سبعة قلوب تعشق❤

البارت الرابع والعشرون

#البارت_الرابع_والعشرون💛👑

مبدأيا اسفه اسفه اسفه ليكم علي السحبه دي و عدم تنزيلي للبارت طول الاسبوع الي فات و احب اعرفكم ان النهايه قريبه جدا و اعزروني بحاول اكتب بس كنت مريضه الوقت الي فات والله و بحضر لخاتمه طويله ياريت فضلا و ليس امرا يا حبايبي تبدأو تنشرو الروايه و تبعتوها لاصحابكم و متنسوش التفاعل يا جماعه لان بجد التفاعل ميت اووي و شكرا...

«بسم الله الرحمن الرحيم»

في صباح اليوم التالي كان الجميع يجلس علي الطاولة يتناولون الطعام..فقاطعهم قدوم منة و هي تحمل كثير من الاكياس...

جود بمرح:ايه يا منة انتي جايه تبيع خضار في البيت ولا ايه...
منة بضيق: لا يا ظريفه انا و نيار كنا في السوق و ملوك اتصلت و قالت انها محتاجه الحاجات دي
مريم بمرح: ايه يا ملوك انتي هتعملي حمله ولا ايه...
ملوك بضيق: ظريفه اوووي يا بنت جاسر...
مريم: و ايه دخل جاسر دلوقتي... وكمان الحاجات دي كتير يعني هنعزل ولا ايه...
حنين بتعجب: ايه يا ماما كل الحاجات دي فعلا... هو في ضيوف جايه ولا ايه...
ملوك ببسمة: ايوه في ضيوف جايين...اصل انا عزمت صاحبت غيث علي الغدا...
غيث و جود بصراخ: مين؟؟؟...
غيث بصدمة: صاحبتي مين دي يا ماما...
ملوك: صاحبتك الي كانت معاك في المهمه و الي عم محمود قال انها كانت معاك في المطار...
غيث بصدمة: و دي انتي جبتي رقمها منين ولا عرفتيها منين...
ملوك ببسمة: لا ما انا اخذت رقمها من تلفونك و كلمتها و عزمتها و ادتها العنوان و اصريت عليها انها تيجي...
جود بغيرة: وانتي تعزميها ليه يعني يا ملوك...
ملك: لازم نعزمها مهما كان دي صديقة غيث و ضيفته في البلد كمان...
غيث: ايوه برده يعني تعزميها ليه... و معرفتنيش ليه قبلها...
ملوك: جرا ايه يا غيث فيها ايه لما اعزم البنت عادي يعني، وكمان انا استنيت انك تعزمها بس انت معزمتهاش فقولت اعزمها انا و يبقي احسن برده...

شعرت جود بالغيرة الشديدة من مجيئ لينا الي البيت و لكن طمئنت نفسها بأن احد لن يراها جميلة بقدرها و ان من المستحيل ان ينظر لها غيث... ويالا كبرياء الانثي عندما يتحكم بقلبها و عقلها معاً.....

※※※※※※※※※※※※※※

كان يجلس بهدوء في مكتبه يفكر في حل لهذه المشكلة فقام بالاتصال بالسكرتير الخاص به و طلب منه ان يقوم بترتيب اجتماع سريع لحل ذلك الامر....بعد عشر دقائق اجتمع الجميع في مكتبه واحداً تلو الاخر...

الياس بهدوء: في ايه يا أدهم طلبتنا في اجتماع سريع ليه...
أدهم وهو يعطيه ملف: دا تقرير الشركة الي في إيطاليا... و التقرير زي الزفت المدير التنفيذي و مدير الادارة استقالوا و الشركة بتلقب تضرب هناك من غير مسؤل...و مفيش اي صفقه بتكمل شهر و تنسحب...
ريان: ازاي الكلام دا... و كل الوقت دا ومحدش بعت ليه...
ادهم بضيق: معرفش، انا اتصدمت زي زيكم...
الياس بضيق: طيب و العمل...و دا حتي مكتوب ان الموظفين بدأوا بالاستقاله و دي حاجه مش كويسه أبداً....
أدهم: انا هحجز طيارة لإطاليا اخر الاسبوع الجاي و اروح، مفيش اي حل تاني قدامي...
ريان بتفكير: انت مدرك انت بتقول ايه...دا مش شهر و لا اتنين الي هتروحهم يا أدهم...انت ممكن تقعد هناك بالشهور و يمكن سنة كمان عشان مش هينفع تظبط الامور و ترجع الشركة كويسه تاني و تسبها و تيجي مصر....
تاج بتفكير: خلاص هروح انا...
ريان بغضب: انت مش سامع انا لسه قايل ايه لأبوك بلاش تخلف...
تاج بهدوء: وانا بتكلم بجد، بابا مش هيقدر علي السفر و البهدله و كل دا...انا ممكن اروح انا و اهتم بالامور هناك...
الياس: انت ناسي ان فرحك اخر السنة...يعني كلها ثلاث شهور هتعمل ايه بقا ساعتها....
تاج ببسمة: طيب ايه رأيك اتجوز خلال الاسبوع دا و اخذ نورهان معايا هناك و نبقي ننزل في الاجازات....
الياس بصدمة: انت بتستهبل يا تاج...خلال اسبوع ازاي، سيبك من دا افرض حصلكم حاجه هناك واحنا هنا منعرفش لا انا مش موافق...
تاج ببسمة: يا الياس و النبي اوزنها بالعقل...انا مش هينفع اخلي بابا يسافر و يتبهدل فلازم اروح مكانه و مش هينفع انزل بعد ثلاث شهور و افضل قاعد معاكم هنا و الشركه هناك تتدمر تاني و لا ينفع اتجوز و اسافر و مشوفش مراتي غير كل سنة مرة...انا هأخذها معايا و هنبقي ننزل كل اجازة و ممكن انتوا تبقوا تيجوا هناك تقضوا معنا وقت...
أدهم: الي انت بتقوله صعب يا تاج...
تاج: عارف والله بس مفيش اي حل تاني...
ريان ببسمة: خلاص الفرح هيبقي يوم الثلاثاء الجاي هتصل بغيث يروح يجهز الدعوات و الشباب يشوفوا القاعه و انت تأخذ نورهان و تنزلوا عشان الفستان و البدله...لازم كل حاجه تخلص بدري....
تاج وهو يحتضنه: شكرا يا ريان ربنا يخليك لينا يارب و يجيلك احفااد كتير...