"يامساء هالليل ياعطر ودخون ‏ياغرام باهر يا أحلى العمر"

2

غيث : يبه برجع لامي موصيتني باغراض من البقاله
ابو جاسر : زين يله رح وناد سعود وباهر معك
غيث : ابشر
مشى لبيتهم عشان ينادي سعود وباهر
دخل البيت وهو يسلم على امه وشاف سعود وباهر
غيث : قم يورع انت وياه ابوي يبيكم عنده رجال
باهر : تكفى لا تقول ان ذاك الشايب فيه
غيث : ومن غيره ذا الشايب كل يوم متكي عندنا وجاسر مخليني اسوي كل شي
سعود : انت دلوع ما تمسك شي تستاهل

آل سلطان

ابو سيف وهو توه راجع من الشغل، جلس بتعب على الاريكة ينادي زوجته : هيفـاء  ياا مـرهه تعالي
جت هيفاء من المطبخ مسرعة : سلامات فيه شي شفيك تصارخ
ابو سيف : مافيه الا العافية ابو جاسر عزمنا على مزرعته بكرة قولي للعيال يتجهزون
هيفاء: ابشر رقت فوق وهي تنادي غرام .
غرام كانت فغرفتها تقرا كتاب ومروقة قامت من السرير وهي تتأفف : شتبي ذا السعلوه اف الواحد مايروق على سنع
راحت لهيفاء في غرفة اميره واماني جلست تشوفهم من ورا الباب : اجتمعوا التس تس قالتها وهي تضحك شافتها هيفاء قالت ببرود وحقد : تعالي انتي خير اناديك من اليوم ليه ماتسمعين ابوك يقول معزومين عند ال جاسر فمزرعتهم بكرة تجهزي ويلا فارقي عن وجهي
غرام راحت من دون كلام مو فاضيه لها تتجادل معها :
الله اخيرا بطلع حامت كبدي من البيت ومزرعه ياسلااام جوي ، بدت ترتب اغراضها الي تبيها وهي مروقه وتدندن :
( مشي نطلع عالقمر
شي يوم بليل سهرر )
خلصت ترتيب جلست تكلم صديقاتها سمعت ابوها يناديها تنزل تتعشى نزلت وشافتهم مجتمعين على الطاولة غرام : السلام عليكم
ابو سيف : حي الله بنتي جت غرام وباست راسه
سيف : غش وانا بعد
غرام : اذلف بس ضربته على راسه وجلست فمكانها وهي مو طايقة التس تس

ال جاسر

دخل باهر وسعود البيت منهلكين من ابوهم ماقعدو كل يومهم شغل وضغط ابوهم عليهم لما قال بيروحون المزرعه وجلسو يجهزون الاغراض اللي بياخذونها
اشر باهر على سعود وهو يضحك بتعب: سعود اشوف منك ثنين
سعود بلياله يفتح عيونه: انا اصلا ما اشوفك
وغمض عيونه وطاح هلكان مايبي الا فراشه
انسدح باهر جنبه وممداه الا وهو نايم