🔱🔥#عنقاء_المهووس🔥🔱
🔱🔥#إنبثاق_من_الرماد🔥🔱
🔱🔥#الجزء_الثاني🔥🔱
🔱🔥#بقلمي✍🏼: #إنصاف🔥🔱
...
روحي تفيض حزناً ، نفسي تطفح دموعاً ، و النحيب الذيِ
أكتمهُ فيِ صدريِ يخنقنيِ خنقاً ، وداعاً ، رباه! ما أقسى إلفراق !
...
الحلقة 102
نرجعو لعنابة جوهرة الشرق ❤
فاقت من نومها على صوت تيليفون رفداتو وعين مغمضة و عين محلولة …
شيماء: اممممم شكون معايا
صفوان: ماتقوليليش مازلتي راقدة للدوك علبالك شحال راها الساعة اي 12:20 هياااا ازربي نوضي راني لتحت نستنى فيك
شيماء: الناس تقول صباح الخير وشراكي ماشي مازلتي راقدةةةة هفففف واكت تتبدل صوفي
صفوان: صباح الخير وشىاكي لباس الحمدلله انا لباس بخير هيا نوضي البسي لا نطلع ليك تشوفي
شيماء: هفففف سامط هاني نايضة تشاو ...
ناضت شيماء دخلت لصالدوبان دارت روتينها الصباحي وخرجت لبست روبة توصل لفوق الركبة في الأحمر الدموي طلقات شعرها دارت ريسيل وغوجالافغ احمر ورشت بارفانها zara لبست سندالتها وهزت تيليفونها وصاكها وهبطت ... لقات جداتها قاعدة مع صفوان يشربو في القهوة راحت باست جداتها وصبحت عليها وراحت صافحت صفوان وقعدت قدامو...
الجدة: ماكش راح تتبدلي خلاه قريب عرسك ومزلتي فنيانة
شيماء: ماااني منيش فنيانة ليوم راحة من خدمتي منضتش بكري برك كون جيت فنيانة منيش نخدم كون راني كل يوم مقابلاتك
الجدة: ايهيييه فاقو ياك خدمتك مانجي نوضك ليها بسيف
شيماء: يعني انت حابة تبهدليني قدام حفيدك هذا برك
الجدة: ايه باه مايتخدعش فيك ... دارت شافت مع صفوان وهدرت شوف كيما هي حفيدتي انت تاني حفيدي ننصحك لوجه الله هاذي طفلة لي قدامك قادر تنوضها وهي ماشي شبعانة نوم تضربك عادي جدااا وماشي غير هك اصبر نزيدلك خرايبها ماتعرفش طيب و ماتعرفش تنقي الدوارة وماتعرفش دير بوزلوف وتعاف اللحم وخلي خلي هاني قتلك من دوك باه ماشي كي تتزوجها تقول ماني خدعتني ...
صفوان: هههههه ماني وعلاش راكي تقوليلي دوك تحوسيني نهرب نهار العرس ونخليها؟!
هزت الجدة عكازها وتخبطو بيه للكتاف ...
الجدة: ايييييواااا اسمع اسمع تحوسني نكسرلك راسك بعكازتي كيفاه هاذي تهرب وتخليها .... دارت بصباعها على شكل مقص
نحكمك نعاودلك الطهارة كون ديرها ...
شيماء لمتها لمتها وماقدرتش طاحت في الأرض وحاكمة في كرشها وتضحك بالصوت ...
شيماء: ايماااااا قتل/تيني ههههههههههه تحوس تقلبك سنبل أغا ههههههههههه
كي شافها صفوان تضحك هكاك تاه فيها ... بلا ما يحس لروحو هز يدو وحطها على خدها ... الشيء لي خلاها تحبس الضحكة … بقاو مدة تايهين في بعضاهم ... حتى فيقهم من شرودهم صوت أسامة لي دخل مع ميرهان جايين يزورو ألين ...
حمحمت شيماء وزربت وقفت وجها أحمر ناض وراها صفوان
شيماء: ماني حنا لازم نروحو دوك ياك علبالك نخير لاغوب بلونش و الخواتم ونحجزو القاعة تاع العرس ...
صفوان: ايه وماتسناوناش للعشاء راح نتعشاو برا
الجدة: باهي يا ولادي روحو واتهلاو في بعضاكم قدمت لصفوان حكماتو من وذنو ... وأسمع انت يا الهامل ماديرش الأحم أحم معاها راني نعرفك مدود كيف جدك دوك قدامي وشفت تسلسل فما بالك برا ووحدكم والشيطان ثالثكم ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
🔱🔥عنقاء_المهووس🔥🔱
القصة القصيرةڪن طائࢪا من ناࢪ حلق عاليا في السماء 🕊🔥 لا تخف من الإحتࢪاق فمن الࢪماد تولد العنقاء 🕊🔥
