"يامساء هالليل ياعطر ودخون ‏ياغرام باهر يا أحلى العمر"

9

(عند الحريم)

كانوا بالمطبخ يجهزون المقبلات والأغراض الباقية للعشاء
ام جاسر : بنات روحوا اجلسوا لا تعبون نفسكم كلشي زاهب
غرام : لا خالتي انتي ريحي من اليوم وانتي تشتغلين
ورد : اي يمه استريحي مافيه اشياء كثيره وانتي بعد اماني .
هيفاء واميرة كانوا جالسين مايبون يشتغلون بمسمى الضيوف
عند ورد وغرام ولمياء شكلوا الثلاثي الونيس فالينها
ورد : لمياء ياتبن سكري الدريشه لا يشوفك احد
لمياء بتأمل: الله شوفي النجوم والقمر ساطع مره
غرام فزت تبي تشوف : يماميي اعشق القمر الله يهبلل كبير وساطع
ورد : لمياء خذي الخبز وديه لجاسر
غرام : اساعدك بشي ؟
ورد : لا خلاص حبي روحي ريحي بزين لي شي واجي.
راحت غرام لصالة عندهم ورد جلست ترتب آخر الأغراض

عند سيف كان مضيع مطبخ الرجال وبيدينه اغراض الشوي دخل مسرع يحطها عشان يلحق على العشاء
ورد انخرشت من الي دخل مسرع لفت بعد ماكانت لاهيه بالجوال تناظره ويناظرها تجمدوا مكانهم وطلع سيف بسرعه ( وش بلاني بذا البنت كل شوي طالعة لي )
ورد طلعت للحريم وهي مندوشه
ام جاسر : شفيك ابطيتي تعالي كلي
وجلسو يتعشون ويسولفون
وبعد مده راحو اهل ابو سيف لمزرعتهم المجاوره لهم

"عند غيث"
غيث : طولت على اهلي برجع انا توصون على شي ؟
حمد : ابد سلامتك
فراس : في حفظ الرحمن
غيث ركب دبابه وتوجه لمزرعة ابوه
بعد ساعه وصل للمزرعه
غيث : والله البلشه ماحسبت حساب الرجعه شسوي الحين
"عند لمياء"
ورد : تعالي نروح عند الغيد
لمياء : لا مابي بدوج بالمزرعه
ورد : بكيفك
راحت ورد عنها للغيد وهي تتمشى بالمزرعه
لمياء : يالبيهه يالجوو مايبيله الا شاهي
سمعت صوت من عند السور بس تجاهلته وانسدحت على الكراسي غمضت عيونها تستمتع بالجو الحلو
نقزت من مكانها لما سمعت صوت مشي وهي متاكده محد معها لفت وجهها لجهة السور الا وتشوف واحد ملطم ويناظر يمين ويسار
لمياء : ييييمممممهههه حراممممييي
وركضت باقوى ماعندها والحرامي يلحقها
مسكها الحرامي وربط يدينها على ورا