنت راح تعوضي صفوان على واش عاش في حياتو وحتى هو لأنو لزوز عشتو نفس الشعور تعذبتو من الحب وتعذبتو من عايلتكم ماتخميش بلي حبيت نفرض عليك رايي ولا نبعدك عليا صدقيني لأني نحبك ونخاف عليك خيرتلك الأفضل وراح يجي نهار تجي تشكريني لأنو زوجتك بيه وهذا النهار قريب بإذن الله ربي يهنيكم وخليكم لبعضاكم ويرزقكم الذرية الصالحة يارب ...
بعدت شيماء من حضنها شوي وعينيها مغرغرين بدموع باستها على جبينها ورجعت حضنتها بكل قوتها..
شيماء: علبالي ياماني علبالي قراراتك عمرهم لكان فيهم شر علبالي تحبيلي الخير وتحبي تشوفيني فرحانة أما فوق طاقتي يا ماني قلبي ماينجمش يزيد يحب من بعدو قلبي مات وصعيب يرجع للحياة
حطت الجدة يدها على قلب شيماء و هدرت: باه تنجمي ترجعي قلبك للحياة يلزمك تنسايه خؤجيه من حياتك كي خؤجك هو من سنين علبالي مزلتي محتافظة بذكرياتك معاه أحرقيهم وأمحيهم من عندك ورح يخف الوجع لي في قلبك وكل ماتحرقي حاجة أدعي ربي يخرجو من قلبط كيما خرج من حياتك هاه واش قلتي هيا نجربوها وانا معاك
حركت شيماء راسها وجابت تيليفونها وبدات تحمي في كل صورة وفيديو جمعوها مع أسامة حتى المحادثات لي طانو بيناهم من سنين وكانت مخليتهم حذفتهم ... بعدها ناضت هبطت للكوزينة جابت بريكة ورجعت طلعت فتحت خزانتها جبدت صنظوق فيه الهدايا لي كان يجيبلها وشوي صور حطاتو في لابوبال حشاكم وفرغت فوقو الريحة وشعلاتو ...
بعد ما تحرق كلش وصار رماد رسمت إبتسامة على وجها ودارت عند جداتها
شيماء: والله عندك الحق ريحت
الجدة: و أخيررااا شفتك ضحكتك ياروحي هيا أزربي أدخلي ديري دوش وانا نوجدلك فطورك حتى توصل الحجامة
