#البارت_الثاني_عشر🖊💍
«بسم الله الرحمن الرحيم»
البنات: عاااااااا...
منة بخضه: في ايه يا ولاد المجانين... سوري يا مجانين..
اسر ببرود: لا ولا يهمك الغلط من عندنا احنا الي معرفناش نربي...
جود: يعني هنسهر مع بعض بليل...
حنين بفرحة: و نعمل مخيم ليلي...
حور: و نلعب أسأله و ننام علي الارض سوا...
نورهان بمرح: و نرقص و نشغل اغاني..
ملك ببسمة: تربيتي...
تالا: تربيه وسخه يا قلبي...
مريم بحزن : هتعملوا كل دا مع بعض من غيري...
منة بحزن: بت بقولك ايه بلاش حزن و كأبه انا كده كده كل يوم هنط عليكم يعني انتي تخلصي المهمه و تيجي بالسلامة هتلاقيني اول واحده بتستقبلك...
حنين بحنان: لو عايزه نأجل الموضوع لما انتي تيجي مفيش اي مشاكل...
مريم ببسمه: لا طبعا.. خليكم مع بعض وانا لما ارجع انشاء الله هنخربها سوي...
عدي بغموض: ياله يا مريم مش هينفع نتاخر اكتر من كده..
مريم: طيب ياله...
اتجهت مريم الي والدها و والدتها و عانقتهم ثم اتجهت للخارج مع عدي بعد ان ودعت الجميع... صعدت للسيارة بعد ان وضعت حقائبها في السيارة من الخلف..
عدي: مريم احنا راحين هناك علي اساس اننا متجوزين و في زيارة لأسوان تمام..
مريم بهدوء: تمام يا عدي...
عدي: طيب ارتاحي شوية... لسه ساعة عشان نوصل للمطار...
لؤي: طيب يا جماعة انا و نيار لازم نمشي عشان جايلنا ضيوف.. منة هتقعدي ولا..
منة بخبث: لو فيها خناق و عايزني اقتله خذني معاك.. هيجبولي فقع مراره و وجع قلب و صداع يبقي اقعد هنا احسن..
لؤي: اقعدي.. خاليكي.. انا ماشي ياله يا نيار..
ذهب لؤي و معه زوجته الي منزلهم..
حور: بما ان الكبار هنا تعالوا نروح البيت عندنا احسن..
جود: فكرة حلوه ياله يا بنات..
غيث: استنوا هنيجي معاكم... ياله يا شباب..
حنين: بس احنا بنات... انتوا هتعملوا ايه معانا...
تاج: حد قالك اننا هنقعد فوق رأسك احنا هنقعد في اوضة الواد زين..
زين: ايه يا حيوان انت... هو انا مليش رأي ولا حتي تستأذن مني حتي..
مصعب ببرود: انا هسبقكم علي البيت..
منة: سلام قولا من ربٍ رحيم.. دا طلع منين دا..
نورهان: ههههه لا دا كده.. يكست ميتكلمش و مره واحد يتكلم كلمة و يسكت...
حور: بس يا بت منك ليه متكلموش علي اخويا حبيبي..
جود:حبك برص و عشرة خرص...جاتك القرف..
حور:في شكلك يا جود..
غيث:الله يقرفك انتي وهي..
مالك بهمس ضعيف : طيب ياله بينا علي البيت..
ذهب الشباب الي المنزل و خلفهم البنات...
في غرفة زين....
كان تاج و مالك و غيث يلعبون "ببجي"اما مصعب و ليث و زين فكانوا يجلسون علي الفراش و هم يتحدثون..ليقترب منهم تاج..
تاج بتوتر:شباب انا عايز اقولكم حاجه...
ليث:في ايه يا تاج متوتر ليه...
تاج:انا عايز اطلب ايد نورهان...
غيث بغباء:تطلب ايدها ازاي مش فاهم..
مالك بغباء:ولا انا...
مصعب:ركز معانا يا ابني و سيبك من الهبل دا...
تاج:انا بحب نورهان و من زمان و اظن انكم عارفين كده كويس...فأنا الصراحة كنت بعمل حاجه كده هي غلط و مش غلط..
زين بهدوء:ايه هيا بقاا...
تاج بخوف:اولا انا كنت دايما بحاول اوصلها فكرة انها مش اكتر من مجرد اخت ليا..يعني كنت بحاول اقنع نفسي انها كده..بس انا بحبها جدآ ومش قادر اتخيل انها ممكن تكون لغيري...من يجي ثلاث شهور جبت خط جديد و عملت واتساب جديد علي الفون القديم بتاعي..كنت ببعت لها رسايل حب و رومانسية كل يوم الساعه 12 باليل و كده و فجأة امبارح كنت في المطبخ بعد ما بعت الرساله..سمعت صوت عدي وهو بيزعق و لما طلعت اشوف ايه الي حصل لقتها خارجة بتعيط اتكلمت مع عدي و مقدرتش اعرف منه ايه الي حصل بس طلبت منه انه يصاحلها..روحت ابعت لها رساله تاني لقتها عملت بلوك عرفت انها قالت لعدي وان دا سبب خناقهم...ف قررت اني اخطبها و بعدين هقولها علي الرسايل..
ليث بهدوء:انت شايف ان الي بيحصل دا صح..والي انت عملته دا صح..
تاج:عارف انه غلط بس كنت خايف تكون مش بتحبني ف اتجرح كنت خايف اعترف لها..عشان كده كنت بعترفلها في الرسايل..
ليث بعقلانيه:بص يا تاج انت بتحبها و دا ظاهر واحنا عارفين كده..بس دا مش معناه انك تبعت لها رسايل بالطريقه دي..اولا حرام..ثانيا الرسايل بتاعتك و طريقتك دي كانت هتسبب في مشاكل بينها و بين عدي..الصح الوحيد في الموضوع كله انك قررت في نفسك انك تتكلم مع عدي...بس تتكلم معاه قبل ما تتخطبوا..لازم يعرف كل حاجه قبل الخطوبة عشان لما تتخطبوا يبقي كل حاجه واضحة عشان ميحصلش مشاكل بعد الخطوبة...
مصعب: ليث معاه حق يا تاج... استني لما عدي يجيي و قوله ومتخافش احنا هنكون معاك..
تاج ببسمة: ربنا يخليكم ليا.. انتم بجد اكتر من اخوات لما..
غيث بمرح:ويخليك لينا يا دنجوان..
مالك:انتوا مش ملاحظين ان البيت هادي..
زين:مش متفائل بالهدوء دا..
ليث و مصعب:ولا احنا..
تاج بغباء: مش يمكن عشان الاوضه عازله للصوت..
أنت تقرأ
سبعة قلوب تعشق❤
Randomليس بقلب واحد ولا اثنين بل سبعة قلوب تقع لاول مره في الحب، التحمت قلوبهم في لهيب صراعات العشق فإقتحمت قلوبهم واحد تلو الاخر لتأتي كل ملكة تحتل قلب فارسها في قصة بين اسطر متتالية نشهد قصص لم تنتهي و لن تنتهي...نيران الغيرة تحرق فؤادهم و براكين الحب ك...
