"يامساء هالليل ياعطر ودخون ‏ياغرام باهر يا أحلى العمر"

14

دخلوا بخفه غايتهم ياخذون الجوال ويطلعون بكل هدوء بدون محد يحس
سحاب بهمس : اي وحده دلال
لمياء بهمس : ذيك اكيد ام كرشه
سحاب بالقوة كتمت ضحكتها ومشو شوي شوي ويحاولون مايصقعون بحد
سحاب بهمس : روحي انتي خذي منها الجوال
مشت لمياء بشويش ودخلت بين غرام ودلال
ذا الزفت وين حاطه جوالها وين مخبيته حمار
سحاب بهمس : اخلصي لايجي احد
لمياء بهمس : ياحمار اص مالقيته وين داسته ذي
سحاب : هههههههه الله ياخذك يزفت بنور لك شوفيه هنا عند كرشتها
لمياء مدت يدها بتقزز وخذته بشق الأنفس
سحاب زفرت براحه يوم شافه وتدعي يارب بدون رمزز
طلعوا وخلصوا من المهمه الصعبه بقت المهمه السهله
لمياء بحماس : بسرعهه نفتح الجوال احس عندها بلاوي
سحاب: ذا الغبيه  اكيد عندها من تهديدها واضح
لمياء فتحت الجوال : يارب بدون ياربب
سحاب خذت الجوال بدون صبر واشواا كان بدون رمز
لمياء : بسرعهه ادخلي الصور واحذفيهااا وخلينا نفتش
سحاب : ههههههه شفيك منقهره، منها حذفت الصوره وعطته الجوال للمياء المتحمسه
لمياء خذته ودخلت الصور تدور عليها
لفت الجوال بضحك لسحاب : شوفي مصوره خشتها تصوير ثلاثينه ههههههه
سحاب افطست من وجه دلال : ايوو شوفي شلون شفتها قايله مسويه اغراء وهي اخراء
لمياء قضت من الصور وهي فاطسه منها
سحاب : خلاص نرجعه ترا زودناها

لمياء : لا انتظري بس بشوف السناب
دخلت السناب وهي تدور على شي تمسكه عليها
سحاب بنرفزه : شتبين منها اتركيها
فجاء شهقت لمياء وسحاب تناظرها يخوف: شفيك ياخبله
ورتها الجوال وهي منصدمه : شوفي الي ماتستحي تقول لذا الولد بطلع معك بصفته حبيبهاا ماتستحي
سحاب : اا ليه وش فيها
لمياء لفت عليها بصدمه : منجدك تتكلمين ذي تكلمه بصفة حبيب ويليتها اكتفت بهالشيى وزيادهه تفكر تطلع معه لهدرجه ماتخاف ربها ابد زود انها علاقه محرمه وربي ماحلل هالشي ابد تفكر تعصيه معه وكلها عشان كلمتين لعب عليها بتزوجك وبدلعك مافي انسان صاحي يصدق هالشي
سحاب بخجل من نفسها : مسكينه طيب مالقت الحنان من اهلها يمكن او يهددها
لمياء بغضب من الي قدامها : هاذاا مو عذر صدق انه غلط من الاهل انه مايعطون عيالهم الحنان بس مو هي بعد تغلط وتجلس تكلم ربي ماباح هالشي طيب وثقة اهلها فيها وابوها وامها حرام تكسر فيهم ومافي اصلا سعادة في معصية الله استغفر الله بس برجع الجوال لا تقوم تفضحنا رجعته لها وراحت سحاب لغرفتها تفكر بكلامها بعمق
سحاب والدمعه بعينها : يارب فكني منه يارب ماكانت نيتي كذا بس ابي احد يحتويني
مسحت دمعتها ورجعت لامها وهي بطريقها سمعت احد قربت تسمع وكان يقرآ أية ﴿قُل يا عباديَ الذين أسرفوا على أَنفُسِهِم لا تقنطوا مِن رحمة اللهِ إِن اللهَ يغفر الذنوب جميعا إِنه هو الغفورُ الرحيم﴾ حست براحة كبيره من سمعتها وانحاشت يوم سمعت احد ينادي :
غيث يابوك تعال
ومن بكرا الصباح
صحو الكل مبكررر الا دلال و دلال"ام راشد" و سحاب
"في المطبخ"
البنات يزينون الفطور -نواشف وقرص ومصابيب-
وام جاسر تشرف عليهم شوي وتروح
غرام: اخخخخ اول يوم احس بنشاط واقوم
ورد : بنزوجتس من عندنا هههههههههههههههه
غرام : لا شدعوه بصير اختكم
لمياء : لا مانبيتس اختنا وش تبين اختنا تبين سعود يرنتس لين تقولين امين اذا ماسويتي له شاهي على طريقته
غرام : اوف فيها رن لا خلاص ما ابي اصير من عايلتكم حتى
لمياء وورد : هههههههههههههههههههههههههههههه
صدت غرام لاخر المطبخ وهي تسمع صوت ولد قريب
باهر جا بيدرعم بس ردته ورد
ورد : هدها لا تدرعم ولا اعجبتك😉هاه؟
ضحك باهر : مافي صباح الخير شي
ورد : صبحه بالخير الباهر
باهر : صبحها بالرضا الورد
جتهم لمياء تدندن وتطبل على القدر :
"وينك يادرب المحبه
هل اقفلوك الحبايب "
كملت ورد وهي منطربه :
"كذبوا علي الف كذبه
وظنوني في لحب كاذب"
كملها باهر وهو يطبل على الباب :
"وانا محسب حسابه ماجيت
من غير بابه
وانا محسب حسابه ماجيت
من غير بابه"
صفقو ورد ولمياء بالقدور على اللحن : سنتينن
ورددو كلهم مع بعض :
"ع الدرب تايه"
صفقو بالقدور مره ثانيه : محد
ورددو : محد من الناس يابه
وقفت ورد وهي تقول: يوه نسينا غرام
باهر ظن انها تقصد اغنيته وقال :
"يا مساء هالليل ياعطر ودخون
ياغرام باهر يا احلى العمر "
لمياء : اخس اخس يا غرام باهر وينا فيه يالحب وين وصلتو يومك تنسبها لك
ورد : يالطيب تراني اقصد غرام الانسانه اللي داخل المطبخ حشرينها هنا وانّا نغني
باهر : اوههه ورا ماعلمتوني حسبي الله عليكم الحين تاخذ فكره شينه عني
طلت ورد على غرام وشافتها شوي وتموت من الاحراج وطردت باهر
وابتدت طقطقه لانهائيه على وجهه غرام وتشبيكاتهم لها هي وباهر