🔱🔥🔱#عنقاء_المهووس🔱🔥🔱 🔱🔥#رماد_العنقاء🔥🔱 🔱🔥🔥بقلمي✍:#إنصاف🔥🔥🔱 ... لا تُحاوِل إقناع شخصٍ قرَّرَ مُغادرتك بالبقاء أو تَشرَح له إستحالةَ العيشِ مِن بَعده؛ إنه يعلم كُلَ شيءٍ جيدًا و مع ذلك ترككَ في مواجهةٍ مع العالمِ وحدك ...
الحلقة 82
صفوان: ودوك قوليلي واش رأيك نوافقو على قرار الجدة؟!
صفوان: لالا متفهمك بصح أنا كي قتلك نزوجو قصدي زواج على الورق برك وبعد مدة نطلقو ونقولو للجدة ماتفاهمناش وهي آكيد ماشي راح تقبل تكوني تعيسة في حياتك واش رأيك ....
شيماء: خليني مدة نخمم ونرجعلك تعيش وحطت يدها على يدو ...
طلع راسو و الإبتسامة على وجهو ڨابلو منضر خلاه يتشوكا ...
صفوان: ههههههه ماكنتش متوقع بلي عنابة ولات كي إيطاليا يبوسو فيها عادي دوري دوري وراك شوفي ...
دارت شيماء وراها نصعقت من المنظر لي شافتو أسامة ومعاه وحدة مشافتش ملامحها مليح بصح أسامة تقدر تفرقو من بين ألف واحد ... ضحكت ضحكة إستهزاء ودارت لصفوان
شيماء : ههههههه ماتستغربش ياااسر باين من هاذوك لي يبيعو رواحهم وهو تلقاه كاشي واحد ن** مكبوت ماصدق شاف وحدة ههههه خلينيا منهم انا راني خممت موافقة على قرارك بصح كاينة حاجة يجي وقت ونحكيلك علاها ...
صفوان: بالحق راكي موافقة؟! واكت يجي هذا الوقت و شنوا هي الحكاية خايبة ولا باهية؟!
شيماء: موش مهم دوك هيا خلينا نروحو عند الجدة نخبروها توجد لعرسنا المزيف ههههه متأكدة راح تفرح برشا
صفوان: باهي دقيقة ندفع الحساب
بعد ما دفع صفوان الحساب خرجو مع بعضاهم شافت شيماء بلاصة أسامة لقاتها فارغة حتى البنت لي كانت معاه مفماش.... مشات شوي ودارت رجلها شوي وطاحت على وجها لولا يدين صفوان لي حكموها في آخر لحضة وجها ولا أحمر من الحشمة ... زربت بعدت عليه وهو يضحك عليها ... هبطت راسها لقات الطالون متاعها تكسر...
شيماء: أحمم يضهرلي طالون تيعي تكسر معليش نحكم في يدك حتى نوصلو للوطو؟!
صفوان: إيه معليش ...
إبتاسمتلو شيماء وحكمت في يدو تمشي وتعرج وهو يضحك عليها ... هبطو للباركينغ وهوما يضحكو لي يشوفهم من بعيد يحسبهم عشاق ... لكن المظاهر خداعة وصلو للوطو تاعهم شافو زوز واقفين ومبينين يتعاركو ...
دار أسامة وراه عينيه حمارو من العصب آخر حاجة كان حاب يشوفها دوك ... حاول يهدي روحو ويتنفس مليح غمض عينيه زادت رجعت صورة يديهم مع بعض بين عينيه فتحهم بزربة لقاهم قدمو ليه ...
صفوان: أهلا ماكنتش علبالي بلي راك هنا ... ميل راصو شاف ميرهان ضحك ... هههههه مالا هذا أنت لي كنت لفوق في المقهى تبوس وشابع حب وأنا نقول عنابة ولات إيطالبا يضهرلي تخلطتك بين عنابة و إيطاليا خو...
كي سمع أسامة واش قال صفوان وجهو تخطف لونو دار شاف مع شيماء لقى ملامحها باردة ... ضحكلو ضحكة صفراء وحب يبدل الموضوع ... ومنها يستفسر
أسامة: هههههه وأنت تاني نبانلي نوليو نصنفوك من العشاق عينيك راهم يلمعو ... و حول نظرو لشيماء قحرلها وهي ماتبدلتش نضرتها ... كأنها جامدة
صفوان زير على يد شيماء وضحك: ايه صح وراك من المدعويين مابقاش ياسر على عرسنا ...
طاحت هاذي الهدرة كي الصاعقة على مسامع أسامة بقات تتكرر في وذنو « مابقاش ياسر على عرسنا »
ميرهان: حبيبي هيا نروحو تعبت يااسر من الوقيف
قاطع صدمتو صوت ميرهان كأنو فطن شوي ... زير على يديه حتى بياضو وهدر من فوق القلب
أسامة: ألف مبرك ربي يهنيكم عقبال الذرية الصالحة ...
جام + رأيكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
