ما كنتِ مثل العابرين ... فإنهم مروا علي وأنتِ سِرت خلالي ... لن أميل عنكِ فجميع رغباتي تقُودني إليكِ لا أستطيع أن أقول لكِ أني أحبكِي لكني أستطيع كتابة الكلمة بشفتي على جبينك ، بصمت و أنت نائمة لتلقطها أصابع أحلامك ...
فتحت عويناتها لي بلون زمرد وهي تتبسم ديما تبدى صباحها بإتسامة وخدودها المطبزين حمرين وفيهم النمش ... خرجت تشبه ليماها بزاااف غير في لون الشعر جا خليط بين لون شعر ماماها وشعر باباها ... هبطت من فوق السرير بشوي باه ماتنوضش باباها ويماها خرجت من الشومبرة بشوي حتى وصلت للكوزينة وهي مدايرة إبتسامة شيطانية ... كيف باباها أفعالها وتصرفاتها طبق الأصل عليه ... ر راحت جيهت الثلاجة وفتحتها بقات تشوف واش راح دير ومنين رايحة تبدى ... حطت دبدوها فوق الكرسي وهدرت معاه بهمس .. عنقاء : سوف نتاااا ابقى عاقل ديرش حسس باه ماتسمعناث ماماتي ...
ورجعت للثلاجة بدات تهز و تحط حتى فرغتها كامل قعدت في الأرض وهزت نيوتيلا بقات تتعافر معاها حتى فتحتها ... لاحت فيها يدها وبقات تاكل حتى فرغتها ... كي خلصت مسحت يديها في بيجامتها ... مبعد هزت البيض والحليب وهي تضحك هدرت مع دبدوبها ... عنقاء : نديلو كلاب( كراب ) بابي يحبهم فتحت البلاكار جبدت فرينة وهي تتعافر معاها مبعد جبدت مغرفة و صحن ( هاذاك لي يحطو في شخشوخة راحلي اسمو 😂 ) قعدت في الأرض وحطت صحن بين رجليها الصغيرونين هزت البيض وبدات تكسر فيه كي ماعرفتش حطاتو بقشورو .. مبعد هزت الحليب سيحت نص عليها ونص في الصحن ... مبعد جابت نيوتيلا وبقات تفرغ فاها بيديها
تقلب رماندا على جنبها حطت يدها باه تحضن عنقاء مالقاتهاش فتحت عينيها لقات رئبال راقد على كرشو وشعرو طايح على عينيه ابتسمت وقدمت ليه باستو على خدو جات تنوض تشوف عنقاء وينها لقات روحها تحت رئبال ... رئبال : علاه تبوسي فيا من خدي خوك انا ؟! جابتنا نفس الكرش ولا رضعنا نفس ال..... رماندا : هههههه ماحبيتش نوضك برك حبي وتلاحت على شفافو تبوس فيهم حتى هو بادلها مبعد تفكرت عنقاء جبدت عليه .. رئبال وهو عاقد حواجبو : شنوا علاه جبدتي ؟! رماندا : عنقاء لبارح جات رقدت معانا بصح دوك مالقيتهاش معرف وين راحت رئبال : بلاك رجعت لشومبرتها رماندا دوك نوض نشوفها حبي وانت هيا تنوض تخدم راح الحال ناضت ولبست بينوارها وراحت لشومبرتها مالقاتهاش سمعت صوت جاي من الكوزينة راحت تجري ... يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
