🔱🔥#عنقاء_المهووس🔥🔱 🔱🔥#إنبثاق_من_الرماد🔥🔱 🔱🔥#الجزء_الثاني🔥🔱 🔱🔥#بقلمي✍🏼: #إنصاف🔥🔱 ... إذا أردتَ أن تُعيد إنسانًا للحياة، فضَع في طريقه قلباً يُحبّه. العقاقير وحدها لا تكفي 🖤 ...
الحلقة 119
ࢪئبال شاف نضراتها فهمها: بوسيهم
ࢪماندا: هااا وشنو
ࢪئبال: شواࢪبي بوسيهم ࢪاجلڪ حلالڪ ماتحشميش مني
ࢪماندا: مهاني بعد عليا خليني نࢪوح نلبس مانبوسڪش
ࢪئبال: على ࢪاحتڪ بصح أنا نبوس
جات ࢪاح تهدر قاطعها بقبلة فرنسية بإمتياز يجر في شفتها التحتانية بكل شوق ويعضها عضيضات صغار خلات الفراشات يزغدو في ڪرشها قاومت مع الأول مبعد غمضت عينيها وتفاعلت معاه حاوطت بيديها ࢪقبتو وحاولت هي تاني جاࢪيه في بوستو بقاو يتباسو حتى تقطع فيهم نفس باه بعدو على بعضاهم ينهجو (حابة نبوووووس يا جماعة حابة نجرب شعور الفراشات هاذا 😭🥹)
حط ࢪئبال جبهتو على جبهة ࢪماندا وعينيه مزالو مذبالين
ࢪئبال: أࢪجعيلي ࢪاه القلب طاب في بعدڪ عنقائي أرجعي لدارڪ وعاقبيني ڪيما تحبي المهم تڪوني قريبة ليا
ࢪئبال: ڪيما تحبي بصح ديࢪي في بالڪ طولي ولا تقصࢪي ࢪاح ترجعيلي ماشي ࢪئبال قاطعاتو ࢪماندا
ࢪماندا: مصطفاوي لي يسمح في حاجتو إيه علبالي وحفضت هدࢪتڪ
ࢪئبال: مليح لي علبالڪ ࢪاني ࢪاح نهبط ڪيما طلعت وانت مطوليش واهبطي نوصلڪ عند شيماء طولنا
ࢪماندا: باهي خمس دقائق نڪون عندك
هبط رئبال اما ࢪماندا فراحت لبست سࢪوال نوار مع تࢪيكو أحمر طلقت شيحت شعرها وطلقاتو دارت كاسكيطة نوار واما وجها فأكتافات بريسيل وغوجالافغ أحمر بلون د_م ولبست باسكات حمرا وهزت ليغوب لي ࢪاح تلبس حطتهم ي فاليزا مع اكسسوارات وأحذيةوبيجامة باش تبات لأنو صباح شيماء وصفوان يسافرو باش تودعهم وخࢪجت راحت لقات ماماها تفطࢪ هي وهاجࢪ باستهم ووصات هاجࢪ باش ماتطولش وتلحقها وخࢪجت عندو لقاتو متكي على لوطو وهاز ڨارو يتڪيف وصلت عندو شاف مع من راسها لرجليها ضرب فيها تخنزيرة على السروال المزير ولغوجالافغ
ࢪئبال: واش لبسة هاذي حاطة روحك متزوجة طح***
ࢪماندا بقات تࢪمش في عينيها وهدرت ببرائة: لبست هڪ غير ڪي عدت ࢪايحة معاڪ وياك رانا في لوطو وڪي نوصل نلقا غير شيماء والجدة مڪانش ࢪجال
ࢪئبال: باهي بصح أول مࢪة و آخࢪ مرة نخليڪ
ࢪماندا: وعد آخࢪ مࢪة هيااا طولنا
طول طࢪيق والصمت سيد الموقف هو يخمم ڪيفاش ليوم يخليها تبقا معاه ويرجعها ليه وهي تخمم اليوم تنهي الحڪاية معاه وتطلب طلاق ... بعد مدة وصلو للفيلا لي فيها شيماء والجدة هبطت من لوطو بلا حتى ڪلمة دات فاليزتها وࢪاحت وهو بقى يشوف فيها حتى غابت على عينو وديماࢪا ديࢪاڪسيون عند أسامة لي عندو أسبوع مبانش ...
جام +رايكم داخل الرد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
