سبعة قلوب تعشق❤

البارت السادس

#البارت_السادس🌍☕

«بسم الله الرحمن الرحيم»

في صباح يوم جديد....
في دميااط....

كانوا يجلسون علي طاولة الطعام...
مصعب: ايه دا يا عدي انت هتفطرنا جبنه و زيتون و بيض...
عدي: مش عاجبك متأكلش...
نورهان: عدي اخويا بخيل معلش... انا هعملكم بطاطس و هجيب توست و اظبطكم...
تاج: البت دي عجبتني تدري ليش.. لانها تقول كلام جميل...
زين: بقيت دلوقتي احسن يا غيث...
غيث ببسمه: اه الحمد لله... كلمت ملوك امبارح و اطمنت عليها..
مالك: ايه دا هي مريم فين؟؟
حور و حنين: مش عارفين...
جود:انا لسه نازله و مش موجوده في اوضتها...
ليث: يعني ايه مش في اوضتها..
عدي: انا اول واحد صاحي و منزلتش أبداً... ولا شوفتها...
زين بقلق: اومال هتكون راحت فين...
ليث: اهدي يا زين انت عارف اختك اكيد خرجت تجيب شوكولاته و جاية..
حور لتخفيف الجو: ايوة فعلاً امبارح كانت عايزة شوكولاته و مكنش معايا ف قالت انها بكرة هتجيب ممكن تكون خرجت عشان كده...
حنين: اهدي يا زين انشاء الله شوية و تيجي...

في الجهه الاخري...
كانت تمشي في الشارع وهي تمسك جانب معدتها بقوة تكاد تبكي من الألم الذي تشعر به... بعد قليلاً من السير وصلت الي احدي الصيدليات القريبه من المزرعه...
مريم بتعب: لو سمحتي...
الممرضه: ايوه يا فندم...
مريم بتعب شديد: انا جانبي بيوجعني اووي و حاسه بوجع شديد ممكن اي مسكن للألم..
الممرضه:هو حضرتك كشفتي او عملتي تحاليل مثلاً...
مريم:لا معملتش..
الممرضه:مقدرش اديكي اي حاجه يا فندم لان ممكن المسكن يزيد الوجع مش يخففه...بس انا ممكن اخذك لاقرب مستشفي و تعملي تحاليل بسرعة و نجيب العلاج...
مريم بتعب:لا مش عايزه اتعب حضرتك..اهااااااااااه..
الممرضه:يا انسه انتي كويسه...تعالي معايا انتي كده لازم تروحي مستشفى..
لتمسكها الممرضه و تتجه لتوقف احد التاكسي و تذهب سريعاً لاقرب مستشفي في المكان...
الممرضه: ترولي بسرعه يا دكتور...
ليأتي لها احد الاطباء و معه ممرضين ثم يأخذونها بسرعة للكشف..
الطبيب: هي مالها... فيها ايه..
الممرضه: معرفش يا دكتور.. هي جاتلي الصيدليه بتشتكي من جانبها نحية الكبد انه بيوجعها جاامد و طلبت مني مسكن قولتها لازم كشف الاول... و بعدها تعبت جبتها هنا علطول...
الدكتور: طيب خلاص انا هدخل اكشف عليها و ابقي ابلغك...
الممرضه: تمام انا هفضل هنا لحد ما اطمن عليها...
ظلت تلك الممرضه في الخارج حتي خرج الدكتور..
الممرضة: خير يا دكتور هي فيها ايه..
الدكتور: مش هقدر اتكلم دلوقتي الي لما اتأكد من شكوكي..
الممرضه: طيب هي فاقت ولا لسه..
الدكتور: اه فاقت تقدري تشوفيها...
لتدخل الممرضه الي غرفة مريم..
الممرضه: حمدلله على سلامتك يا انسة..
مريم بتعب: شكرا لحضرتك بجد...
الممرضة ببسمه: ولا يهمك أبداً المهم تقومي بالسلامه...
مريم:انا لسه حاسه بتعب.. هو انا طلع عندي ايه يا دكتوره..
الممرضه: اولا اسمي فريدة.. ثانياً الدكتور الي كشف عليكي مقاليش اي حاجه...
قاطعها دلوف نفس الطبيب للغرفة..
الدكتور: السلام عليكم...
مريم: وعليكم السلام....
فريدة: هاا يا دكتور... طلع عندها ايه...
الدكتور بعلميه: والله لما حضرتك قولتيلي انها بتشتكي من جنبها نحية الكبد انا شكيت في حاجه... بس قولت اتأكد و فعلا كشفت عليها و عملت التحاليل و فعلاً شكي طلع في مكانه..
مريم: انا مش فاهمه حاجه دكتور ارجوك قولي انا فيا ايه بسرعه...
الدكتور: للاسف يا بنتي انتي عندك سرطان الكبد....
فريدة: لا حول ولاقوة الابالله طيب و دا من ايه يا دكتور...
الدكتور: والله من حاجات كتير..ممكن تشوهات خلقية في الكبد او داء السُّكَّري او التعرض للأفلاتوكسينات.. وممكن يكون وراثي.. بس الحمد لله المرض لسه في المرحلة الاولى و دا كويس جدا نقدر نعمل عملية واحنا مطمنين لان نسبة نجاحها 88٪.... لو موافقه ممكن نعملها الاسبوع دا...
مريم و مازالت مصدومه: لا لا مش هعملها دلوقتي... وكمان انا بابا دكتور ممكن هو يعملها ليا عشان اكون مطمنه معاه اكتر...
الدكتور: هو والدك دكتور...
مريم بحزن: اه والدي دكتور... دكتور جاسر محمد الادهمي...
فريدة بصدمه: انتي بنت الدكتور جاسر محمد الادهمي من اكبر دكاترة مصر ...
مريم:ايوه..دكتور لو سمحت انا عايزة امشي...
دكتور:تمام تقدري تمشي انا هكتبلك علي علاج تمشي عليه...و كمان ياريت تعملي العملية في اسرع وقت دا هيكون احسن و اسرع و اضمن...
مربم:اكيد انشاء الله....
فريدة:طيب ياله اجيبلك العلاج و اوصلك للبيت..
مريم ببسمه:شكرا يا دكتورة فريده بجد لوقفتك جمبي...
فريدة:مفيش اي داعي للشكر يا حبيبتي انا معملتش حاجه..وكمان دا الناس لبعضيها..