"يامساء هالليل ياعطر ودخون ‏ياغرام باهر يا أحلى العمر"

3

لمياء بمزح : غيث الله يغثك ابعد تكفى انت وريحة عطرك ذي واصله لسابع جار
غيث : ترا واصله معي اسكتي خليني اكمل شغلي وروحي رتبي الاغراض مع امي
استغربت لمياء من غيث لانها كانت تمزح وهو خذاها بجديه واول مره مايستهبل معها
لمياء : طيب هدها بروح الحين
راحت تساعد امها وورد يشيلون الاغراض وبعدها راحو ينامون عشان يصحون مبكر

-
صباح يوم ثاني مليان حماس وشوق للمزرعه
ورد كانت متكيه على المركا ولمياء منسدحه قدامها
ورد : ييووووهه من زمان عن الخيول اشتقت لها
لمياء : الله اشتقت للجلسه اللي..
فزو على صوت امهم تناديهم
ام جاسر : يالله ابطينا على ابوكم الحين بيجلس يهواش اخلصو علي
راحو يقشون قشهم ويركبون بالسياره
قدام ام جاسر وابو جاسر اللي يسوق
ورا لمياء وغيث وورد بالمرتبه اخر شي
اما العيال راحو بسيارة باهر عشان فيها صندوق (حوض السياره)
غيث : وشبها لمياء ماتحارشني نزل عليس الوحي ؟
لمياء : كنك مب انت اللي بغيت تاكلني ترا كنت امزح يالحساس
غيث : سريها بنسدح زحفي
لمياء : وين تنسدح ترا جيب مب باص
ابو جاسر : بسس صجيتونا الله يصجكم اسكتو خلونا نروق

-
وصلو بعد ساعه للمزرعه ونزلو اغراضهم ورتبوها
وراحت ورد لاسطبل الخيول
ضمت خيلها : الغيد اشتقت لك
صهل الخيل وضحكت ورد : ادري اشتقت لي بعد
طلعته وحطت له اكل ولما خلص ركبته وفكت شعرها : من زماننن عن هالشعور 
وركضت بالغيد وراحت لاهلها فيه لما وصلت عندهم
ناظرها باهر  : حرككككاتت ورد
غيث : خير خير بركب انا بعد
ورد ضحكت : يصير خير
فطس ضحك سعود :عشان يطيح زي السنه اللي فاتت هههههههههههههههههههههههه
غيث : ترا عشانه ماتعود علي بس
باهر : ايه ايه
غيث قلب عيونه : احسن لاتصدق
رجعت ورد الغيد وراحت لهم وهي تسمع امها تناديها
ورد : يلا امشو داخل اكرفو معنا
غيث : عشاني مروق بساعدك
ورد : انقلع بس
مشو كلهم وراها وكلهم دخلو مجلس الرجال لانه مغببرر ونسو اخر مره جو يغطونه
كح جاسر : كتمه انا بطلع ما اتحمل
باهر : كذاب بس يتهرب
ابو جاسر : اقطع واخس ونظف
مسك غيث ضحكته ولما طلع ابوه انفجر ضحككك
غيث : فدييتتتهه ابو جاسررر ههههههههههههههههههههههههههههههههههه
ورد : بلا كلام فاضي واخلصو علي
بدو ينظفون كل واحد ماسك شي
ورد تمسح الطاولات
ولمياء تنفض الغبار اللي على الكنب
باهر وغيث يغسلون الارضيه
غيث بصراخ: ورررروددددددد وخري عن طريقي
ورد مايمديها تستوعب الا وغيث تشقلب وطاح عليها
باهر وسعود حذفو اللي بيدينهم وماتو ضحك
ورد : ياللكلببب ذبحتني قمم عني بموت
غيث قام وهو مايحس بظهره : احح يظهريي
سعود : حمار انت من يتزحلق كذا بغيت تكسرها مسكينه
لمياء ركضت بتصفق غيث : يااااححمم.. وتزحلقت وطاحت وطيحت معها غيث اللي طاح على ورد
باهر وسعود انكتمو من الضحك