تنهَّدت ثمَّ قالتْ : لعلّه ابتلاءٌ من الله ليرى ما في قلبي من صَبر ، فإذا رضيت ، رضيَ عنّي ،وقَد رضيت يا الله 💙 الحلقة 44
بعد ما خلص ميران خدمتو راح لدار ... طبطب فتحتلو مينيار كي العادة والضحكة مزينة وجها .. مينيار : حبيبي توحشتك ميران : حتى أنا لحبيبة تاعي توحشتك ياااسر
مينيار : أتفضل حبيبي راني وجدتلك الدوش كي العادة ميران : عيشك عزيزتي ربي يخليك ليا... راح ميران لدوش ... نحى حوايجو ودخل تحت المرش بعد ما طلق ماء دافئ جات بين عينيه صورة رماندا بقى ساهي يخمم في حكايتها غاضتو ياااسر رغم انو عندها عائلة إلا أنها راهي تعاني وهو عاش بلا عائلة وعانى نفض راسو من التخمام وكمل دوش وخرج لاف منشفة على وسطو كيما دخل لشومبرة لقاها مزينة الشموع وورد أحمر بالونات في كل بلاصة وطابلة محطوطة على جنب فيها العشاء وشموع بدات الفرحة تترسم على وجهو حس بيدين صغار حاوطوه من الخلف عرفها مينيار من ريحتها لي دخلت لخشمو .. حطت راسها على ضهرو العريان وهدرت ...
مينيار : حبيبي عندي ليك مفاجئة روح ألبس حوايجك لا تمرض وأرواح .. جبدها ميران من يدها قلبها قدامو وباسها على جبهتها وهمسلها لبسيلي انت حبي حركتلو راسها وداتو لغرفة تبديل جبدتلو شورت وهزت منشفة نشفتلو بيها صدرو وهي وجها أحمر من الحشمة رغم أنها متعودة عليه عريان إلا انو بقات تحشم .. كملت نشفتلو صدرو وهبطت المنشفة على وسطو وهي راح تطرطق من الحشمة وهو يضحك عليها ... ميران : كشغول جامي شفتيه 🤣🤣 معرف شكون لي تضل تحوس عليه يحو**ا اه ميران اح ميران 🤣🤣 مينيار : ميراااااااان يزي عيشك حشمتني .. طرطق بالضحك عليها كملت لبستلو وجراتو وراها قعداتو على السرير وكملت نشفتلو شعرو وراحو تعشاو في جو رومانسي مع بسالت ميران لي ماتخلصش 🙈🔞 كملو عشاهم وناضت مينيار راحت لدوش لبست نويزات غوج مع دوبياس في النوار المعري كثر من المغطي وخرجت عندو تمشي وتتزعبل راحت قعدت في حجرو وغمضتلو عينيه .. قاتلو يبقى مغمض عينيه وهو مجاريها حاب يعرف وين حابة توصل وشنوا هي المفاجئة .. دخلت بعد مدة هازة كيكة على شكل قلب نص زرق ونص وردي مكتوب عليها hi papa قاتلو يفتح عينيه .. غير فتح عينيه وشاف الكيكة تفتحو عينيه على لخر وضهرت على وجهو علامات الفرحة مع دهشة ميران : حبيبتي صح واش فهمت انت انت ح..ا..م...ل مينيار : ههههه ايه انا حبلة حبيبي ... ناض ميران هزها ويددور بيها فرحان بصغرونتو لي راح جيبلو قطعة أخرى منو و منها هبطها وهجم عليها يبوس فاها من قبلات فرنسية ساخنة حتى ولات حرب سريرية 🔞🙈😅 بعد مدة ناضت مينيار دخلت تدوش بعد ما خلصو ماتشاتهم بقات تحت المرش حتى تشوف في الماء لي هابط منها مخلط بالدم ما فهمت والوا بقات تشوف في جسمها تحوس على كشما جرح بصح مالقات والوا حطت يديها بين فخاذها وهي تلقى جنين صغير بين يديها كامل مكمول بيض كي الحليب وفيه عريقات زورق وعندو يديوات صغار ورجلين تقريبا ما شي راح يبانو ونقطات صغار تاع العينين قدو قد صبعها تاع يدها بالطول بقات متشوكيا تشوف فيه بين يديها ... وتشوف في يدها معمرة دم بدات تترعد لا مستحيل تخسر ولدها حست الدنيا دور بيها يعني صح دنيا ضالمتها لدرجة هاذي تخسر ولدها قبل ما تهزو قبل ماتشم ريحتو هو كان لازم يخرج بصح حتى يكمل تسع اشهر في كرشها كانت راح تكون اول وحدة تشوفو اول وحدة تحكم يدو هي دوك حست بأسوء شعور في العالم فقدت كبدتها صح هي دوك فقدت أملها في الحياة معاه كانت راح تقاوم غير علجالو رغم الصعوبات لي واجتها كانت راح تكون افضل ام بنسبة ليه ... كون جات تقدر راهي رجعاتو لبلاصتو بصح للاسف خسراتو ...بقات دقائق ساكتة تحاول تستوعب واش صرا حتى يتسمع صرخة تلخص كمية الوجع و الحزن لي تحس بيها صرخة خلات الحيوط يبكو معاها صرخة تعبر على الإنكسار لي في داخلها .... كان ميران قاعد حتى يسمع صوتها دخل عندها تخلع من منضرها ... جام + رأيكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
