"يامساء هالليل ياعطر ودخون ‏ياغرام باهر يا أحلى العمر"

8

باهر : اجل ادخلي داخل وانا بنادي وحده من خواتي تشيله عنك
غرام : لا عادي بشيله ماتعورني يدي اصلا
باهر : يبنت الحلال قلت خلاص بنادي خواتي
وقام ينادي على لمياء وورد
غرام : يوهه خلاص بروح بس اسكت الحين يشوفوني معك ومايسكتهم شي
باهر اشر على الباب : ههههههههههههههههههههه ادخلي ادخلي

"عند سعود"
سعود : سسييييفففف وين طرت
طلع له سيف من المخزن : سعود وش جابك
سعود : وينك ابطيت ننتظرك تجي
سيف : مالقيت الفحم
سعود : امااا عاد ماشفته ترا قدام وجهك تعال بوريك
خاف سيف يشوف ورد ويفهم غلط : ايييييي صححح بقولك حاجه تعال هناك خاف احس يسمعنا
سعود : اخلص وش تبي
سيف بصوت عالي : سعودد يله نروووححح
سعود : شفيك تصارخ خلاص بجي
راح هو وسعود للمجلس القريب من المخزن
سعود : امر وش بغيت
سيف : يوههه نسيتتتت كله منك مامشيت على سنع امش امش اذا تذكرته بقولك
سعود : شكلك مسوي مصيبه بالمخزن ولا تبي تعترف
"عند ورد"
ناظرنا ببعض لما سمعنا صوت سعود
ورد : يمه سععود وش اسسويي
سيف حط يده عل فمها : اسكتي بطلع له ولما اقول سعود يلا نروح اطلعي بسرعه
هزت ورد راسها بعدين هو طلع يركض لسعود
سمعت اصواتهم يسولفون لين قال سيف بصوت عالي سعودد يله نروح
طلعت تركض بالمكنسه وتشقلبت فيها بس تداركت الوضع وقامت بسرعه عشان مايشوفونها
وصلت المطبخ تتنفس بقوه من الركض ومن الروعه
رفعت عيونها شافت غرام نفس حالتها بس يدينها حمرا
ورد : وش بلاتس
غرام : حرقت يديني
ورد : احح بسم الله عليك وريني
غرام بتوتر : ودي اصارحك بشي
ورد : حتنا تعالي هناك
راحو لصاله الصغيرة
ورد : يلا قولي
غرام : لا نقول مع بعض
ورد : طيب يلا ١،٢،٣
غرام : شافني اخوك
ورد : شافني اخوك
قالوها مع بعض بعدين ناظرو ببعض وانفجرو ضحك : ههههههههههههههههههههههههههههههه
ورد : اخوي مين 😭
غرام : مدري بس كان يشوي وناداني خرشني طاق ميانه يحسبني انتي وبعدين من التوتر شلت الحافظه بدون بيز وانحرقت وتفشلت ورجعت ههههههههههههههههه انتي وش صار لك
ورد : رحت المخزن بجيب مكنسه لامي ومامعي نوره ومنخرشه اكره الحشرات الا واسمع صوت واتعلق باخوك احسبه جاسر اخوي وهو مرتاع وبعدين سمعنا صوت سعود اخوي تمنيت اني عصفور واطير بس اخوك راح معه وجيت ركض هنا ههههههههههههه