"يامساء هالليل ياعطر ودخون ‏ياغرام باهر يا أحلى العمر"

11

بعد ما تغدو وعينو من الله خير طلع ابو جاسر واهله لمزرعة ابو سيف عازمهم
ابو سيف : يامرحبا ومسهلا يالله حيهم اقلطو
ابو جاسر : الله يبقيك
دخلهم ابو سيف مجلس الرجال واشر لباهر طريق لاهله
باهر : يمه من هنا
ام جاسر: زين الله يعافيك انتظر خواتك يجون انا بدخل
باهر : سمي
جو البنات مشي واشر لهم باهر بيده
لمياء : اخخخ يرجليني ما احس فيها
باهر : هذي من الطناخه اللي جتس من يمشي بذا الشموس عسى ما احترقتي
ورد : احترقنا وبس الله يسامحس يالمياء
درعمت عليهم غرام : هلا والله نورتوووووو تعال..
شافت باهر مصنم يعاين فيها وغطت وجهها وانحاشت
طاحو ورد ولمياء ميتين ضحك :بموتتت ههههههههههه
ههههههههههههههههههههههه
راح باهر متفشل ولمياء وورد منكتمين من الضحك
شافتهم ام جاسر وشهقت :وش بلاكن وجيهكن حمر
ورد : ابد من طناخة بنتس ممشيتنا بالشموس بغينا ننصرع
ام جاسر: قلت لتس تعالي معنا بس دلخه امشن سلمن بس
دخلو ورد ولمياء يسلمون على هيفاء وبناتهم ولما مرو عند غرام ماتو ضحك
غرام : كلو تراب ورا ماعلمتوني ان اخوكم فيه
ورد : انتي اللي جايه مفحطه مندانا نقولتس ههههههه
لمياء : ليتني مصوره وجه باهر مفجوع يضحككككك ههههههههههههههههه
عند دلال والتؤام
دلال تخز غرام : وش فيها ذي على طول شبكت معهم
اميره : يشننههمم يع
اماني : شفيكم عليها خلوها تستانس كافيها انتم
دلال: سدي حلقك انتي ، وانتي يا اميره اسمعي روحي سوي نفسك بتصبين لهم قهوه وكبيها علي غرام
اميره : ليش حرام
دلال : سوي وانتي ساكتهه
قامت اميره وخذت الدله تقهويهم
مدت الفنجال على غرام عشان تكبه
لكن تعكرفت برجل غرام وانكبت القهوه على ورد
اللي انحرقت بيدها وفستانها الاحمر امتلى قهوه
فزت ورد : اححح يدي تحرق
اميره بصدق: اسفه وربي مادريت معليش تعالي امسحه لك
ورد : عوافي ياقلبي دليني على المغاسل بس
ودتها اميره عند مغاسل الرجال لانها اقرب
وجلست ورد تفرك يدها وتتحسب على اميره : الله ياخذها انشويت اح يايدي توجههههععع وخرب فستاني كله منها

"عند الرجال "
سيف يقهويهم ويضحك معهم شويات
غيث : اجلس اجلس انا بقهويهم
سعود : اهجد انت تراك دلخ
سيف : لا معليك يا غيث مرتاح
غيث شاش راسه: والله لا اصب انا
قام غيث يصب وسيف جلس ومد له فنجاله
سيف يضحك : ورنا مهاراتك هههههههههه
قام غيث يشقلب بالفنجال وطاح الفنجال ونقط على ثوب سيف وتكسر
ابو جاسر: حسبي الله عليك من ولد وش سويت
غيث : هو قالي سو حركات مالي دخل
دخل سيف مغاسل الرجال ينظف ثوبه
سيف : الشرهه علي والله معاد اخليه يصب
وقف سيف وهو يسمع صوت بنت تتحسب وتسب  بمغاسل الرجال
البنت : الله ياخذها انشويت اح يايدي توجههههععع وخرب فستاني كله منها
درعم يحسبها غرام
سيف : حتى انا انشويت شفتي كيف القلوب على بعضها.. ولكن صدمته وحده لابسه فستان احمر يقطع القلب
ومغطيه وجهها بيدينها
ورد : اطلللععععععع ذي مغاسل حريم يالوصخ
سيف : ياروحي ذي مغاسل الرجال
تفشلت ورد : من روحك زح بس خلني امر
مرت ورد وفاحت ريحة عطرها اللي خدرت سيف
سيف : اه ياقلبي
غسل ثوبه وعقله وقلبه مع ورد 🤤
طلع لرجال وراح يضم غيث
غيث : شبلاك
سيف : ياحبيبي والله اني احبك دايم احرقني اذا جيتونا
غيث : مهبول هههههههههههههههههه
سيف : حبيبي تسلم
بعد مده من الضحك والوناسه
راحو اهل جاسر لمزرعتهم