🔱🔥🔱#عنقاء_المهووس🔱🔥🔱 🔱🔥#رماد_العنقاء🔥🔱 🔱🔥🔥بقلمي✍:#إنصاف🔥🔥🔱 ... لن تموت اذا خسرت من تحب لكنك ستعيش كالميت إن خسرت كرامتك ... ...
الحلقة 65 نرجعو عند مكروهة الجماهير لافين ( ملاحظة: هاذي راهي بعد مرور شهر تاني يعني تسريع الاحداث و كيما درت رماندا و رئبال تزوجو درت بعد مرور شهر كذلك الشخصيات الأخرين وفي الاحداث الجاية تعرفو علاه ولات لافين ساكنة مع آريان )
كانت قاعدة في طوالات (حشاكم) تاع ليسي و قدامها إختبار تاع الحمل ... وهي متوترة يااااسر ضفارها كلاتهم تستنى في النتيجة على أحر من الجمر ... بعد مدة خرجت النتيجة إيجابية ... وطاحو معاها دموع مخطين فرحة مع حزن مع خوف ... لافين: يعني و أخيراا راح نصير أم هىء هىء هىء قطعة من الإنسان لي نعشق فيه تكبر داخلي ... مبعد تغيرت ملامحها لخوف ... و كون يرفضو واش راح يثرا فيا وفيه يا ربي علاه ماخممتش فيها لالا مستحيييييل آريان يدير فيا الشيء هذا لا لا لااااااااااااااا آريان يحبني هيه يحبني وحطت يدها على كرشها ... حبيب الماما انت منيش راح نخليك تعيش كيما عشت انا راح نحبك ياااااسر نفديك بحياتي بلا ما نخمم حتى باباك متأكدة راح يحبك ... واش رأيك نروحو نعملولو مفاجأة أكيد را يفرج بخبر جيتك يا روحي .... غسلت لافين وجها من الدموع وعاودت دارت غيسيل خفيف مع غوجالافغ لشفايفها دارت شهيق وزفير ومبعد خرجت والضحكة باينة من وجها ... وهي خارجة تلاقات مع صحابات رماندا راحت تجري ليهم ...
لافين: اي خووولة اصبري نسقسيك خولة: وي تفضلي لافين: يزيد فضلك؛ حبيت نسقسيك على رماندا برك عندي مدة ماشفتهاش ماهيش جي تقرا؟! خولة: عندها تقريبا شهر مجاتش ياك انت صحبتها كنت نشوفكم ديما مع بعضاكم معلبالكش واينهي؟! لافين: نقولك حاجة وتبقى بيناتنا خولة: هيه قولي لافين: سمعت بلي رماندا بلكرش على هاذي ماهيش تجي حتى انو كي نروح عندها لدار ما تقابلنيش خولة: ماتقوليليش دارتها مع الاستاذ آريان؟!!!! لافين: لا الاستاذ حشاه هي اي ع. ا. ه. ر. ة من واحد لواحد معرف تقدر تعرف شكون أب ولدها ولا نن بففففف تهنينا منها نصيحة كي ترجع تقرى أجبدي عليها و ووصي صحباتك لخرين خولة: اكييد مزية قلتيلي كنت حاسبتها متربية نسيت بلي بغض الظن إثم يا حوجي ربي يبعدها علينا لافين: آمين هيا سلام انا نروح طولت على الدار خولة: بسلامة مشات لافين و إبتسامة شيطانية مرسومة على وجها لافين: ودوك نشوفو يا رماندا اذا راح تتهناي ولا نن مانيش لافين كون ماندمركش دارت وراها لقات خولة مدورة بيها لبنات وتشايخ ... عرفتها بلي راح توصللهم الحكاية سخونة وأكيد هي ماهيش غبية باه تحكي لوحدة كتومة خيرت وحدة إختصاصها النميمة و التنمر (لافين هاذي راني نخمم نطلق عليها ذئبي إبليس يمرمدها هفففففف واش نكرها) خرجت لافين من لليسي و في طريق فاتت لمحل مختص في صنع ليطارت كموندات طاغت بذوقين ذوق الفراولة و ذوق الشوينڨوم ... و خيرتها على شكل قلب نصف أزرق و نصف وردي و مكتوب عليها hi daddy وهي ميتة بسعادة ... بعد راحت لمحل ملابس الداخلية شرات نويزات بلون الأحمر الدموي مع دوبياس في نواغ ... زادت راحت خيرت ديكور حفلة وراحت لدار آريان ...
بعدما وصلت فتحت الباب أكيد عندها المفتاح تاعو وهي عايشة معاه دخلت حطت كلش فوق رخامة و راحت تبحث فلفليجيدار على مكونتها لي تحتاجهم للعشاء رومنسي (سلطة مشوية ، كوتلات ،سوب ، ديسار ) .....وجدت كلش و طفات و راحت للصالون مسحت للغبار و كملت باقي البيت .....بعدها سيقت و بهات كلش حتى شومبرتها هي و آريان بهاتها وبدلت فراشها و عملت ورورد و جبدت نويزات حطتها فوق لفوتاي كانت شراتها و ووجدت معاها لي كرام تع بعد دوش .... و دخلت عملت دوش تحسبها عروسة.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
