"يامساء هالليل ياعطر ودخون ‏ياغرام باهر يا أحلى العمر"

7

ال سلطان

بعد مدة وصلوا للمزرعة وكان على حزة صلاة المغرب
وكانت الاجواء غيومم وتاخذ العقل
اماني : الله وش ذا المزرعة الكول يبه تجنن
ابو سيف بضحكه وهو يوقف السياره : ذوق الباهر الله يخليه لآهله , نزل ابو سيف وكان ابو جاسر وعياله توهم طالعين من الصلاة ، ابو جاسر جلس يهلل ويرحب فيهم
ابو سيف مشى لعنده ويسلم عليه : هلا باخوي يهلاا وين الناس ، كانوا فرحانين بشوفة بعضهم
ابو جاسر : خل الاهل يدخلون داخل من ذاك الباب
ابو سيف : سيف دخل اهلك وساعدهم
( عند البنات )
كانوا منبهرين بأجواء المزرعة ونفسياتهم عالي العال حتى هيفاوه ، نزلوا من السياره وسيف يدخل الأغراض
غرام بانبهار وهي تدور تشوف المكان : الله راضيه اعيش طول حياتي هنا ، كانت الاجواء تحسد عليها دخلوا البنات
وكانت مستقبلتهم ام جاسر نفس رجلها ترحب فيهم
ام جاسر : يهلا ومرحبا تو ينور المكان حياكم
هيفاء بابتسامة: هلا فيك ام جاسر منور بأهله حبيبتي
سلموا البنات على ام جاسر وهم يتاملون لطافتها
نروح لمكان قريب من عندهم
كانت ورد رايحة للمخزن بتاخذ مكنسة وعلى اعصابها يطلع لها شي وتمشي بخفيف وكانت مشغله الفلاش
ورد : بسم الله يمه ليه رحت ياخبالتي لا ورد لازم تتشجعين خذي المكنسه لا تجي امي تكسرها فوق راسي
دخلت وخذتها بسرعة وبتطلع الا شي يمشي من عند رجولها ، خلت سيف الي كان قريب من مكانها ينخرش ركض بسرعه للمكان الي سمع فيه الصرخه
ورد كانت متجمدة من الخوف وترجف وتبكي دخل سيف المخزن وماكان فيه إنارة بس خفيفه
ورد كانت تحسبه من اخوانها وركضت له تضمه من الخرشة ، سيف صنم مكانه من البنت الي ضامته
صحى على نفسه وابعدها
سيف : يبنت الحلال ابعدي
ورد ماركزت بصوته وكانت تحسبه جاسر وتمسكت فيه اكثر : جاسر يمهه فيه شي تحتت ، كانت متمسكه فيه

"عند العيال"

سعود : باهر انتبه للشوي لا يحترق تراك خبل
باهر : اسكت لا اشويك معهم
جاسر : اقول انت وياه اذا خلصتو نادو البنات وعطوهم من الشوي
سعود : زين
باهر : وين سيف ؟
سعود : مدري راح المخزن يجيب زيادة فحم ويجي
باهر : افا تخلي ضيفك يروح يجيبه رح له اخلص
سعود : طيب بروح اسكت
راح سعود يدور سيف
وباهر خلص الشوي
وشاف بنت متغطيه يحسبها من خواته يعطيها الشوي
باهر : هيه بنت تعالي
اشرت غرام على نفسها باستغراب : يقصدني ؟
باهر : يبزره امشيي اخلصي علي احترقت يدي
مشت له غرام : طيب بجي
تفشل باهر لما درا انها مب من خواته : اوه معليش احسبك من خواتي
خذت غرام منه حافظة الشوي بدون بيز : لا عادد..ااححححح حححااررر
طيحت الحافظه وصاحت من الحراره
مسك باهر يدينها وهو يسمي عليها : دقيقههه اجيب ثلج من ثلاجة العصاير
راح جاب ثلج ورجع لها يحطه على يدينها الحمرا
غرام بفشله : معليش كبيت الشوي
باهر : عادي فدا لك -شال الحافظه وهو يفتحها- اصلا ماصار لها شي
مرت دقايق وباهر ماسك يدينها يحط عليها ثلج : هاه خفت ولا للحين توجعك
غرام : لا لا خفت