"يامساء هالليل ياعطر ودخون ‏ياغرام باهر يا أحلى العمر"

26

قفلت سحاب ورمت جوالها بـ قهر على السرير
بنفس الوقت دخل غيث بـ وجهه البشوش المعتاد مو مبين عليه انه سامع كلام سحاب وامها
ابتسم لسحاب:افا شفيه الحلو معصب
استحت سحاب وسكتت
غيث:تعالي تعشي بيبرد الأكل
لحقته سحاب وجلسو يتعشون
وغيث يسولف مرات ويسكت اذا شافها ساجه وتفكر
‎«بالديره»
لبست غرام قميص ورد الروز
وانتهوا من التنظيف و بقي المواعين
كانوا متجمعين البنات بالمطبخ ويسولفون على لمياء
لان هي اللي عليها التغسيل
غرام:تخيلوا امي بترجع للكويت اليوم ولمى رافضه وتبيني افزع شسوي
ورد:على الطاري ناديها خلنا نحل مشكلتكم
دقوا البنات من جوال غرام على لمى سناب كام
لمى ردت بس ما كانت تكلمهم:يريالل خلاص والله دريت
عبدالله: معليج منها ريلي على ريلج وما بنروح يعنني تسوي تتحكم هذي
ضحكت لمى:يا غبي هذي امك ترا
عبدالله:ودي اقول كلمه بس ماتصلح الحين اذلفي عن وجهي بنام
طلعت لمى وسكرت الغرفه
لمى وهي تضحك:هلا بنات
لمياء تقلد كلام عبدالله:ريلي على ريلج
لمى ماتت ضحك:اما سمعتو
غرام قاطعتهم:بنات بروح شوي واجي كلمو لمى عبال ما اجي
ورد ولمياء:تمام
‎«جلسة سالم»
جو العيال عالل العاللل
يغنون وسيف يعزف مرات ومرات يغني معهم
خلصو ثم قال سالم:باهررررر جبت البلوت؟
باهر لف على سعود
سعود:لا ما جبناها
سالم:اجل قم اطمر بالذيب جبه
سعود:تخسى
سالم:اففااا
باهر:قم يله ولا ماتبي يكسر راسك
سعود:يعققبب يله بروح اجيبها وانتم سوو براد يكيف الراس لين اجي

‎« غرفة جاسر»
روانا كانت تصارع الملل حرفيت
الزواج ماحضرته ! واهله ماشافتهم
حتى نتها بينتهي خلال ٢٤ ساعه!
وجاسر مايهتم ولا يسمع لها!يدخل ينام ويصحى ويطلع اما للعزبه او برا عند اهله!
في اليومين اللي فاتت بدت تفكر بأهلها وشلون تعلمهم انها يتيمه! وكيف اهله بيتقبلونها وهي نص فرنسيه
حرفيا حالتها صعبه!.
‎«عند غيث»
اه من سحاب وغيث عايشين في العسل
رغم أن سحاب ملاحظه صدود غيث عنها لكن تتجاهل
لان حتى هي ماتبيه يلمسها إلا لما تتوضح الأمور ويحددون مصيرهم.
‎«عند البنات»
سمع سعود اصوات البنات بالمطبخ وتنحنح
لمياء بصوت عالي: ادخل ادخل مافي احد
لمى من الجوال: مين الي بيدخل
ورد وهي تاكل: اخوي سعود
دخل بطلته شماغه حاطه على كتفه وشعره الكثيف
نقطة ضعف لمى الشعر نقدر نقول ذابت من شكله وصوته
لمياء وهي تحاكي ورد: روحي شوفي غرام وين طارت
وعلى ذكرها توها بتدخل الا تسمع صوت احد عندهم
ورد طلعت وكانت قدامها: فيه سعود اخوي تعالي نروح
غرام: غريبه وش جايبه مو هم مجتمعين
ورد : ايوه بس جاي ياخذ البلوت ويروح
غرام بضحك: امنيتي اعرف العبها
ورد بخبث: عاد باهر عشقه البلوت
غرام وهي فاهمتها : اي ماشاءالله ههههههه
ورد: خلينا لمى بالجوال مع ذا الفاهيه
غرام: لمو عاد تحفه يارب ماتجيب العيد
كانوا بالحوش يتمشون
-
نرجع للي داخل
خذا سعود الي يبيه من المقلط وجا للمطبخ يطمن عليهم يشوف يبون منه شي
جا بينادي عليها بس قطعه صوت ضحكات
دخل بسرعه على لمياء : وش ذا الصوت
لمياء لفت عليه وللحين تضحك على لمى: وشو شفيك مخروش
لمى: لميووه بكمل
لمياء: لمى اخوي عندي انتظري
لمى بصوت خفيف: افتحي الكام بشوف
سعود باستغراب: مين تكلمين ذا الوقت
لمياء: شسمه لمى اخت عبدالله
سعود بادراك: اييه زين اقصري حسس قلبي بغى ينشلع وانا اسمعك تضحكين لحالك
لمياء فطست عليه هي ولمى الي ضحكتها تفضحها
سعود بفشله: يا**** ماحطيتي ميوت
لمياء تكلمت قبل لايجيها : ياخوي نسيتت رح لهم ترا تاخرت
سعود بوعيد: اوريك اذ رجعت
لمياء : ننتنننن رح بس مسوي ، طلع وراح للعيال .