"يامساء هالليل ياعطر ودخون ‏ياغرام باهر يا أحلى العمر"

28

‎بعد اسبوع // يوم مميز :يوم ملكة غرام وباهر..

‎ملكه عائليه ومختصره جدااا
‎الكل كان مبسوط وفرحتهم ماتوصف
‎«عند البنات»
‎كانوا مشغلين السماعة ويرقصون بفرحة كبيره
‎لمى جت غرام: هي قومي افرحي ملكتج
‎غرام: شايله همك ماقدر..
‎لمى تمسك وجهها: حبيبي كلشي بامر ربي قومي نفرح فيج ، سحبتها وبدت وصلة رقص بحماس
‎لمياء صرخت تسحب غرام ترقص معها: عصافيري ملكوا يحظ باهر والله
‎ورد بابتسامة كبيرة: انشهد أخواني محظوظين فيهم
‎لمى حاولت تتناسى حزنها ورقصت معهم
-
‎«عند الرجال»
باهر كان متوتر لابعد درجه
يفكر انه خلاص بيرتبط وبيكون مسؤول وخلاص مافي عزوبيه بيكون عائله ...مايدري وش وصله هالتفكير بس التوتر وفعايله

دخل الشيخ وسلمو عليه وبدا يقول
:انا باهر موافق تكون غرام زوجه لي
باهر لخبط بالكلام واحتاس:انا باهر اوافق تكون زوجه لي
سيف وسعود بالقوه ماسكين الضحكه
صحح له الشيخ واخيرا وقع وباقي توقيع غرام
خذا سيف الكتاب من الشيخ ووداه معه لداخل..
‎«عند البنات»
‎غرام شعورها مايوصف متوتره، جت لمى وهي : جا سيوفي يلا ،وتغمز لها بضحكه
‎غرام ضربتها: قلبي بينفجر من دقاته
‎لمى بحلم : الحب الحب
‎غرام: اص اف
‎دخل سيف ومعه الكتاب وكانت لمى تصور
‎سيف بابتسامة كبيره: واااه يالدنيا بتصيرين بذمة باهـر
‎غرام شعورها غريب هالليلة
‎لمى بإدراك: ثواني ثواني لايكون باهر ماراح يدش
‎سيف لف عينه لها: لا ماراح يدش
‎لمى: نعم وانت بس تتريق علي
‎سيف شمق لها وعطى غرام القلم توقع
‎قام يبوس راسها وبعد ما وقعت
‎تجمعت دموع الفرح بـ عيون بطلتنا
‎ضمها سيف من شاف لمعة عيونها وقال:مبروووك ياعيون اخوك الله يجعله زواج الدهر يارب
‎لمى بحنيه:مبروك ياحبيببتيي وضمتها
‎سيف بحنيه: ياحظه والله ومبروك يابعد دنياي
‎بعد ما باركو لها بدت محارشاتهم المعتاده لمى:يلا اذلف وش تنتظر
‎سيف شمق لها:شدخلج يام راس
‎لمى تحارشه: متأثر واجد
‎سيف: اقلدك لعل تفهمين بس باقي دلخه
‎لمى شمقت له:دز بس
-
‎ورجع لهم يسلم ويعطي الشيخ الكتاب
قام ابو سيف وابو جاسر يباركون لبعض ولباهر
وبعدهم الرجال
-
بعد ما راحو الرجال بقي سيف وباهر وسعود وغيث اللي كان مهفيي وبعيد عنهم يهوجس
باهر كان يسوي نفسه مشغول باي شي عشان مايواجههم
بالاخير قفلت معه وقال:شعندك انت وياه تلفزيون ؟
سعود اشر ل سيف براسه وقامو مع بعض وجلسو على الكنب
سعود كااتتمم الضحكه:يا سيف هل تقبل فلانه تصير زوجتك
سيف وكلامه مختلط بضحك:ايه يا شيخ اقبل انك تصير زوجتي
بعدها انهااارو ضحك وغيث اللي مفهي مات ضحك معهم
باهر عصب وقام شات كل واحد برا المجلس
باهر:يلله اذلف انت وياه لا بارك الله فهالوجيه