"يامساء هالليل ياعطر ودخون ‏ياغرام باهر يا أحلى العمر"

22

تسريع أحداث «بيت ال جاسر » المغرب / 6:13

ورد تنسدح بتعب: اخيرا جسمي كله مكسر اهخ
لمياء بتعب: الله يهديها امك انهكتنا
ورد: بقوم اتروش وارقد يارب امك ماتطلع بشي جديد
لمياء غفت على الاريكة
ورد: الله يرزقني سرعة نومها
-
«عند غرام ولمى »
من بعد الاحراج الي صار دخلوا وناموا علطول من قوة التعب والشمس الي دوختهم
غرفة (هيفاء وابو سيف )
هيفاء بصراخ: اي البنات هايتين بايتين وانت ولا همك وبنت ذي السحليه بعد
ابو سيف بروقان: وش الي حارق رزك انتي
هيفاء بعصبيه من روقانه: وش ذا الروقان اليوم خير
ابو سيف: تعرفين الشوق وكذا
هيفاء بغيره: همم شوق وش ان شاء الله مراهق انت
ابو سيف تنهد: ايام
هيفاء ناظرته نظرة وراحت مايستحي ذا يتكلم عن قديمته بوجودي حطت حرتها بأميره الي نفسيتها منقلبه فوق تحت
هيفاء: اميره قومي رتبي ذي ولا تناقشين ماني فاضيه لك
اميره ببرود: زين
هيفاء تخصرت: انتي وضعك هالايام ماش شفيك
اميره تغسل وجهها: ابد نفس الحال
هيفاء: شفيكم انتي وابوك اجتعمتوا على حركات هالمراهقين وحده محزنه والثاني خلني ساكته بس
اميره:ارتب وش
هيفاء: احترمي امك بس
اميره بنفاذ صبر : ماما انا محترمتك علميني وش ارتب عشان انام بليز
هيفاء: عشتوا يابنات هالزمن رتبي المطبخ
راحت اميره بدون نفس لشي وجلست ترتب

من بكرا الضحى في
« بيت ال جاسر »
البيت كله مدهر اللي يدور شماغه واللي يدور عقاله
العزيمه كبيره وأول عزيمه بدون جاسر!

‎« في المطبخ»
ورد تقطع الكبده وام جاسر تغسل الكرش والقصبان
ام جاسر:لمياء بدون كلام قطعي البصل وحطيه بالتاوه
لمياء وهي تاخذ ٥بصلات:طيب
ورد وهي تمسح جبهتها بكوعها:يمه شوفي كذا زين
ام جاسر:ايه زين قومي حطي التمر بالمقادع
دخل سعود ووراه غيث
ام جاسر:هاه جبت رطب ؟
سعود وهو يأشر لغيث:ورع رح جب الكولا عانه بالغماره ورا ، ايه جبت رطب
ام جاسر:وينه؟
سعود:حطيته عند الرجال هناك
ام جاسر:زين