سبعة قلوب تعشق❤

البارت الثالث والعشرون

#البارت_الثالث_والعشرون🦋😛

«بسم الله الرحمن الرحيم»

غيث : جود... تعالي واقفه عند الباب ليه..
جود ببرود: قولت اجي اسلم عليكي... طلاما انت مش حابب تتكلم مع حد...
غيث بصدمة: انت بتقولي ايه يا جود... انا بس متكلمتش لاني كنت تعبان عادي...
جود ببرود: المهم اتفضل فونك كان مع آنا وهي سابته...
غيث بستغراب من برودها: تمام..
جود بهدوء: حلوه البنت الي انت حاطت صورتها علي الفون... هي دي نفسها البنت الي كانت معاك في المطار...
غيث بهدوء: اه هي...
جود بحزن: اهاا... عم محمود قال انه فكرها مراتك ... عشان انت كنت خايف عليها اووي...
غيث بتعجب: مراتي؟؟؟....
جود بآلم: عموما لو كانت من نصيبك ربنا يهنيك بيها.. ياله عشان الفطار...

كادت ان تخرج ولكن وجدت الباب مغلق و في لمح البصر كانت محاصره من الجدار خلفها و هو امامها...

غيث بصرامه:ربنا يهنيك بيها؟؟...انتي غبيه ولا بتتغابي... دا انتي اكتر واحده عارفه انا بحبك قد ايه...
جود بدموع: وانا اعرف ازاي وانت لمدة ثلاث شهور غايب عن البيت... اكيد حبيتها.. وكمان هي... حلوه و جميلة اووي... و حاطت صورتها علي الفون بتاعك...
غيث بحزن: و انتي ازاي خطر علي بالك اني ممكن ابص لأي واحده غيرك... للدرجه دي شايفاني عيل و مش قد كلمتي...
جود ببكاء: بس هي حلوه... و تتحب بسرعه... الكل تحت لما شاف صورتها قالوا انها اجمل واحده...
غيث بحنان: ومن امته الجمال جمال الشكل الخارجي يا جود... مش طول عمرك تقولي ان الجمال جمال الروح والاخلاق...
جود بحزن: ما هي باين عليها انها طيبه و كويسه...
غيث بخبث: هي فعلا كده...
جود بغضب: يعني هي اجمل مني يا غيث..
غيث بحنان: انا مقولتش كده... انا كل الي قولته انها فعلا كويسه و طيبه... مقولتش انها احلي منك...
جود بغيرة: يعني بتحبني انا ولا هي يا غيث..
غيث بحب وهو يمسك وجهها بين يديه: اكيد انتي يا جود... انا بحبك من الطفوله مستحيل اي واحده تجيي تشيل حبك من قلبي بالسهوله دي... انتي روحي..
جود بحزن: طيب انتي ليه حاطت صورتها علي فونك...
غيث ببسمة: اليوم دا هي اصرت اننا نتصور و بعدين هي الي حطت الصوره وانا مقولتش حاجه عادي يعني...
جود بغيرة: لا مش عادي... انت هتشيل صورتها و تحط صورتي انا مش هي... انا الي حبيبتك مش هي... ياله...

ابتسم غيث بقوة ثم اخذ هاتفه و بالفعل ازال صورة لينا و وضع صورتها هي... ثم نظر لها وجدها تنظر له برضا و بسمه ثم تركته و نزلت للاسفل و هو خلفها حتي وصل الي الطاوله...

غيث بهدوء: صباح الخير...
الجميع بهدوء: صباح النور...
زين بمرح: اهوا الواد غيث رجع و الحمد لله نعمل خطوبتي انا و رهف بقا الله يخليكم..
مريم بخبث: ما تهدي شويه يا زين ايه يا حبيبي مش كده.. انا بقول نستني كمان سنه..
زين بهمس: اكتم خطيبتك يا عدي عشان متبقاش ارمل من دلوقتي...
عدي: اخرصي يا مريم.. انتي مالك الخطوبه تتعمل امته...
جاسر بهدوء: والله انا معنديش مانع تتعمل وقت ما تحب...
غيث بهدوء: طيب وانا...
ريان ببرود: وانت ايه انشاء الله...
غيث بهدوء مزيف: انا طالب ايد جود من ثلاث شهور... يعني المفروض خطوبتي كانت تتعمل من شهرين..
ريان ببرود: كانت مفروض تتعمل لولا تهورك و غبائك...
ملوك بحزن: ريان ارجوك...
ريان بهدوء: مسمعش صوت حد... تقدر تقولي استفدت ايه من تهورك و سفرك..
غيث ببرود: استفدت ان بقا ليا اسم لوحدي... استفدت اني بقيت قادر اخذ اي قرار من غير ضغوط.. استفدت ان تفكيري ارتاح... استفدت خبرات كتير... كل دا استفدته...
ريان: طيب هايل والله.. واحنا من امته كنا بنضغط عليك.. ولا من امته كنا بنمنعك من اي حاجه... او نجبرك علي حاجه... ولا مين قال انك ملكش اسم و مكانه...
غيث بهدوء: والله كل واحد بيحتاج فتره في حياته يكون فيها لوحده... وحسب الي اعرفه انك كنت في نفس المهمه من 27 سنه... يعني عارف قد ايه استفدت خبرات كتير..
ريان: دا مش معناه انك تروح من غير ما حد يعرف يا سيادة الرائد ولا كأن ليك أهل....
غيث: انا... روحت قدمت بدون تفكير... لاني كنت عايز ارتاح و ابقي لوحدي...
ريان بغضب: وليه مفكرتش ان مقابل راحتك دي حياتك هتروح... ليه مفكرتش ان الثمن هيكون حياتك...
غيث بغضب مماثل: يمكن عشان كنت عايز ارتاح... ليه محدش فاهم اني كنت محتاج فتره لوحدي... ليه كله بيعاتب فيا و بس... محدش شاف ان في المهمه دي راحتي... كله شاف انها بموتي وبس... انا قدامك اهه مفيش فيا خدش واحد... انتم كده كلكم بتأكدولي اني مكنتش قد المهمه واني كنت هطلع منها خسراني كأني عيل ميسواش اي حاجه قدامكم... يوم ما اموت ف دا عمري و انتهي والحمد لله...