"يامساء هالليل ياعطر ودخون ‏ياغرام باهر يا أحلى العمر"

4

خلصو تنظيف المجلس وراحت ورد ولمياء يسوون شاهي عشان يروقون بعد الطيحات
عند العيال
غيث : اه ياظهري احسه متكسر
ابو جاسر بعصبيه : نعنبو بليسك انت بعقلك احد يلعب بمويه وصابون قلنا نظف وماقلنا تكسر
غيث : ابشر
جت ورد بالشاهي ولمياء راحت تنادي امها
جلست ورد جنب ابوها وباست راسه : حي الله بنيتي عسى ماتكسرتي من ذا الخبل
ورد بضحك : تكسرت وبس هههههههههههههههههههههه
بس عادي استانسنا اهمشي نظفو معنا
قعدو يسولفون شوي لين سكتهم ابو جاسر بيقولهم شي
ابو جاسر : تراني عازم جيرانا بالمزرعه وعمانكم باتسر ( بكرا ) على العشاء فازهبو اغراضكم ورتبو كل شي وبيجن حريمهم الظاهر اي شي تبونه قولو لي وحنا تجيبه زين ؟
ام جاسر : ابشر ماعليك
ابو جاسر : تسلمين الله يخليتس لنا يله هالحين بروح انا والعيال لجارنا ابو سالم معزومين
قامو العيال وراحو مع ابوهم لابو سالم
وجلسو البنات ينظفون
ورد : لمياء تعرفين ذيك البنت اللي وريتك بجمعة ام نايف ؟ المتكبره ذيك
لمياء : اييييهه يع ليه وش بلاها ؟
ورد : تخيلي انها بنت جارنا بالمزرعه ابو سيف
لمياء : امااا عادد
ورد : وربييي تخيلي ٢٤ تتكلم عن الماركات والمدينه تحسبنا حمير مانعرف شي
لمياء : ياووكك يشينها مدري كيف متحملينها البنات كل يوم عندهم
ورد : ترا اختها زيها بعد تدبل الكبد ومسويه زينه وكل وجهها مكياج حتى ضروس..
قاطعتها لمياء بضحك : يشينس اذا حشيتي اسكتي خلينا نرتب قبل يجي ابوي
ورد : الشرهه على اللي يسولف لس

من بكرا الفجر البيت فوضى وحوسه وهم يجهزون للعزيمه
آبو جاسر : ترا اليوم عازمين جارنا اما عمكم محمد مراح يجي الا باتسر
ام جاسر : عسى ماشر
ابو جاسر : مافيه الا كل خير بس مشغول شوي
باهر : يبه من جيرانا ابو سيف ولا ابو خلف
ابو جاسر : لا ابو سيف بيجي بس اما ابو خلف نقل الظاهر
سعود : حسافه كان مونسنا
غيث : لا والله يدبل الكبد مغر يتأمر هو وولده المغرور
ابو جاسر : انت لو تسكت احسن لك
غيث : سم
ورد من المطبخ : لمياءء تعالي ساعديني
لمياء : طيب جيت
دخلت عليها وقرصتها(قبصتها)مع رجلها
ورد : احح وجعع
لمياء : تستاهلين لعانه فيك ماتنادين الا لما ابوي يكون موجود
ورد ضحكت : ايه عشان غصب تنظفين
انشغلو بالتنظيف لين انهلكو وانسدحو على الكنب
ورد : قومي تكفين سوي شاهي
لمياء : وانتي كارفتني كرف تخسينن
ورد : يشيننكك