🔱🔥🔱#عنقاء_المهووس🔱🔥🔱 🔱🔥#رماد_العنقاء🔥🔱 🔱🔥🔥بقلمي✍:#إنصاف🔥🔥🔱 ... _كأنني أعيش الماضي القريب من غيبوبتي بعد لم استفيق ....كلما استسلمت جراح عمري الطري لبارئها اتت جحافل اخرى تجتاح صندوق البكاء القديم المغلق ...اود ان اؤجل لغد بعض اوجاعي ...اؤجل بعض آلامي ...لن اغرق من جديد في بحر الذل ...روحي لا تسدد إحتقارهم دفعة واحدة في وجهي ...وخاصة اقرب الأشخاص ...يقولون لا تمرغي شرفنا أكثر في الاوحال ...
الحلقة41 ... كان قاعد يكونيكتي حتى طلع راسو ببرود بعد ماحس بواحد قعد قدامو ... حتى شاف نفس الطفلة لي خبطت فيه قلب عينيه بملل وإستهزاء ... هي ماداتهاش فيه خلاه قعدت في بلاصتها غمضت عينيها بتعب تخمم كيفاه راح تفوت أيامها في عنابة... راح يفوت كولش نورمال !! أم ... بقات تخمم تخمم حتى رقدت بلا ماتحس لأنو هي البارح مارقدتش من التخمام والخوف ... ... كان يتصف في تيليفونو ببرود حتى طلع عينيه طاحو على الطفلة لي قدامو راقدة بهدوء ... وملامحها باينة عليهم الحزن والتعب ... بقى تايه فيها وفي زينها ملامحها جذابة بريئة خصلات شعرها المموجة بلون شوكولا ... شافها لي يبانو كي حبات الكرز ... هدر بلى وعي "تهووووووبل" إنتابه لروحو واش قال رجعت ضهرت عليه ملامح البرود وكمل يكونيكتي ... فاتو زوج سوايع وهي راقدة ما جايبة خبر .. نطقت مضيفة الطيارة ... الطائرة على وشك النزول الأن في المطار الدولي محمد بو ضياف ... الرجاء على الجميع وضع حزام الأمان ... فاتو دقايق وهاهم دوك وصلو لعنابة جوهرة الشرق ماعرف واش مخبيتلهم .. راحت قدس تنوض هاجر ... قدس : هاجر هجورة نوضي رانا وصلنا... فتحت عينيها بشوي وحركتلها راسها باه تروح وعاودت غمضت عينيها خطرة خلاف تحوس ترقد قدس : والله ما نروح حتى تنوضي قداااااي هيااا ازربي هاجر : أوووووووف خلاص بركاي النداب هاني نضت ضحك عليها كتلة البرود لي قاعد قدامها لأنو تصرفاتها طفولية ياااسر ... فاق مع روحو ورجعو ملامح البرود أحتلو وجهو ... ............ إلياس : وأخيررررااااااا وصلنا ورجعت لبلادي زينة توحشتها شافو معاه البنات وقلبو عينيهم منو ... صونا تيليفون هاجر ردت بعد ما شافت إسم باباها أحمد هاجر : ألووو باباتي توحشتك ياااسر أحمد : حتى أنا حبيبة باباها وصلتو بخير ؟! هاجر : وي عزيزي هذوين وصلنا دوك شوي نكونو عندك توحشت ماما و رماندا وديهيا و أشواق علبالهم بلي راني جاية ؟! أحمد : لالا خليتهالهم سوربيز هههه راني فطريق أستنايني ثم خمس دقائق نكون عندكم بعد خمس دقائق وصل أحمد شافتو هاجر راحت تجري عندو حضناتو بادلها هو تاني الحضن بقاو مدة هكذاك حتى هدر أحمد 6 سنين أبنتي مارجعتيش لدرجة هذي هنا عليك ؟! هاجر وعينيها مدمعين : لالا ماتهونوش عليا بصح علبالك أمنيتي نكون طبيبة وراني حققتها ورجعتلكم مانزيدش نروح خلاه مسحلها أحمد عينيها وباسها على راسها عرفاتو على صحبتها قدس و إلياس وراحو ديراكسيون لدار أحمد ... ....... في بلاصة خلاف بضبط في السبيطار لي فيه جدات رئبال دخل صفوان مصطفاوي بكل هيبة البنات كامل يشوفو معاه عندو واحد الحضور طاغي راح سقسى على جداتو وين وطلع عندها شاف شيماء قاعدة قدام باب الغرفة ومعاها راجل معرفوش عيطلها بإسمها منين شافتو راحت تجري عندو سوطات عليه كي القردة محضناتو ماشي مصدقة بلي ولد عمها رجع بقات مدة محضناتو حتى هو مزيرها ليه بقوة ماشي منتابهين لأسامة لي شوي ويهجم عليهم ... جبدت عليه شيماء : صفوان واكت وصلت ؟! صفوان : هذا وين برك من المطار جيت طول هنا الغالية في سبيطار موحال مانجيش عندها شاف من و من وينو رئبال ؟؟؟ شيماء : راهو لداخل عند الجدة هيا ندخلو عندهم جبداتو من يدو ودخلو عند جداتهم بقى أسامة برا عينيه حومر من العصب كون يحكمها دوك يحرقها حية كيفاه تسمح لراجل غيرو يحضنها هكذا ... ( شح فيك 😎😏)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
