🔱🔥🔱#عنقاء_المهووس🔱🔥🔱 🔱🔥بقلمي✍:#إنصاف🔥🔱 🔱🔥🔥#رماد_العنقاء🔥🔥🔱 ... القتل إغراءاً لا يعتبر عنفاً.. لأنه جريمة غير معلنة تحبب للضحية موتها
أحلام مستغانمي ...
الحلقة 62
نرجعو عند ماسيليا بعد ما وصلت للفيلا تاعها (في الصورة) طلعت لشومبرتها نحات حوايجها وطيشتهم في الأرض ودخلت لدوش طلقت عليها ماء سخون وقعدت تحتو تخمم في الماضي تيعها فيقها من سهوتها ... صوت الرصاص أفأفت بفدة و خرجت من الدوش بعد ما لفت عليها منشفة
و بقات محافظة على هدوؤها وراحت لغرفة الملابس لبست على أقل من مهلها بعد ما دهنت لوشن لي بريحة شوكولا على جسمها ... كي خلصت خرجت و هبطت لمستودع الأسلحة ربطة حزام في فخذها فيه ثلاث سكينات كل سكينة أحد من الأخرى ... ونفس الشيء دارتو في فخذها الأخر لكن حطت سلاح (في الصورة التحت) مبعد هزت بندقية القنص تيعها وطلعت لسطح وبدات تيري على ليقارد لي يهاجمو فيها طيحتهم كي الذبان... ولكن عددهم ڨاعد غير يزيد شمتها قارصة وعرفت بلي ماتقدرش عليهم وحدها بعد ما شافت كل حراسها طايحين جثث هامدة ...
هبطت من السطح تجري عاودت رجعت لمخزن الأسلحة وهزت زوج رشاشات مع الرصاص تاعهم وخرجت من الباب الخلفي للفيلا بقات تجري ودور موراها كشما تلقى لي لاحقينها كي مالقات حتى حركة مشبوهة ... دخلت لوسط الغابة وبقات تجري حتى حست روحها هدت قعدت تحت شجرة تتنفس بالجهد هزت تيليفونها لقات الإشارة ناقصة ولات تسب بالمقلب و ناضت بقات تمشي تحاول تلتقط الإشارة حتى صونا تيليفونها في يدها زربت نقصتلو ورفدت ماسيليا (تهدر بالإيطالية): ألو رئبال هاجموني في داري رئبال: شكون هذا لي ستغني على روحو ودارها وقدم لحاجة تخصني ماسيليا: ماشي عارفة بصح شاكة في إبليس إيطاليا لأني بعثتلو رأس مساعدو الشخصي رئبال: شنواااااااا واش بيه ر... علبالك فاه دخلتي روحك ولا نن ؟! المهم انت دوك وين راكي نبعثلك رجالي يديوك ماسيليا: راني وسط الغابة #### اتخباي حتى يوصلو وبعد أسبوع نرجع انا خليتك شهرين ن*تي الحالة ... بعد ما غلق رئبال تنهدت تنهيدة طويلة و مبعد دارت خلفها بعد ما سمعت صوت تعرفو مليح صوت إبليس يعوي فرحت بزااااف وبقات تمشي تحوس عليه حتى لقاتو جاي يجري عندها بعد ما حوس عليها بمن ريحتها هبطت على ركايبها وفتحت يديها راح ليها يدحنس عليها الذئب هذا فكرها في ماضيها البشع مبعد جا في بالها تساؤول زعما كي إبليس جا يكون رفاييل سيمون تاني جا معاها مجرد الفكرة هاذي خلات عينيها يحمارو وفكها يتزير و للأسف توقعاتها في محلهم كي طلعت راسها شافتو هبط من طومو تاعو ومزال هو هو فقط خدم عظلاتو وزاد هيبة وموراه بزااف حراس الشيء لي خلى علامات الإستفهام تشطح فوق رأسها بعد ما وصل رفاييل عند ماسيليا راح إبليس يدحنش عليه ويعوي بصوت خافت ... وقفت ماسيليا وبقات تبادلو في نظرات كون جاو رصاص كون راهو جثة هامدة حتى هو ما يختالفش عليها رغم أنو أندهش فيها كيفاه ولات و قاعد يتسائل واش وصلها هنا كسر هذا السكوت صوت الرصاص لي جاي من بعيد ... يتبع جام +رأيكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الفيلا تاع ماسيليا 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مستودع الأسلحة 👇🏻👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهاذي صورة تاع السكاكين لي ربطتهم في فخذها 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
