🔱#عنقاء_المهووس🔱🔥
بقلمي🖊:#إنصاف❤
🕊🔥#إحتراق_العنقاء🔥🕊
...
تائهة جداً ، لم أعد أفرّق بين من يضيء لي الطريق و من يسعى ل حَرقِي ! 🖤
...
الحلقة:19
بعد ما وصلو لليسي كل وحدة فيهم دخلت لكلاصتها ... قعدت رمندا في طابلة الأخيرة وحدها ... حطت راسها بين يديها وبدات تتفكر في أول نهار تبدل معاها باباها ...
فلاش باك
كانت رمندا تقرى في السنة ثالثة متوسط بعد ما خلصت القراية على 12 دخلت لدار سلمت على باباها ويماها وراحت غسلت يديها ورجعت تتغدى معاهم ... تغداو ويشايخو ويضحكو حتى وصل الوقت باه ترجع تقرى سلمت عليهم وراحت عند لافين باه يروحو مع بعضاهم ... وهوما فطريق ديرونجاهم واحد وحكم رمندا من يدها ... وكاين واحد العبد خبيث كي شاف لقطة هاذي انتاهز الفرصة وصورهم وبعثها لأب رمندا ... بعد مارمندا جبدت يدها من عند شخص لي ديرونجاها كملت طريقها مع لافين كل وحدة دخلت تقرى ... على 4:30 خرجو من السيام طريق كامل يشايخو ويضحكو حتى وصلو لحومتهم كل وحدة راحت لدارهم ...
عند رماندا منين دخلت لدار لقات ... يماها وباباها يستناو فيها نحات كرطابلها وراحت حا تسلم على باباها حتى جاها كف طيحها في لرض من قوتو حست فمها تكسر ... وبعدها طاح يضرب فيها بلا حتى كلمة وكانت هاذي أول مرة رمندا يضربها باباها بلا سبة 😔💔 ... ماطلقهاش حتى زرقها وكسرلها يدها راح دخل لشومبرتها جبد حوايجها تاع القراية وحرقهم 🔥 ... وهي تبكي ماعلبالهاش بالسبة حتى دارلها هكدا بقات تبكي وتشوف في كرارسها لي يتحرقو حتى ولاو رماد ... مبعد جبدها من الشعر وكركرها حتى لشومبرتها دخلها وسكر عليها الباب سمانة وهي في شومبرتها ماتخرجش ... غير جيبلها يماها الماكلة وتخرج ماتهدرش معاها ... في سمانة هاذي باباها قعد يسقسي عليها صدفة عرف بلي هذاك لي حكملها يدها ماشي صاحبها ديرونجاها برك ... راح لدار وحكى ليماها مبعد دخلو عندها بقات غير ساكتة وتشوف فيهم ... حكالها باباها واش صرا وبقات ساكتة غير تشوف ... راح شرالها أدوات وكتب وكراريس ... وبقات ساكتة برك ... بقات 15 يوم على نفس الحالة حتى داوها لطبيب نفسي وعرفو بلي صراتلها صدمة نفسية كي شافت أدواتها يتحرقو ... وهي كانت متعلقة بزاف بقرايتها تعالجت بصح تبدلت من النهار هذاك ليومنا هذا مابقاتش رمندا المتفائلة قليل وين تضحك اعتازلت الناس حتى من يماها وتبدلت معاها ...
فلاش آند
مسحت دموعها كي قعدت قدامها الأستاذة شيماء حضنتها ...
أنت تقرأ
🔱🔥عنقاء_المهووس🔥🔱
القصة القصيرةڪن طائࢪا من ناࢪ حلق عاليا في السماء 🕊🔥 لا تخف من الإحتࢪاق فمن الࢪماد تولد العنقاء 🕊🔥
