"يامساء هالليل ياعطر ودخون ‏ياغرام باهر يا أحلى العمر"

15

العصر
بعد ماقيلو الكل الظهر صحو على قرار العيال بانهم يكشتون كشتة شباب
باهر وهو ينكت العزبه يرتبها : يمه الله يعافيتس جهزو لنا لحمه وبصل وبهارات بنسمر هناك
ام جاسر: ابشر
باهر : اييي وصح السكر ناقص زيديه لاهنتي
ام جاسر: اي ماعليك انت اطلع وخذ عزبتك رتبها برا
ضحك باهر : طرده صريحه يالوالده
ام جاسر : مانيب اطردك لا بس البنيات حالفين مايدخلن المطبخ ولا يحرفن شي الا ومعهن غرام
باهر : وليه غرام تشتغل عندهن
ام جاسر: سوالف بنات انت اطلع الحين ويصير خير
طلع باهر هو وعزبته اللي بلشان فيها
دخلو البنات بعده
غرام : كفو خالتي تعرف تصرف
ورد : بدري عليها تكون خالتك هههههههههههه
غرام : اص انتي
لمياء : امشو يله نرتب اغراضهم وبعدين ناخذ اغراضنا
رتبو اغراض باهر وحطوها على جنب وبدو بدهرون بجلستهم اللي مخططين لها
غرام : انا بسوي الشاهي وبجيب فصفص وموالح
لمياء : تممم وحنا علينا الحلا والقهوه
ورد : وانا بجهز لكم احلا جلسه

بعد مده "العيال"
طلعو العيال على موترين طبعا سياره باهر عشان فيها صندوق (حوض السياره) فيه الاغراض و سيف وجاسر معه
وسيارة راشد ركب معه غيث وسعود
ولحقو باهر يزبط لهم مكان رايقق
بعد نص ساعه لقو مكان مناسب لهم وفرشو فرشتهم
وشبو النار وتجمعو حولها الا باهر وسعود هم اللي شايلين الكشته ، باهر يزهب العشاء وسعود يضبط الشاهي العاقد بطريقته
بعد مده خلص باهر تركيب العشاء وجلس عندهم
ومسك العود وبدا يغني بصوته الشجي :
"عشقت الليل على شانه
ونسمة نجد ودلاله ومن ذاق
الهنا في قربه جميع الكون يحلاله
عشقت الليل أنا عشقته
عشقت الليل ونجومه بتشهد والقمر شاهد
وانا وانت في ستر الليل اعاهد وانت بتعاهد ..."
واندمج صوته باصوات العيال منهم يعزز ومنهم يغني
وقف جاسر بغضب غير مبرر: خلاص وقفووو صدع راسي
باهر باخذ سيارتك واروح
باهر : افاااا وين بتروح ماتقهويت زين ولا غنيت معنا فيك شي ؟
جاسر : لا بس ماسكني صداع من الصبح ولا كان ودي اردكم وبروح الحين هلكان وربي
باهر : زين سلامتك ماتشوف شر لكن موتري احتاجه بشيل فيها قشي رح بسيارة راشد
وقف راشد اللي كان ينتظر باهر بفارغ الصبر يقول هالكلمه
راشد : استأذنكم انا بعد بروح دام جاسر بيروح انا بوديه واروح اخلص اشغالي
غيث : ماتشوف شر
حركو راشد وجاسر للمزرعه
تنهد غيث : ياوك ذا الراشد دمه ثقيل ولا يمزح مغر مبرطم ويعاين فيك كنك ذابح له احد يشينه حمدلله ذلف