"يامساء هالليل ياعطر ودخون ‏ياغرام باهر يا أحلى العمر"

23

‎« عند الحريم»
اقوى استقعاد لسحاب كل الحريم مستقعدين لها
عشان مامعها احد لا ام ولا اخت ودمعها على الحافه
انقذتها ام جاسر بندائها:سحاب بنيتي تعالي
خزنه"وحده من حريم الديره":يله يبنيتها روحي لها لا تنبذتس مثل امتس ماصدقت على الله
ضحكو الحريم على كلامها
ام جاسر تقطع قلبها عليها
طلعت سحاب لها وقالت بصوت مخنوق:سمي ياخاله
ام جاسر بمزح:امدا صرت خاله
سحاب خذتها بجديه بسبب ضيقها وكلام الحريم اللي زاد همها:معليش قلتها بالغلط ايش تبغين اناديك؟
ام جاسر:يعيوني ياسحوبه تراني امزح معتس ناديني اللي تبين
ام جاسر سبق وكلمت غيث يرجع سحاب لبيت ابوها
عشان مايضايقونها اكثر
ام جاسر:اطلعي برا ترا غيث يحتريتس
سحاب استغربت:ليش ينتظرني؟
ام جاسر:بيوديتس بيت ابوتس والله انه مايهون علي كلامهن لتس
سحاب:ياخاله ماهموني والله
ام جاسر:ماهموتس ودمعتس بخدتس تلعبين علي انتي
سحاب شويات وتنفجر من الضيق
سكتت ولبست عبايتها وطلعت لغيث

‎« سيارة غيث»
معصب من امه والبلشه اللي بيوديها
:شعندها ذي تحسبنا تزوجنا يوم تقول ودني

انفتح الباب الخلفي وركبت سحاب
انقهر غيث:ترا مانيب سواقتس امشي قدام احسن لتس
سحاب ماردت لان صوتها بيفضحها
قفلت الباب الخلفي وركبت قدام وهي ساكته
حرك غيث السياره ومل من الصمت اللي يوتره 
غيث:ترا عندتس اخو تقولين لامي اوديتس ليشش
سحاب نزلت دمعتها من ذكر اخوها
وقالت بصوت مخنوق:طيب وقف
غيث انصدم من صوتها الباكي:يليل الورعه على اي كلمه تبكين بزر انتي بزر؟
سحاب:غيثث وقففف
وقف غيث ومستخف بسحاب واللي بتسويه
نزلت سحاب من السياره وكملت مشي لبيتهم اللي ماتعرف وينه اصلا
غيث مو مصدق:شبلاها ذي الهبلا يليلل السرى
نزل لها ولحقها ركض
سحاب منهاره:هاه شتبيي رح عني مو قلت ازعجتك يلا روح لربعك بكمل مشي
غيث مسك يدها:شفيك تبكين طيب
سحاب زاد بكائها:مدري القاها منك ولا من حريم الديره ولا من اهلي الله ياخذني يارب