🔱🔥🔱#عنقاء_المهووس🔱🔥🔱 🔱🔥#رماد_العنقاء🔥🔱 🔱🔥🔥بقلمي✍:#إنصاف🔥🔥🔱 ... وما حبك إلا رصاصة طائشة أصابت قلبي ... إخراجها مميت و بقائها مميت وفي الحالتين أموت … ومرحبا بي الأن في مقبرة الأموات بسبب الحب … ...
الحلقة 88
بعد ما وصل ميران لسبيطار لي فيه إلين راح سقسى عليها في الإستقبال وعرف بلي مزال ما دخلتش للعملية … طلع عندها شاف دكتور خارج من العناية المركزة راح يجري ليه
ميران: دوكتور دقيقة من وقتك دكتور: نعم تفضل ميران: حبيت نسقسيك برك على البنت لي كنت راح ديرلها إجهاض واش صرا في حالتها دكتور: قدرنا نتواصلو مع وحدة من أقاربها وراهي جاية ... ميران: باهي تقدر تقولي واش الأعراض الجانبية لي تصرالها بعد العملية؟! وشنوا صرالها بسبب الحادث؟!
دكتور: كاين إحتمال 50٪ ماتزيدش تحمل و أيضا إذا كانت متعلقة بأولادها ممكن تدخل في صدمة نفسية هاذو إحتمالات برك أما بسبب الحادث راح نستناو تفطن ونشوفو حالتها لحد الأن عندها كسر على مستوى اليد اليمنى وكسر على مستوى قدمها اليسرى …
ميران وعلامات الحزن على وجهو: إن شاءلله يكونو مجرد إحتمالات وما يصراولاهاش صح وقتها مشني راح نسامح روحي لو مادخلتش فاها أنا كانت راح تكون بخير وماخسرتش أولادها … أنا مجرب ونعرف شنوا هو شعور تفقد طرف منك
دكتور حط يدو على كتف ميران: ماتجهلش يا وليدي كلش مكتوب ربي ممكن فاها خير " وإن بعد العسر يسرا " لازم شخص يوقف معاها وراح تكون بخير بإذن الله تعالى …
في هاذي الأثناء وصلت ميرهان مع أسامة جات تجري عند دكتور وعينيها مغرغرين بدموع
ميرهان: دكتور عيشك طمني علاها هي بخير راح تعيش صح؟! دكتور: هدي روحك مادموزال … المدام لحد الأن بخير بصح مانضمنلكش تكون بخير لمدة طويلة هي كانت حامل بثلاث توأم حملها عمرو شهر ونص ولكن بسبب الحادث أجهظت جنين وبقاو زوز لازم تدخل للعملية دوك لأنهم خطر على حياتها … لازم توقعيلي على هاذو الأوراق باه نبدى في الإجراءات لازمة …
دكتور: يعني ماكش راح توقعي؟! ميرهان وهي تبكي: مانجمش أنا لي شفتها كيفاه كانت فرحانة بحملها هىء هىء باباهم مزال ماعرفش بيهم كيفاه نوقع على موتهم … ودارت لأسامة حظناتو وتبكي بالصوت حاوطها هو تاني بيدو وكمل يهدر مع دكتور
أسامة: مكانش حل آخر؟! دكتور: راح نستناها تفيق من تخدير ونشوف قرارها هي إذا حبت تأجهضهم أو تخليهم وإن شاءلله تقبل تأجهضهم لأنو إذا بقاو 99٪ تفقد حياتها عند الولادة …
بعد ماكمل دكتور هدرتو راح وخلاهم ميران حط يديه على راسو وقعد في الأرض تأنيب الضمير ينهش فيه من لداخل أما أسامة ماتبعدش حالتو على ميران حاط لوم على روحو لأنو لو حكم في روحو وماخبرهاش بزواج رئبال مكانتش خرجت هكاك تبكي …
فاتت ساعة وزوز وثلاثة ومزالو على نفس الحالة ميرهان حاطة راسها على أسامة وعينيها منفوخين من كثرة ما بكات أسامة ساهي يخمم إذا يعيط لرئبال يقولو ولا لالا …
ميران مقابلهم من بعيد هاز صورة مينيار ويشوف فاها وعينيه متحجرين بدموع …
كسر هذا الهدوء الدكتور والممرضات كي جاو يجريو دخلو عند إلين كي شافهم ميران وقف بزربة راح لحقهم أم منعوه باه يدخل بقى واقف يشوف فاهم ما فاهم والوا حتى من أسامة و ميرهان وقفو تاني بقاو رايحين جايين متوترين يستناو في الدكتور يخرج يطمنهم ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
