"يامساء هالليل ياعطر ودخون ‏ياغرام باهر يا أحلى العمر"

27

وهم بالطريق بعد ماوصلوا لمى
سعود: ورد فيتس نوم ولا نروح ندوج
ورد باستغراب: وين تبي نروح
سعود وواضح عليه ضيقته: بوريك مكان حلو
ورد حست ان سعود مو على طبعه ووافقت ، 
وبدت تمازحه: اتحداك يالاخو البطل لو انك الحين متزوج كان ماعترفت فيني
سعود بابتسامة خفيفه: جحوده يشينك
ورد: لو تدري لمياء بتذبحنا
سعود: يحتاج لنا ذهن فاضي من قرقرتها
ورد بضحك: جبتها هههههه
سعود بعد مدة وصل لمكان مطل على الديره كامله والمزارع ومكان خيال بمعنى الكلمة
ورد بانبهار: يالبيه يالمكان بيجي هنا روقان على كيف كيفك
سعود فتح الدرايش وتسند على ورا وغمض عيونه يستمتع بالجو 
نزلت ورد ووقفت عند حافة الجبل تتأمل المنظر
سعود نزل يطلع الفرشه من ورا
اول ما فتح الباب طاح منه خاتم
ما انتبه له سعود ، نزل الفرشه ومركا
ورجع للباب الأمامي بياخذ جواله
بس شد انتباهه شي يلمع بالأرض
دقق فيه شوي وجلس يسترجع لما كانت لمى معهم
كان بأيدها خاتم وتوقع انه حقها شاله من الارض ونفخ يشيل الغبار عنه وحطه بجيبه
«عند لمى وغرام »
جالسين بالغرفه ومنسدحين على السرير
غرام: طيب ليه تسوي كذا
لمى بتعجب: مدري عنها
غرام بمزح: بنزوجك سعود عشان ماتروحين منا
لمى حطت يدها على وجهها: اههخ بعد الموقف الي صار شلون بحط عيني بعينه
غرام: ههههههه ياشيخه ماصار شيي
لمى وهي تصارخ:ييعععع لا تذكريني تكفين
دخلت هيفاء وكأنها تدور الزله
هيفاء:يا مال اللسنه انتي وياها!!خيررر ان شاء الله الناس نيام وانتن تصايحن!!!
غرام بخقه:ول ول ام دلال حرف النون يذبح بلسانك
لمى:اوف هيفوه والله يجي منج ابدويه حركاتتتت
هيفاء عصبت ورفعت يدها تدعي:لابوكم بنات الله ياخذكم
وطلعت ورجفت بالباب وراها
لمى ماتت ضحك وقالت:بصيحح تذكرت الرياكشن حق الافعى ربي انا عبدتك المظلومه😭