سبعة قلوب تعشق❤

☆اقتباس صغير☆

••اقتباس صغير من الجزء التاني اتمني يعجبكم••

خارج ارض مصر في بيت واسع يقع في مدينه كبيرة و رائعه من مدن اسبانيا🇪🇸
داخل ذلك البيت الذي يظهر علي اثاثه العظمه و الروعه... تلك الغرفة الذي يحتل اللون الاسود كل شئ بها من اثاث و ستائر و وسائد حتي الفراش لم يسلم من اللون الاسود...مما اعطي للغرفة جاذبيه خاصه و هاله رائعه....كان ينام ذلك الوسيم بعمق علي معدته و يضع فوقه الغطاء و شعره يقع علي عينه ف يحجب عنه الرؤية يرتدي بنطال اسود و عاري الصدر...ليقاطعه سقوط شئ ضخم علي ظهره وهو يصرخ بجانب اذنه...

الشاب: لييييييييييث...اصحي يا عم الله يخليك هموت من الجوووووع جعااااان يا بشر....

ليث بشر:اطلع بره الاوضه يا غيث عشان مولعش في شكلك علي الصبح...

غيث بمرح:خلاص يا بوص خارج يعني هي كانت اوضة انجلينا جولي....بس ابوس ايدك تقوم تعملنا لقمه ناكلها قبل معاد الطياره...

ليث:الطياره معادها الساعه زفت 2 الظهر حضرتك مصحيني الساعه 9 عشان اعملك طفح تأكله لحد الساعه 2 في ميعاد الطياره الزفت ليه....

غيث بغبااء:ايوه ما انت عارف اني بجوع بسرعه و الصراحه خايف علي البوفيه بتاع الطياره ليخلص ف اشبع في البيت قبل الميعاد...

ليث بصراخ:لا وانت ماشاء الله بتشبع يا اخويا...وكمان من امته عندك قلب و بتخاف علي اكل الطياره...كل مره تقول نفس الكلمتين و انا في الاخر ادبس في مشاكل امك الي مبتخلصش...

غيث بمرح: تعيش و تشيل غيرهم يا بوص وكمان انت مش اخويا و تؤامي يا جدع سيبني اتدلع عليك بقااا...

ليث بحب:اتدلع براحتك يا اخويا هو انا عندي كام غيث يعني...

غيث مرح: تراني تأثرت لحظه ابكي... هئ هئ هئ هئ.... ههههههه

ليث ببرود: امشي يا غيث بره الاوضه... برررره...

ليركض غيث الي الخارج بسرعه ليبتسم ليث ثم ينهض و يتجه الي خزانته و اخرج بعض الملابس ثم دلف للمرحاض لينعم ب حمام يريح جسده من مهمه أمس.... و يستعد للعودة ل وطنه.....
بعد قليل خرج من الغرفة ثم توجه للمطبخ ليجد غيث ينتظره هناك..

ليث: اهدي بقاا لما اتنيل اعملك طفح...

غيث بمرح: يسلام طفح طالعه من بوقك زي السكر....

ليث بقرف: هتفضل طول عمرك عيل مقرف و تافه...

غيث بمرح: لو مش عاجبك طلقننننني...

لينظر له ليث نظره اخرصته...

غيث: انا هروح اجهز الشنطه لما انت تخلص الفطار....

ليث: غور ياض من وشي جاتك البلا في شكلك....

ليذهب غيث لترتيب حقيبته وهو يضحك علي غضب توأمه منه.... ثم خرج و تناولوا الطعام معا....

غيث: ليث مالك عيد ميلاده بكره.... ايه رأيك نجيبله هديه من هناا....

ليث بهدوء: مش عارف يا غيث.. مالك صعب الواحد يفهمه و يفهم هو نفسه في ايه و عايز ايه....دا غير انه مش بيطلب حاجه من حد أصلا...

غيث: انت عارف انه كان نفسه في تلفون ايفون... ايه رأيك نجيبله اخر إصدار من هنا.....

ليث بهدوء: فكره حلوه مش بطاله و انشاء الله علي عيد ميلاده الجاي يكون اتعلم السواقه نجيبله عربيه...

غيث: طيب ياله خلص و ننزل نجيب الي احنا عايزينه بسرعه و نيجي...

بعد انتهائهم من تناول الطعام خرجوا من المنزل متوجهين الي احد المولات لشراء مستلزماتهم قبل السفر.....