🔱🔥🔱#عنقاء_المهووس🔱🔥🔱 🔱🔥#رماد_العنقاء🔥🔱 🔱🔥🔥بقلمي✍:#إنصاف🔥🔥🔱 ... كوني على ثقة أن من يريدك لا الإتصالات، لا المسافات والمدن ولا العادات والتقاليد قادرة على إبعادك عنه هذا الأمر يحصل بأمر منه مع سابق إصرار وتصميم ...
الحلقة 79 في عنابة جوهرة الشرق بالتحديد في مطار محمد بوضياف هابطين لزوز من الطيارة كل واحدة شادة في يدها فاليزنتها .... ميرهان: إلين راكي متأكدة من واش راح ديري راح تخبريه بحملك؟! ماكش خايفة يقزلك أجهضيه؟! إلين: إيه من حقو يعرفو كان لازم نخبرو من نهار لي عرفت فيه بعد كيما هو ولدي تاني ولدو مانضنش رئبال قلبو حجرة لدرجة هاذي باه يقتل وليدو ... حطت يدها على كرشها متأكدة بلي هو راح يجمعنا ماشي راح يقبل وليدو يعيش على والديه كيما عاش هو ... ميرهان: معرف كيما تحبي أنا قتلك إحتمالي برك وأكيد أنا ماشي قصدي تخبي عليه ولدو لكن على الأقل حتى تولدي وقتها راح يتقبلو بسيف عليه إلين: فوتينا من هذا الموضوع أنا أتاخذت قراري قوليلي عيطتي لأسامة يجي يدينا؟! ميرهان: إيه عيطتلو قبل ما نركبو الطيارة أصبري نعاودلو نشوفو وين راهو إلين: باهي أزربي تعبت حابة نرقد ومبعد نروح نشوف رئبال
عيطت ميرهان لأسامة أسامة: بما أنو الرقم يبدا ب+213 يعني راكي وصلتي ميرهان: إيه وراني في المطار نستنى فيك أنا و إلين أسامة: علاه إلين تاني جات؟! ميرهان: ايه تحوس على رئبال حكاية طويلة كي توصل نحكيهالك أسامة: باهي 5 دقائق نكون عندكم أستناوني قدام لباب تاع المطار ولا روحو للمقهى لي مقابل المطار ميرهان: دوك نروحو للمقهى مالا أسامة: باهي
بعد ما كوبا أسامة راحت ميرهان عند إلين وخرجو راحو قعدو في القهوة يستناو في إسامة ... بعد مدة وصل أسامة للمقهى ركن لوطو تاعو في الباركينغ ولفتت إنتباهو لوطو تاع صفوان عرفو بلي ثم تبسم على جيهة ودخل للمقهى ... عيط لميرهان أسامة: ألو راني داخل المقهى وين راكم قاعدين؟! ميرهان: رانا في الطابلة الأخيرة على اليمين ... طلع أسامة راسو شافها
أسامة: شفتك راني جاي ... كوبا أسامة وراح عندهم وعينيه يحوسو على صفوان حاب يعرف معامن جا للمقهى هذا لي مشهور بلب غير تاع ليكوبل ولكن مالقاهش راح سلم على ميرهان و إلين أسامة: كيفاه كانت رحلتكم؟! إلين: تعبتنا شوي حابة غير نروح نرقد أسامة: أوووو لدرجة هاذي؟! ميرهان: هههههه هاذي أي من الحمل ولات ترقد ياااسر أسامة كان هاز كأس ماء طيحو: كيفااااااه شكون باباه إلين تحجرو دموع في عينيها: مانيش ع. ا. ه. ر. ة حتى تسقسيني على باباه راها باينة كي الشمس بلي رئبال أسامة: بصح رئبال تزوج دوك راح تفزديلو حياتو؟! ناضت إلين من بلاصتها ودموع شلال من عينيها تبكي وتعيط إلين: كيفاااااه واكت تزوج؟! مايقدرش بسهولة هاذي يتخلى عليا وعلى ولدو وخرجت تجري من المقهى بلا ما تشوف وراها جات راح تلحڨها ميرهان مخلاهاش أسامة ميرهان: خليني نلحڨها كشما تصرالها حاجة أسامة: خليها وحدها ماشي ساهلة عليها تعرف بلي أب ولدها تزوج أووووف واش داني نقوللها وأنت علاه ماقلتيليش من قبل بلي راهي حامل؟!
عند إلين خرجت من المقهى تجري و تبكي ماشي مهتمة بالناس لي يشوف فاها ولا طوموبيلات لي يزمرو باه تبعد من الطريق ... إلين: علاه يا ربي يصرا فيا هكذا علاه كيفاه راح يعيش ولدي بلا باباه هئ هئ يا ريت سمعت لميرهان وماجيتش كيفاه راح نشوفو وهو مع مرتو ياربي مانقدرش نتحمل أديني وهنيني ... وهي هكذا حتى خرجت لوطو في طريقها زمرت علاها باه تبعد وهي كأنها ماشي في هذا العالم ماسمعتهاش ... والسائق ماقدرش يتحكم في لوطو و أووووب ضربتها طلعت لسماء وهبطت والدم خارج من راسها.... جام + رأيكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
